¹ Kuandí Jesús a bae ri masiruma. Má risipulo jundá a ele pa mottrá má enkantao binde ri masiruma. ² Poro ele kotenta chitiando: "Enú guatiá to é má kusa ri belá belá poro i chitiá ke to má binde ke enú guatiá tán kelá nú, é sendá akabao." ³ Miendla ke ele taba sentao endi monde ri má Olibos, má risipulo a kujé pa andi ele tá ná má chitiando: ¿kumo sendá má siñá ri kuandí bo miní y ri fin ri mundo?" ⁴ Jesús chitiá a enú: "Kuilá pa ke má jende nú ingañá. ⁵ Pokke chochá ri jende tán miní kú nombe mí y tán chitiá: 'I sendá ele é Kristo,' y chochá tán kreé. ⁶ Kuandí enú tán kuchá chite ri chochotera y junjuneo ri chochotera nú preokupá; é kusa tén ke pasá, poro sendá fin nú. ⁷ Pokke nasió tán trompiá kú nasió y reino kú reino. Tiela tán temblá endi chochá ri paraje y abeba kanatulé ngande. ⁸ Poro to é kusa sendá nú má prinsipio ri ndoló. ⁹ Antonse a tán ndá enú pa tribulasió y pa kita mbila. To má jende ri to paraje tán odia a enú po kuenda ri nombe mí. ¹⁰ Antonse chochá ri jende kelá fimme nú y a tán traisioná y odiarán uno kú uto. ¹¹ Chochá ri chakero ke nú sendá ri belá belá tán lebandá y guiá chochá ri jende a ingaño. ¹² Pokke madda ri ombe sendá po chochá, y ngongoroko ri chochá ri jende akabá poko a poko. ¹³ Poro kiene resistí a tpa fin sendá sabbo. ¹⁴ Y má ebangelio ri reino sendá prerikao endi to mundo kumo perito endi to nasió. Y antonse fin a miní. ¹⁵ Kuandí guatiá ABOMINASIÓ RI MPA DESOLASIÓ po nombe mí, ri kiene chitiá é chakero Daniel, endi paraje sando, (kiene leé entejesé,), ¹⁶ Antonse kiene tá endi Judea ri pa andi montaña, ¹⁷ asina ke kiene tá ariba ri techo ri posá, nú miní a bukká ná lendro ri posá, ¹⁸ y kiene tán endi monde gobbé nú a bukká kapa sí. ¹⁹ Poro, ¡kunosé ri kiene tá preñá y ke a tá ndá teta endi é ría! ²⁰ Orá pa ke kuandí ría miní nú snedá ría ri inbiennp, ni ría lonkoló. ²¹ Pokke abeba tribulasió ngande, kumo nú abeba renje prinsipio a tá agüe kumo nú tán abé jamá. ²² Ná má ke é ría sendá mocho, niggú jende a sabbá. Poro po bié ri má ekojiro, a ke ría sendá mocho. ²³ Antonse si aggú chitiá a enú: "Guatieno, ¡é sendá Kristo! o, ¡Aí tá Kristo!' kreé nú. ²⁴ Pokke jende falso miná chitiando ke sendá Kristo y mottrá chochá ri siñá y marabiá, pa ingañá a to jende, jende ke sendá ekogió kumo kiene nú. ²⁵ Guatieno, I tán chitiá é kusa kú tiemb. ²⁶ ASina ke, si tán chitiá, 'guatieno, Kristo, a tá endi resieto,' salú nú. O, 'Miná, ele a tá lendro ri posá, kreé nú. ²⁷ Pokke asina kumo relampagoalumbrá ri este a oeste, asina memo sendá kuandí moná ri Ombe mí. ²⁸ Andi kadabe tá, aí memo tán jundá má buitres. ²⁹ Poro ri un bé repué ri má tribulasió ri é ría só gobbé okurana, luna ndá lú nú, má abalénga kaí ri nsulú, y má kutú selestia ri nsulú etremesé. ³⁰ Antonse má siñá ri moná ri Ombe aparesé endi nsulú, y to má tribú ri tiela tán lamentá. Ané guatiá moná ri ombe ke miní endi nube ri nsulú kú kutú y ngloria. ³¹ Éle mandá má ángel kú ngande sonió ri trompeta, i ané jundá a má ekogió renje má kualingó biento, ri un lao a uto ³² Paleno tañio ri mpa igera aprendé. ke kuandí rama ri ele a tá renna y oja salí, enú sabeba ke berano miní. ³³ Asina memo, kuandí guatieno to é kusa, enú tén ke sabé, ke Éle a tá sekka. ³⁴ Ri belá belá i chitiá, é generarió pasá nú, a tá ke tó kusa pasá. ³⁵ Nsulú y tiela pasá, pooro palabra mí tán pasaá nú. ³⁶ Poro niggú sabeba é ría ni ora, nimá ángel ri nsulú sabé, ni moná námá Tatá. ³⁷ Kumo sendá é ría rí Noé, asina memo sendá kuandí Moná ri Ombe miní. ³⁸ Pokke kumo a je ría ante ri dilubio ke ané taba kumé y bebé kasá y ndá endi kasamiendo a tá ría ri Noé lendrá endi bakka. ³⁹ Y nú ndá kuenda a tá ke dilubio yegá i yebpa a to. Asina memo sendá kuandí moná ri Ombe miní. ⁴⁰ Antonse bilingó ombe ke a tá endi monde, lingó a ´se nyebao y uto kelá. ⁴¹ Bilingó changaina a tán moliendo: Lingó sendá nyebá y uto kelá. ⁴² Po é kusa enú tén kú ojo penené, pokke nú sabé ke ría Ño miní. ⁴³ Poro sabeba é kusa, ke sí ombe ri posá sabeba ke ora ratero miní, y kelá kú ojo penené á rejá ele lendrá endi posá nú. ⁴⁴ Po é kusa, enú tambié tén ke tá penené, pokke Moná ri Ombe miní kuandí enú tá eperá nú. ⁴⁵ Asina ke, ¿kiene sendá moso fiel, Y sabijondo, kiene suamo a rejá kú rekao ri kuilá posá ri ele. pa siribí kumina endi tiembo ke sendá.? ⁴⁶ Bendisió sendá é moso, ke kuandí samo yegá topetá asiendo é kusa. ⁴⁷ Ri belá belá i chitiá ke suamo ponelo flende ri to kusa lo ke a tén. ⁴⁸ Poro sí un moso malo chitiá endi kolasó sí: Ño tán miní nú,' ⁴⁹ Y kumensá a etroía a ñia ri ele y kumé y bebé kú borracho, ⁵⁰ Ño ri e moso a miní endi un ría ke moso sabeba nú. Y kuandí ele pesé nú. ⁵¹ Ño ri ele a ndá kastigo ngande y reino ri ele, sendá lo memo ke ri ipokrita andi tá abeba leko ngnade y krují ri dente.