¹ Efrain joviboveerena na livaisi ejjana este veerena pajovibo pünapona. Bajaraponü ayaikuenta penajumetsinütsi livaisi ejjana penamajüvaìtsi livaisi ata. Bajarapamonae Asiria pijivita najumetanebeje olivo meti Egipto javaabelia kapona. ² Petuujjanenü ata Juda javaabelia wajüka jakob pe ataneebi ejjanae neejja bajarajjua pe ejjanaejjae; Bajaraponü matamotsiana bajarajjua pe ejjanaejjae. ³ Pena pekototualia Jakob pematapijinü waetaba petajjusolobü javalia, pebikuenia Dioso barünabia. ⁴ Bajaraponü Angelonü pe barünabejavata amoneyaba. Bajaraponü nua ayaikuene wajüta pejjaniakuene pe ejjanae neejjatsi. Bajaraponü Betel javata Dioso yapütane; bajarajota Dioso barükuikuijaitsi. ⁵ Ma ponüje Petuujjanenüje, Bajaraponü raja Diosonü wajabütsaü matabokotonü; "Petuujjanenü" raja pewünü bajarapakuenia raja pajunatabiabianame. ⁶ Panija Diosos javaabelia panajamatabü pünüyorore. Pajamatabü roviamüre tsitekaya pejjanepanaekuenia pa jinavanapafre, panija Dioso pa evetawanapare. ⁷ Pekanejetsivi raja peyamajjuitojorobi balanza jjaina pekobeta; peyaküjürübü kuenia asiva. ⁸ Efrain jumaitsi: jjanü kajena tajjainaenü ayaikunia naejjanajû; jjanü kajjitaajarabajû tajjainaekuene jjanünejja. Dajjita takobekowü javata bajarapamonae neekoni apo neto kajjinae tsane, ajibi itsakuene tananekonitsi kuene." ⁹ JJanü raja nija tujjaneninünü nija Dioso Egipto ira veerena kujinae. Jjanü raja ikatsia panija bobürüjavajjiya paka jinawanapae ejjanaenatsi, bajayata pakuenia pabarüyamü tsabiabi pa juemeto. ¹⁰ JJanü profetavi barükuikuijanü, pajjamü neejja tsitajütajû. Livaisi pakato itorobatsi profetata." ¹¹ Galaadtalia itsa pebisiakuene jinawanapa, meta kajena bajarapatomaraanü amatamojibi. Gilgaltalia bajarapamonae baka bia; pija altar be penajumaa jeebi ibotoonü pakuenia ba najumajeba paabi pjotoonüjava. ¹² Jakob najebijirava Aram iraabelia; Israel nakueneba pijawa pejjainae neejja; bajaraaponü ovejabütsaüto eveta pejjainae neejja pijawa. ¹³ Petuujjjanenü Egipto vekua Israel kapitsapa profeta livaisita, profeta kuenia Bajaponü yaeveta. ¹⁴ Efrain Petuujjanenü najamatabü jjainaya anae ejjana. Juya neejjata Petuujjanenü bajaraponü pejanata nanekonitsi ejjanaena to kanaviatsiana pebijiobi kuene.