¹ Jesús chitiá uto bé endi parabola, chitiando: ² "Reino ri nsulú senfá kumo takurimbo ke asé oriki ri matrimonio pa moná ri ele. ³ Mandá juela a moso ri ele a ñamá a kiene taba kombidao pa miní a orika ri matrimonio, poro ané kelé miní nú. ⁴ Uto bé takurimbo mandá uto moso, chitiando: 'chitiá a kiene sendá inbitao: "Kumina ke i mandá a sé jattá. Buey mí y ternero goddo a sendá kusinao, i to má kusa ta ya. Minino pa oriki ri matrimonio." ⁵ Poro e má jende nú kujé kú serierá inbitasió ke ele asé. Agguú a gobbé a má parsela, y uto gobbé a paraje ri negosió. ⁶ Uto kujé a má moso ri takurimba, i etrujá y matalo. ⁷ Antonse takurimbo embejuká. I mandá a má ejesito pa kitambila ri é má asesino. i kemá má siurá. ⁸ Antonse chitia a má moso: " Matrimonio a tá lito, poro kiene sendá inbitao miní nú pokke sendá digno nú. ⁹ Po é kusa bae pa to kaddume i kombidá pa oriki a to má jende ke enú topetá. ¹⁰ Má mosa bae po kaddume i to má jende ke a topetá a inbitá, sendá kaiko o nú kaiko. Asina ke má matrimonio tá yená ri chochá ri jende. ¹¹ Poro kuandí takurimbo miní a guatiá a má ibitao, guatiá aí un ombe ke a tá kú chepa ri jende ke a tá endi oriki ri matrimonio nú. ¹² É takurimbo chitiá: " Kombilesa, ¿kumo bo lendrá sin chepa ri matrimonio? Y é ombe kelá sin kusa ke chitiá. ¹³ Antonse má takurimbo chitiá a moso ri ele: "Kujeno i amalá a é ombe po mano y pie, y ichá ele endi tiniebla ri ajuela, andi tá abé leko y rechiná riende." ¹⁴ Pokke chochá ri jende sendá ñamao, poro chito sendá kujelo." ¹⁵ Antonse má fariseo jueba i planea kumo polé kujé po kuendá ri kusa ke elel a chitiá. ¹⁶ Antonse a mandá risipulo sí, jundo kú má erodiano. Ané chitiá a Jesús: "Piacha, suto sabé ke bo sendá ri belá belá. y ke bo insiñá kú belá belá kaddume ri Rioso. Pokke bo nú guatiá apariensia ri má jende. ¹⁷ Asina ke chitiá, ¿ke bo kreé? ¿Sendá kaiko pagá impuetia Sesar o sendá nú?" ¹⁸ Poro Jesús kunosé malisia ri ané, i chitiá: "¿Pokke a tá probá mí, ipokrita? ¹⁹ Insiñá mí un chilí". Antonse ané tré un denario. ²⁰ Jesús chitiá: "¿Ri kiene sendá é seyo i nombe?" ²¹ Ané kontetá: "Ri Sesar". Antonse ndá Sesar má kusa ke sendá ri Sesar i a Rioso mpa kusa ke sendá ri Rioso". ²² Kuandí ané kuchá, a kelá kú asomblo. Antonse ané rejá ele i a bae. ²³ Endi é ría aggú ri má Saduseos miní a Éle, kiene chitiá ke nú abe resinbilá ané prundá, ²⁴ "Piacha, Moisés chitiá: 'Si un ombe lungá, si teneé moná, numano tén kasá kú birikueta i tené moná pa numano sí.' ²⁵ Aí abeba sielingó numano, primó kasá y lungá sin rejá moná. Éle trjá birikueta spi a numano ri ele. ²⁶ Antonse bilingó numano a pasá lo memo, i a trilingó tambié, asina pasá kú to má sielingó numano. ²⁷ Repué ri to ané, changaina lungá. ²⁸ Antonse endi ría ri resinbila, ¿ri kiene sendá nirikueta changaina ri sielingó numano? pokke ele sendá ri to ané." ²⁹ Poro Jesús kontestá: "Enú tén rasón nú, pokke kunosé nú má ekritura, ni kutú ri Rioso. ³⁰ Pokke endi ría ri resinbila nú polé kasá ni ndá enkasamiento, sí nú ke sendá kumo ánge endi nsulú. ³¹ Poro ri akueddo kú má resinbila ri muetto, ¿nú le lo ke jue richo a to enú po Rioso kuandí chitiá: ³² 'I SENDÁ RIOSO RI ABRAAM, RIOSO RI JAKOB.'? Rioso sendá Rioso ri muetto, sinú ri má jende ke bibí. ³³ Kuandí chochá ri jende kuchá é kus, kelá kú asomblo ri mpa insiñansá. ³⁴ Poro kuandí má fariseos kuchá ke Jesús abeba icho ka a boka ri má saduseos, a jundá. ³⁵ Uno ri ané, ke kunosé má ley?" prundá un kusa, pa probá ele. ³⁶ "Piacha ¿kuá sendá é rekao ngande ri ley?" ³⁷ Jesús chitiá: "'NGONGORIA ÑO RIOSO RI BO KÚ TO MÁ AMMA I KÚ TO MENDE.' ³⁸ É sendá é rekao ngande. ³⁹ Y uto rekao sendá kasi lo memo 'NGONGOROKIA A UTO JENDE KUMO BO MEMO.' ⁴⁰ Ri dolingó rekao sendá to ley ri mpa chakero ri Rioso." ⁴¹ Asina ke miendla má Fariseos taba jundo, Jesús prundá. ⁴² "¿Ke enú pensá ri Kristo? ¿ Ri kiene sendá moná?" Ané chitiá: "Ri Dabid." ⁴³ Antonse Jesús chitiá: "¿Kumo sendá ke Dabid chitiando endi Epíritu ñamá Ño, ⁴⁴ ÑO CHITIÁ A ÑO MÍ: 'SENTÁ ANDI MANO RERECHA, ATA KE I PONÉ A ENEMIGO RI BAJO RI PIE'? ⁴⁵ Asina ke si Dabid ñamá Kristo 'Ño', ¿kumo polé sendá moná ri Dabid?" ⁴⁶ Narie jueba kapá ri chitiá niggú kusa má, asina ke niggú a gobbé a prundá má kusa renje é ría.