¹ ¡"Majjua pajutaemaje, sacerdotevi! ¡panamujjunae evere,Israel bopijivi! ¡pajumetaema, rey pa pija bo pijivimü! panenanekonita vanapaejava dajjita pajjamü paka tsiya patsiana. pajjamü paka yamajju itorobiaya paka kajinavanapa Mizpa tomara javata Tabor javata paka yamüjju itorobiaya paka kajinonopa. ² pejamatabü anaeponaevi vü pebe kuenia jinonopa, baitsijane dajjita bajara pamonae gastigabianajü. ³ JJanü yapütaniji Efrain, Israel apo namatayatsi jjanü vekua. Efrain, be penavi kanajetsiva kuenia jjamü ponaponame; Israel pabisiakuene naejjana. ⁴ pekuenejava apo kuene kajüpaetsi Dioso pejume kavunütsinejja, tsipaji bajara pamonae wü penavekua jaitsijavanü jamatabü enatsi, bajara pamonae apo yapütae PETUJJANENü. ⁵ Israel pena pinijitae jamatabükuene jamatabükuene bijianatsi; nejjata Israel Efraín beje pija pabisia jamatabü kuene kasaübejetsane. ⁶ bajara pamonae ponaena pija dajuvi yajava pejaitsinejja PETUJJANENü pejaitsinejja, ⁷ Bajarapamonae Petuujjanenü rovia apo to jinawanapae, tsipaji pejji jjaina matayatsia. juya ikatsia juemeto itsa to barüyatsane pija paabi yaajava verenianatsi. ⁸ Baka mataeetoonu pa obare Gibeatalia, Ramátalia ata trompeta pa obare. Be penatsekonae jumeta Bet Avéntalia nua: !Pajjanü pakapünapinaenatsi Benjamin! ⁹ Efrain raja bijianaenatsi pakujinae nanekonitsiana. Israel viria tuatuajüta tsipaebajû jjua kuene taejitsia. ¹⁰ Pematakanubenaevi judapijivi be pamonae pejitsipaevi pijaira mataropotijitsia. Jjanü ta anaekuene tsijopae ejjanaenajû be mera. ¹¹ Efraín raja tsapatsapaüka; bajaraaponü raja tsapatsapaüka penanekonitsi javata, tsipaji raja bajaraaponü pejumapekataenüanü pünaponapona. ¹² Jjanü raja be tonebütoyonü tsane Efraín nejja, be petsabanae kuene Judá pijabota. ¹³ Pakujinae Efraín tane pijadomae Judá nawajünütane, neejjata Asiria javaabelia pona juya juda livaisi kaponaevi itoroba ira nakua evetsinü jjaneto javaabelia. Baitsi jane bajaraaponü apo kapanepae pewajünü waübijava. ¹⁴ Jjanü raja be Newütjünü tsane Efraín nejja, juya Judá pijabojavaabelia be newütjü nakuetonü tsane. Jjanü, tsiteka, bijianaenajû bajarajjua kujinae ponaenajû; tajü, ajibi tsane pe yavenonaejivitsi tsane. ¹⁵ Jjanü lianütsane naviatsialiajû takowü javaabelia, penanekoni tae javaabeli jaitsiana matapania tane itabara neitabara taenejja, tanejaitsi javaalia pejamatabü livaisi kueronae javata.