¹ Rabenete maxakataika iki, Pascua pishta nokoti, Pan paemaxon pitima. Jatian Diosen Joi yoyaibaon koshi, itan Joi Wishai Jonibaon Shinankaana iki, yatanxon reteti. ² Jabo yoyo ikana iki, "Pisha nete atimariki, nonra jonibo tsokasmanake". ³ Jatian Jesus ika iki Betania in kaa, yora payotai akanai Simonman xobonko, messan yakata iki, jaskakibi westiora ainbo joa iki, kopi ininti botiria tsomaya, nardobires ininti. Joa ininti botiria toetaana, Ja ainbaon maponko shoo aka iki. ⁴ Jainoax jatiribibo Sinakanaiki. Jatobire yoyo ikana iki neskati: "¿Jaweatiki jakopi ininti yoyota? iki. ⁵ Nato inintira maroti ikeanke, kimisha pacha koriki winoa, jaskaxon jayaomabo meniti". Ixon notsinkana iki. ⁶ Ikaxbi Jesusen yoiya iki:"jenekanwe.¿Jaweatiki maton tsokasai? janra jakon jaweki ake, ea kopi. ⁷ Matora jatibitian jayaomabobetan jati iki, maton kenxonra jato jakon atipanke, ikaxbi eara jatibitian mato betan iamai. ⁸ Janra ake jawen atipana senen: Janra nokon yora shoo inintini ea minkanti kopi. ⁹ Ikonshamanra en mato yoiyai, jaweranoxonbires Diosen joi yoikanai jainxonra nato ainbaon ebe aka yoinoxikanai, ja shinanti kopi. ¹⁰ Jainoax Judas Iscariote, chonka rabeainoa, westiora jaomea anonai, kao iki Diosen joi yoiyai joni koshiboiba, jawe keskaxonki jato Jesus meniti iki ixon shinan aki. ¹¹ Jato jaskaakin yoiya, Diosen joi yoiyai joni koshibo rarokana iki, jaskaketian yoikana iki koriki menetio jainxon bena iki jaskaxon jato meninoxon. ¹² Moa pan paema pitima pishta peokoketian, jaskaribi cordero menotijudiobaon pishta (pascua). Jaonmeax onanaibaon yoiya iki. "¿Jaweranoki mia kenainon yantan Piti ati Judio baon Pishtaiketian?" ¹³ Jan raana iki rabe jaonmea axeai, neskakin yoiya iki, " Jeman botankawen, jainra maton nokoi kai westiora joni chomon onpax boai." Chibantankawen. ¹⁴ Jaonoki westiora xobon jikia, chicho kaman chibantakawen, itan yoitankawen ja xobo ibo. "Axeamisra neskatai: "¿Jaonoxonki en pascua piti iki eonmea onanaibobetan? " ¹⁵ Janra mato oinmati iki westiora chite keya moa benxoa. Jain atankawe non jawekiatibo. ¹⁶ Jainoax jaomea axeaibo bokana iki jemanko; jainxon merakana iki Jan yoiya keska shaman, jaskaxon jain Pascua. Piti akana iki. ¹⁷ Yantapaketai ja joa iki, chonka rabe jaomea onanaibobetan. ¹⁸ Pii beobainketian Jesus yoyo ika iki; "ikonra en mato yoiya, mato ebe piai westioraninra ea jakomai kai" ¹⁹ Jatikaxbi onisas neskati westiora, westiorabo yoyo ikana iki; "¿Eamein iti iki?".