ງູໄດ້ຖາມຜູ້ຍິງນັ້ນວ່າ, "ພຣະເຈົ້າເວົ້າແທ້ໆ ບໍວ່າ ບໍ່ໃຫ້ເຈົ້າກິນຫມາກໄມ້ໃດໆ ໃນສວນນີ້'"?
ງູເວົ້າກັບຜູ້ຍິງນັ້ນວ່າ, "ເຈົ້າຈະບໍ່ຕາຍດອກ."
ງູໄດ້ເວົ້າວ່າ ພວກເຈົ້າຈະເປັນເຫມືອນພຣະເຈົ້າ, ຄືຮູ້ເຖິງຄວາມດີ ແລະ ຄວາມຊົ່ວ."
ຜູ້ຍິງນັ້ນໄດ້ເຫັນວ່າຕົ້ນໄມ້ນັ້ນດີທີ່ຈະເປັນອາຫານ, ແລະມັນກໍຫນ້າເບິ່ງ, ແລະຕົ້ນໄມ້ນັ້ນກໍເປັນສິ່ງທີ່ຈະເຮັດໃຫ້ສະຫລາດຂຶ້ນ,
ນາງຈຶ່ງໄດ້ກິນ, ແລະເອົາໃຫ້ຜົວຂອງນາງ ຜູ້ທີ່ໄດ້ກິນຫມາກໄມ້ນັ້ນດ້ວຍ.
ເມື່ອພວກເຂົາໄດ້ກິນແລ້ວ, ດວງຕາຂອງພວກເຂົາທັງສອງກໍຖືກເປີດອອກ, ແລະ ພວກເຂົາກໍຮູ້ວ່າພວກເຂົາໄດ້ເປືອຍກາຍຢູ່.
ພວກເຂົາໄດ້ໄປລີ້ຕົວໃຫ້ພົ້ນຈາກພຣະເຈົ້າ
ຊາຍຄົນນັ້ນຈຶ່ງລີ້ຕົວເອງຈາກພຣະເຈົ້າເພາະລາວປະເປືອຍຢູ່ ແລະ ລາວຢ້ານ.
ຜູ້ຊາຍຄົນນັ້ນເວົ້າວ່າຜູ້ຍິງນັ້ນເປັນຜູ້ເອົາຫມາກໄມ້ໃຫ້ລາວ.
ຜູ້ຍິງຄົນນັ້ນເວົ້າວ່າງູນັ້ນເປັນຜູ້ເອົາຫມາກໄມ້ໃຫ້ລາວ.
ພຣະເຈົ້າຊົງກ່າວວ່າຈະໃຫ້ພວກເຂົາກຽດຊັງກັນ.
ພຣະເຈົ້າຈະເພີ່ມຄວາມເຈັບປວດຢ່າງຫລວງຫລາຍໃຫ້ແກ່ເຈົ້າ, ໃນຂະນະທີ່ເຈົ້າຈະມີລູກ.
ເຈົ້າຈະຫາລຽ້ງຊີບດ້ວຍການເຮັດວຽກທຸກລຳບາກແສນເຂັນຕະຫລອດຊີວິດຂອງເຈົ້າ.
ອາດາມໄດ້ເອີ້ນຊື່ ເມຍຂອງຕົນວ່າເອວາ, ເພາະນາງເປັນແມ່ຂອງສິ່ງທີ່ມີຊີວິດທັງຫລາຍ.
ພຣະຢາເວພຣະເຈົ້າໄດ້ເຮັດເສື້ອຜ້າດ້ວຍຫນັງສັດສຳລັບສວມໃສ່ໃຫ້ພວກເຂົາ.
ພຣະເຈົ້າຊົງກ່າວວ່າ ເນື່ອງຈາກອາດາມໄດ້ກາຍເປັນຄົນຮູ້ຈັກຄວາມດີ ແລະ ຮູ້ຈັກຄວາມຊົ່ວ ຈະບໍ່ໄດ້ຮັບອະນຸຍາດໃຫ້ພວກເຂົາກິນຫມາກໄມ້ຈາກຕົ້ນໄມ້ແຫ່ງຊີວິດ, ເພາະເຂົາອາດຈະມີຊີວິດຕະຫລອດໄປ.
ພຣະເຈົ້າໄດ້ຊົງຂັບໄລ່ຜູ້ຊາຍອອກຈາກສວນ, ແລ້ວພຣະອົງໄດ້ຊົງຕັ້ງພວກເຄຣຸບ ເພື່ອເຝົ້າທາງເຂົ້າໄປເຖິງຕົ້ນໄມ້ແຫ່ງຊີວິດ.