¹ Pa jumetaema petujjanenü pejume, pajjamü Israel pa nejinavono paevi. Petujjanenü jjeina panenekuentsi liveisi pajjamü yabara, irata pane jinawonopaevi, tsipeji ajibi pepakuenia, jjua pakueikueijamü, ajibi paneyoputaejava Dioso kuene irajavata. ² Pebisia kuene, penametsuntsijava, pe bejavakuene, penatojotsi kuene pena perbükanajatsikuene, penatojotsi kuene pena pera bükanajatsikuene. Tomara ukata dajjita upienü, ikatsia saya ya matabia. ³ Nejjata ira nakua yatsevapona, ikatsia dajjita pamonae jinavonopa yavitanetsaponae; nejjata bestiavi wayafo pejinovopaevi pe punaevi yajava atjübütatsia, menepijivi yajavo tüpapona. ⁴ Betsijane pütsa kaejiviyota renatsipae, pebijia leveisi pekapatsi yeniva; putsa kaejiuiyo ata pa kapatame pebijia liveisi pejumejava tsipeji pajjamü baja sacerdotevi, tsipeji bajara pamonae baja. ⁵ Pajjamü sacerdotevi apo pajumeku ü nütsimütsane dajjita malakabi, profetavi yajava apo jume kowünütsitsane pajjamü yaja merevita, nejjata jjonü Israel tomara wereverekae ejjanaenajü pakuenia be ena tsane. ⁶ Taja tomara werewereka apo peyoputaejjae. Tsipeji pajjamü sacerdotevi, apo pa jejamü pane yapataenejja. Jjanüata apo paka pitsánetsi pa sacedotevimü. Tsipeji pajjamü taja liveisi pa nakafunutame, panija Dioso atanü, jjanüata paka nakafunülsienatsi panejji. ⁷ Ikatsia matatanetsia sacerdotevi naejjanapona. Ikatsia baja matatajjenatsia pe biejiie kuenia ejjanapona jjanüjava berena. Bara pamonae baja na kanbiobopone pejjenia kuene java juya pebijiekuene java berena. ⁸ Bara pomae taja tomara pebijia karirü najume liveisi jjane, bara pamone pepijiekuene najumeetaba jjemabieba. ⁹ Bara jjüa tsane tomara nejja, pakuenia sacerdotevi; jjanü kastigabienajjü dajjita pe ejjanaejava; jjanü too kanavietsienajja pakuenia itsitsavonopae. ¹⁰ Bara pamone jjaena, beitsijane apo ayeijava kuenia, barapamonae naperabü kanajetsiane, beitsijane apo jjeinaetsane pejji, tsipeji petujjanenü tajjü navekuopona. ¹¹ Bara pa monae jitsipa pena kentsia taewa javakuene pe ataneronü vinoranü, pejeneranü, baja kaponeka pe yapütaekuenejava. ¹² Taja tomara yanijaba pejjitsi naetanü, pijabastonü liveisijume tsipaebabiebatsi. tsipeji pe najumetabü jeinaekuene prosmiscuidad java kaene siva itorobatsi pepijia kuene java, nejjata bara pamonae pena perabü kanajjetsikuenia jinavonopa, ¹³ Bara pamonae sacrifikababiaba petsütonüta incienso java tajuita bieba petsülonüta, roble naenüta bajjupana, alamar terebintos yajava, tsipeji pejjania sombra tsakiebi. Nejjata baja pejjütavanü pebijiekaenejava penaperabü kanajetsikuene java ejjanavonapa, pekopenavanü naperabü kanajeta. ¹⁴ Jjanü apo kuenintsane pejjünatovanü itsa na perabükanajetsi tsiena, Pekopena vanü ata. Pakujinae naperabükanajeta tsiapeje pebijivi narujuta biaba penaperabü kanayetsi petirriwanü jabelia, nejjata bara pamonae tsakiepa pebijjiekuene pe ejjanaenejja, penaperabükanajetsiva sagradavanü. Nejjata baja, patomara, apo yapatae nejjata yabena patomara. ¹⁵ Jjamü ata, Israel adulterio itsimü, Judá ata apo ya liveisibitsanetsi. Pajjamü Gilgal javabelia putsa, paponame, ponaetsipame Bet Avén javabelia, putsa pajumeitsumü: "Pakuenia Pe tujjanenü ponapona." ¹⁶ Beitsi Israel apo liveisi jumetaebiebi, be bakakaene apo jumetae.Depa kaene nejjata petujjanenü paka karenatsane pejjania wayapho jaberena ¹⁷ Efraín nasiva kaetuota pija idolonüta; kaenü penüre. ¹⁸ Pakuenia pe atsajjara ata vekua ponatsiata, bara pamonae pebisiekaene pena perabü kanajetsikuene ejjanavonopa; pija gobernantevi pe bijiekuene pe ejjanaejava jitsipa. ¹⁹ Nejjata joviba ya, nejjata bara pomonae ya urabienatsi dajubi pe tajjuitsijjae.