¹ Silingó ría ante ri pascua, Jesús miní a Betania, andí tabá Lásaro kiene elé taba lebandá Lendro rí ma muetto. ² Asína ke ané asé seno a Elé aí, i Marta taba sebbí, i lásaro sendá uno rí kiené taba jundo ku Jesús andí mesa. ³ Antonse Maria Kujé una libra rí apú ponpeya rí nardo puro, rí un chochá rí burú, ungí ma píe rí Jesús ku elé, i seká pie rí elé ku kabeo sí. Asiná ke posá a yená ku oló rí apú ponpeya. ⁴ Judas Iscariote, uno rí ma rissipulo sí, kiene tán tranisiona a Elé, chitiá: ⁵ "¿Pokke nú jueba béndio é apú ponpeya po trilingo nana denarios i ndao a ma pobres?" ⁶ Aora, Elé chitiá e kusa, nu pokke a preokupá a Elé, si nu sendá un lairón: elé sendá kiene tenebá la bolsa rí burú i kujeba ri lo ke se poneba aí. (endí elé) ⁷ Jesús chitá: "reja; pué pa e ría rí sepultura mí nguala e kusa. ⁸ Enú to tiembo ba tené ma jende pobre ku enú; pero nu siempre I." ⁹ Un chocha rí jende rí ma judiós a sabé ke Jesús a ta aí, i ané miní, nu solo po Jesús, si nu tambié pa guatiá a Lásaro, kiebe Jesús abebá lebandao ri muetto. ¹⁰ Ma saseddote prinsipales planea, pa jundo polé matá a lasaro; ¹¹ pokke po kuenda rí elé un chocha rí judio a bae i kree endí Jesús ¹² Endí uto ría un chocha rí jende miní a orikí. kuandí ané kuchá ke Jesús miní pa endí Jesuralén; ¹³ Ané kujé pénka rí rama rí pamma í bae a topera ku Elé, i klamá "¡HOSANNA! BENDITO SENDÁ KIENE MINI ENDI NOMBRE RI ÑO, TAKURIMBO RI ISRAEL". ¹⁴ Jesús topeta ku un burrito i se monto endí elé; kumo ta ekrito: ¹⁵ "TIENE MIERO NÚ, MONA RI SION; GUATIÁ, TAKURIMNO RI BO MINI, SENDAO ANDI UN BURRITO." ¹⁶ Ma rissipulo rí Elé entende nú e kusa a prinsipio; poro kuandí Jesús jueba glorifikao, Ané kolá ke e kusa sendá ekrita po kuenda rí Elé i ke ané abeba ichó e kusa pa Elé. ¹⁷ Aora to chocha rí jende ke taba ku Elé kuandí abebá lebandao rí muetto, sendá perito. ¹⁸ Jue tambié po e kusa ke chocha rí Jende a resibílo pokke jucha ke Elé abeba ichoe señal ¹⁹ Ma Fariseos po e kusa chitiá lendro rí ané memo, "Guatiá, enú pole asé na nú; guatineo, e mundo a bae trá rí Elé". ²⁰ Aora agguno Griego tabá leandro rí kiene subía pa orikí a arorá. ²¹ Ané bae a Felipe, kiene sendá rí Betania. Rí Galilea, i prunda elé, chitiando: "Ño, suto kelé mina Jesús". ²² Felipe bae i chitiá a Andrés; Andrés ba ku Felipe , i ané chitia a Jesús a kusa. ²³ Jesús a kontestá chitiando: "hora a yegá pa ke Mona rí ombe sendá glorifikao. ²⁴ Rí belá belá I chitiá, ke na ma ke e grano rí trigo nu kai i endí tiela i lungá, kelá ele solo: Pokke si lungá d+a un chocha rí Fruto. ²⁵ Kiene gangorokia mbila sí tan pelé; poro kiene odía mbilá endí e mundo, guala pa mbila etenna. ²⁶ Sí agguno sebbí mí, segú mí; I andí I a ta, aí tambie kiene sebbí mi a ta. Si agguno sebbí, tatá mí a honrá. (Pone po atto) ²⁷ Amma mí ta tubá: ¿Ke polé resí? ¿tatá sabbá mi ri eta hora? po e kusa I mine a e horá. ²⁸ Tatá, glorifika nombe sí". Antonse un bo Miní rí nsulí i chitiá, "I e glorifikao elé i glorifika uta bé". ²⁹ Antonse chochá ri jende ke taba aí i kuchá chitiá ke jueba un trueno. Uto chitiá: "un angel a chitiá a Elé". ³⁰ Jesús kontesta i chititá, "E bo nu miní rí mí, sí no po enú. ³¹ Aora sendá e juisio rí e mundo; aura kanmajan rí e mundo sendá i chao juera. ³² i I, kuandí sendá lebandao rí tiela, a traere a to a mi memo". ³³ Elé chitiá e kusa pa resí rí ke Fomma lungaría. ³⁴ Chocha rí jende kontesta a Elé, "Suto kucha ri lei ke e kristo sendá pa siempre. ¿kumo bo polé chitiá, "Mona rí ombre" teneba ke se le bandao"? ¿Kiene jueba e Mona rí ombe?" ³⁵ Jesús antonse chitiá a ané, " la lú a ta ku enú po un chito ma rí riembo. Kaminá miendla tenea e lú, pa ke okurana asombra nú: Kiené kumina endí o kurana sabe endí bae nu. ³⁶ Miedla tene lú, kree endí lú pa senda mona rú lú". Jesús chitiá e kusa i antonse a bae i se eskanfoto rí ané. ³⁷ Anke Jesús abeba icho chocha ri siñal lande rí ané, todabia ané nu kree endí Elé. ³⁸ Pa ke palabra rí Isaias chakero rí rioso kumplí kuandí chitiá, "ÑO, ¿KIENE KREE LO KE KUCHA RI SUTO? ¿A KIENE E BRASO RI ÑO SENDÁ REBELAO?". ³⁹ Po e kusa ané poleba kreé, pokke Isaias tambie abeba chitiá, ⁴⁰ Elé A TAPÁ OJO SÍ, I ELÉ A ENDURESÉ KOLASON; RI UTA FOMMA ANE GUATIA KU MA OJO. I ENTENDE KU MA KOLASÓN, I KOMBETIRIA I SANALO". ^{41 43} Isaías chitiá e kusas pokke elé guatiá ngloria, rí Jesús i chitiá rí Elé. ⁴² Poro anke e kusa pará, chochá ri kankamana a kreé endí Jesús; poro po kuenda rí ma Fariseos, enú asettalo no pa nu sendá chao rí masiruma rí judio. ⁴⁴ Jesús esklamo i chitiá, "kiene kreé endí Mí, nu so kreé endí Mí, sí nu tambié endí kiene a eribia mí, ⁴⁵ i kiene guatiá mí, guatiá a kiene enbia mí" ⁴⁶ I miní kumo lú a mundo, pa kiene kreé endí mí nu pelé endí okurana. ⁴⁷ Sí aggun kucha palabra mí, poro guala nu, I jusga nu; pokke I miní nu a jusga mundo, si nu pa salba e mundo. ⁴⁸ Kien nu kelé mí i nu resibí palabra mí, tené kiene juzgalo: Sendá palabra ke I chitáo ke jusga endí e ultimo ría. ⁴⁹ Pue i chitiá nu po kuenda propia, si nu ke sendá tata sí ke enbia mi, kiene nda mundao rí ke kusa chitia i ke kusa kombtsa. ⁵⁰ i sabé ke e mandamiento sendá mbila eterna; pue lo ke I chitiá sendá kumo Tatá resía mí, asina chitiá"