¹ Jatian onantin joibon axeakin peowea iki. Jesusen yoiya iki: "Westiora joninra aka iki JAWEN WAINKO UVA BANAKIN, JAINXON KATEMAKIN CHIKETA IKI, JAINXONRIBI JAIXON UVA POTSITI CHINIA IKI. Jatianribi westiora torre jainxon koiranti aka iki. jainxonra jaweti jabetan teteaibo wai menipakea iki tekanon ixon. Jaska pekao ocho kaa iki. ² Moa icha netebo winoketian, westiora yonoti raana iki ja jatiribi uva bimi jatoibakea binon ixon, ³ ikaxbi kaketian yatanxon, timayonxon jawebioma raankana iki. ⁴ Jaskakanketianra, wetsa jabe tetai ranribia iki, ikaxbi kaketian jaribi mapokibo isianyontanan, rabintiaayonkana iki. ⁵ Jatianra westa jaomea yonokatai raanribia iki, jara retekana iki. jaskabokin akana iki jaa jatibi raanabo, wetsabo rishkana iki itan wetsabo retekana iki. ⁶ Jatianra moa westiora yonoti joniya bicho ika iki, ja ika iki jawen kikin noi bake. Jara ika iki moa jabicho raana, Jaskatax yoyo ika iki: "Nokon bake iketianra jakoanxon ea bixonkanti iki". ⁷ Jatian nokotai oinax ja teetaibo yoyo ibokana iki: "Nato riki jaa jawen papan wai biti, retenon bekanwe, jatianra nato wai nona iti ikana iki". ⁸ Jatianra jabon yatanxon, retexon, wai ocho potakana iki. ⁹ Jatianki, ¿Wai ibo joxon jato jawe ati iki? jan joxonra jatibi wain teetaibo reteti iki jatian jawen wai wetsabo moa meniti iki. ¹⁰ ¿Matonki wishabo yoyo akama iki: "XOBO AKAIBON MAKAN BIYAMAKANI MAKANRA, JA JATIBI XOBO KOSHIA MAKAN BANETA IKI? ¹¹ JARA DIOSENBI AKA IKAX, NON OINA RATETI IKI" ¹² Jabaon Jesús yatankaskana iki, jatokibin yoikin jesusen yoiya onanax, ikaxbi joni ichaki rakekin, jawe ayamakin potabainresakana iki. ¹³ Jaskata pekao, jawetii ese onanbo (fariseos) itan Herodes rabekinaibo raankana iki. ¹⁴ Nokotax, Jesús jakomati yoyo iketian ramiati shinanax, ikana iki: ¿Maestro, nonra onanke min ikon jawekibores yoiyai. Onamabon yoiyaitianra min jato ninkaxonyamai, Diosen kenai keskatibores iti jato onanmakin.¿Jakonri jaa Apo non kopiati o akama?". ¹⁵ Ikaxbi beparanamati yoka ika onanxon jato yoiya iki: "¿ Jawe kopiki maton ea tanai? En oinon ixon ea westiora koriki bexonkanwe akin". ¹⁶ Boxonkanketian oixon, Jato yoiya iki: "¿Tsoarin nato koriki ikain akana?" Jatian jabon yoikana iki: "Cesarriki" akin. ¹⁷ Jaskakanketian Jesusen jato yoiya iki: "Cesarna iketian Cesar mecanwe, jatian Diosana iketian Dios menicanwe" akin. Jaskakin jato yoiya ratekana iki. ¹⁸ Jatian ja mawatabo jiriai ikoanyamai, ese onanbo (Saduceos), jaki bekana iki. Jatian neskakin yokakana iki: ¹⁹ Maestro, Moisensanra wishaiki noki: "NON WETSAN MAWAKIN AWIN POTABAINA PEKAO, NON AWIANTI ATIPANKE ITANRIBI JABETAN NON BAKEATI YOIYAI" akin. ²⁰ Jatianra jaa iki kanchis jawetsabores; jatian jaton reken wetsapari wanoax, bakeaxmabi mawata iki. ²¹ Jatian japekao ika wetsan jaa awin akin biax, bakeaxmabiribi mawata iki. Jaa kimisha itin jaskariba iki. ²² Jaskaxon ja kanchis jawetsabon tsonbi bakeayama iki. Jatian moa jaa ainboribi mawata iki. ²³ Jakiribiti jiriax, wenixonki, ¿Tson awinki baneti iki? Jatibi jawetsabaon awin iti iki akin. ²⁴ Jatianra Jesusen neskaa aka iki:¿ Matora shinanmeran benotabo iki, jaa wishabo ikain yoiyai onanyamax, itan Diosen atipana koshi onanyama kopi? ²⁵ Jaa mawatabo jiriaxra tsoabi wanoyamanox iki, itan wanoti atipanyamati iki; naimea angelbo (angeles)keskabores iti iki akin. ²⁶ Jatian ¿mawabo jiriti iki ika, Moisessen kirika wishaaki maton yoyo akama iki, jaa Zarzameranxon, Diossen yoiya: "EARIKI ABRANHANMAN, JAIXON ISAAAC, ITAN JACOBKAN DIOS" ²⁷ Jara mawabaon Diosma iki, jara jiriabaon Dios iki. Matora shinanmeran benotabo iki akin. ²⁸ Jaskaatibo yoyoikanaitian, Jesussen jakiboshaman jato yoiya oixon, westiora onan joi wishai joni joxon, jan yokata iki: ¿Jawerato senen ati joi kairin ja jatibi eseebo sewina? akin. ²⁹ Jaska Jesussen aka iki:Jaa jatibi xewinariki: " NINKANWE, ISRAEL JONIBO, JAA NON IBO DIOS IKI,M JABICHO NON IBO. ³⁰ MATONRA AKONKIN JATIBI MATON JOINTIYAXON, JATIBI KAYAYAXON, JATIBI MATON SHINANYAXON ITAN JATIBI MATON KOSHIAXON DIOS NOITI JAKE" ³¹ Japekao iki nato: "MATONRA MATOXBI NOIKATAKESKABIAKIN WETSABO MATON NOITI JAKE". Yamarake westa seneanti joi eseebo nato xewina akin. ³² Jatian onan joi wishai ika iki:"Maestro, ikoankinra min yoike, DIOSRA JABICHO IKI, ³³ JAPEKAORA WETSA JA KESKA YAMAKE. JATIBI JOINTIYAXON ITAN JATIBI ONANTISHINANYAXON ITAN JATIBI NON KOSHIYAXON NOITI ITANRIBI NOAXBI NOIKATA KESKAKIN WETSABO NOITI, jara ja jatibi Dios meniti itan jaixon Dios yoina menoxonti winoa iki" akin. ³⁴ Jatian jan onan shinanyaxon yoiya oixon, aka iki: " Miara ja Diossen jati neten jikiti ochoma iki" akin. Japekao, tsonbi moa yokaribiti onsatankana iki. ³⁵ Jatian Dios rabiti xobonkoxon axeakibin, jato yokata iki. "¿Jawekopiki ja esee onan jonibaon ja Cristora Davidkan bake iki ikanai?. ³⁶ Ja David inike, Diosan ochaoma shinaman ima, yoyo iki: "JA IBONRA AKIA NOKON IBO: NOKON MEKAYAO YAKAWE, MIN RAWIBO EN MIA JATOARESMAI KAMAN akin. ³⁷ Davidkanbira Cristo "Iboo", jatianki, ¿ jawe keskatax Davidkan bake iti iki? akin". Jatian ja joni ichabaon kenshamaxon ninkakana iki. ^{38 39 40} Jato eseeanko Jesús yoyo ika iki: " Ja esee onan joniboki koiramekanwe, jabora ikai tapoo chopa saweax kawantani, itanribi icha jonibo tsinkikanainko boax jakoanki bikanon ikax manati