¹ Israel, ikatsia nija Dioso javabelia najamatabü pünüyorore, tsipaji raja ikatsia pebisia ejjaname. ² Najume livaisi jjanere Petuujjanenü javabelia ikatsia. Bajaraponü jumaitsimüre: "Pajjanü vekua pebisiakuene panevekua tijjire ü pejjaniakuene paneto kopare, pejjania livaisi pakato kuikuijaijitsiatsi. ³ Asiria raja panekapanepaena; pajjanü raja apo pa jumaa enaenü tsane caballo penabe javaabelia. Pajjanü nua apo pajumaitsinütsane bitso raja patakobe nakuenebare: "Pajjamü raja pataja diosomü; jjamüta tsonü jiviyo pajja peto ajibinütsi jjamü javaabelia pejjania kuene kajjitaajaraba. ⁴ Jjanü jumali jjanepanae ejjanaenajû jjanü vekua natajüyotsi ata; Jjanü asivanütsane ajamatabükowübia, ta baraa anaepanaekuenia baja neto kaeva. ⁵ Jjanü raja be dononü tsane Israel neejja; bajaraponü namatonotsiana be lirio tabutopa juviana be Libano pija cedro. ⁶ Majjürüna navitsiana; be Olivo kuenianaenü yajjaniavaetsiana, be Libano pija cedro tujjuuviana. ⁷ Pamonae pitakiribota jinawanapa naviabiarena; bajarapamonae namatakobiana be naekui viña kuenia namatonobiana . Yalivaisi jjanepanaena be Libano pija vino. ⁸ ¿Efrain, de jjua jjainajû pejumape kataevita? Jjanü kajumepitsianatsi ka evetsianatsi yaajava. Jjanü raja be cipresnü, pabajju raünaenae tsabiabi; jjanü velia raja najetaruka nawajünaejavabelia." ⁹ ¿ Jipatsa bitso yapütane pekanaüjütsinejja ma jjuaje?¿Jipatsa jume yapütane ma jjuaje bajaraponü peyapütaenejja? Petuujjanenü raja pijanamuto rovia, pejamatabü roviavi bajarapanamutua pona, juya pe jamatabü bejevi to abejetsi.