¹ Akonojjae jumetaima pejumeitsijaba TUJJANENü:"Namatakore kaponare yajaba nija livaisi ibo jumatsutota jabata;jema pejumatsutoyo jumetaima nija jume jaba. ² Pajumetaima najume nekoni TUJJANENü jaba,pajjamü ibo jumatsutota,pajjamü petsiwajunae ira pe ataja jaba.Beitsi jane TUJJANENü jjaina penakonitsibi pija tomarata,PONü yajaba nabena kote jaba Israel wekua". ³ Taja tomarajji,¿depa ka itsitsi?¿Depakuenta ka bujutsutsia ka ejjanajû?¡jjanüta neyavenonare! ⁴ Dejjuatsia jjanü ka itsitsi pejunae nejja Egipto ira jaba kaya venonae pija esclavo bota.Itorobajû,Aarón yajaba Miriam jjamüta. ⁵ Taja tomarajji,najamatabünapitare Balac,ira evetsinü itsi,Balaam pakuenia,Beor pejunato,jumepita ponü jabaria pakuenia pona Sitim jaba betsina Gilgal,pe yaputae nejja pe itsi pejjania kuena TUJJANENü." ⁶ ¿Dejjuameta jjanü to kaponaenajü PETUJJANENÜ,pakuenta tapematabakabuta nukajû pa DIOSO atjübübetsia eka?¿tsikamure PONü jaba beria petsakiajaba ofrenda,ternero kae way pejjanaejaba? ⁷ ¿PETUJJANENü barüya tsane pa miles carneronujji o pa diez mil pa meti mene jaba?to rajutsianajû ta kopiata tajji pebisia ta ejjanaejaba,ta pebisia ta ejjanaejaba jjanü jabata. ⁸ PONü ka jumeitsi,jivitonü, pejjania kuene TUJJANENü jitsipa jjamü jabata:itsimüre pejjania kuene,jitsipare pejjania kuene yajaba ponare pejjaniakuen nija DIOSO jabata. ⁹ TUJJANENü pija jume itsi liveisi tomara jabaria,ajena konojjae,newunüpeyapütaebi yapütaeya newünü:"Pajumetaema naebotajabata kae yajaba penutsi kae kobüta. ¹⁰ Bitso pe abeje jaba pija bojji jaba eka pe abeje jaba,penametsuntsi yajaba apo pejitsipaejaba. ¹¹ ¿JJANü taniji pejjania kuene pe itsi pa jivitonü pe ejjanae balanza pe nakobetojjotsijaba,pa doro pe arebe jaba peyamauju tsünütsi jaba? ¹² Pa jivitonujji pa rikojivi bitso jjaena pebitsiajaba,pe jinonopaebibi kuekey penajumetsünütsijabapija peebarüto pekueybojoto penajumetsünütsijaba. ¹³ Bajara pakuinaita,jjanü ka yapünütatsi pevajunü tsikiriyo,bitso kabijievi ka ejjanatsi ne pabisia kuene. ¹⁴ Jjamü jjanemetsane beitsi jane apo napeneyabatsaneme;jjamü ünüsa tsaneme jjamü javata.Jjamü kaituataponametsane pejjania kuene,beitsi apo kapanepanametsaneme,jjamü to rajutsianajû espadajavata. ¹⁵ Jjanü übiename,beitsijane jane apo kaetutsianame;jjamü tajjünonotsiename aceituna java,beitsi jane apo ne kaeribiename meti rata;tsapakaename uva java beitsi jane apo apaename vino raa. ¹⁶ Peitorobijabami Omri pe itsi java jjanivaetabuata,dajjita pe itsijava Acad pija bota javataria.Jjamü poname ka pemujujiobijavata.Nejjata jjamü ka itsitsane,tomara,bitso bijiebi,nejjata pa jjamü,pejinonopaebimi,hemakuene ka kapokaponaena tsane,pajjamü yajava kaponaename apo kajitsipae be ta tomara.