¹ Ribera bera I ta chitia: Lo ke nu lendrá po puetta rí revíl ri ma obeja, poro keasé trepa po uto lao, Sendá laíron i Atrakaro. ² Ake lo ke se lendrá po puetta, sendá pasto rí obeja ³ AEle pórtero ase abrí, í ma obeja kucga mbos ri Ele, i Eele ñama ma obeja rí sí po nombre, pa sakalo pa juela ⁴ kuandi saka to mari éle, Ele asé kaminá ri lande rí ane; í ma obeja asé bae ri trá ri cle polle ané kunose mbos ri Ele. ⁵ Ku lo ke ané jkunosé nu asé bae nú, sí nu ajuí rí ele pokke nu kunosé mbos rí estraño. ⁶ Jesús chitia E parabola, poro ainé entedé nú, to e kusa rí lo ke Ele taba chitia. ⁷ Antonse Jesús chitia ma: "Rí bera bela I ta chitia ke I senda puetta ri ma obeja. ⁸ To lo keminiba lande ri mí, senda lairón í atra karo, poro ma obeja kucha ané nu. ⁹ I sendá puetta; sí agguno lendrá po merio ri mi, Eke sabba í e lendrá i salí Topera pasto. ¹⁰ Lairón a mini pa juta; matá i restruí. I a miní pa enú ten mbila í tenelo po chocá ¹¹ I sendá pastor gueno, pastor lo ke senda güeno asé poné mbila po ma obeja. ¹² Asalario ke nu senda pastor ri kiene obeja nu senda ri ele, kuandí ele guatiá ke lobo mini Ele asé abandona ma obeja i asé ajuí í lobo ase arebatá í ma obeja ase kuje uto kaddume. ¹³ Ele ajui pokke sendá un asalaria í nu ase impota ma obeja pokke senda ri Ele nú. ¹⁴ I senda guen pastor. I akunusé la pokke I a sénda suamo í ane kunuasé mi tambié ¹⁵ i I a kunuase. tata tambié I a poné mbila po ma obeja ¹⁶ I ten uto obeja ke nu senda rí e redil, I tan treelo tambié i ane kucha mbos mi pa tené un rebaño i un Pastor ¹⁷ Po e kusa sendá ke tota asé ama mi, pokke I se poné mbíula mí pa gobe a kugelo ¹⁸ naríe asé kitalo, si no ke I memo ase ponelo, I ten autorirá pa ponelo, I ten autoriro po gobe a kugelo E rekao I a resibí ri tatá mi." ¹⁹ Ma judío a ribírí ma, po kausa ri to e palabra. ²⁰ Un chocha ri ané chitia: "Éle ten un demo nío, Ta loko ¿Pokke Ta kuchá?" ²¹ Uto chitia: " E sendá nu, palabra rí un ombe ke ten demonio nu ¿ Remonio polé abrí ojo ri ma siego?" ²² Antonse a senda tiembo ri fiesta ri rerikasió ri Jerusalen. ²³ Senda tiembo ri yubía, i Jesus kaminaba po portiko ri masurama rí Salomón. ²⁴ Antonse ma judio a Rorialo i a chitia: ¿Po kuanto tiembo po tan mantene suto ku rura? si bo sendá kristo chitia suto ku klaríara. ²⁵ Jesus kontesta. "I a chitia, poro enu kree nu to le ke i ta asé endi nombe rí tata mi asé tetifiká ri mi ²⁶ poro Enú pelé kree nu, pokke enú sendá obeja mí nú. ²⁷ Obeja Mí asé kucha mbos mí, I kunuse ma obeja, í ané mini ri trá mí. ²⁸ I ndale mbíla etetna; ané nu lunga nunka jamá i narié arrebatara ri mano mí ma obeja ²⁹ Tata kiene jué lo ke anda mí, senda ma gande ke to mundo ³⁰ atá o a sendá uno ³¹ "Antonse ma judio a gobé a kujé piegra pa lebandolo a piegraso ³² Jesus Kontetta: "I a mostrá un chocha ri señale rí tata mí ¿Po kuá rí e kusa enú tan lebandá mi a piegraso?" ³³ Ma judio konteta: Suto ta lebanda bo a piegra po ma kusa guena nu, sí no po blafemo, pokke bomemo ase kumo si bo jueba Rioso." ³⁴ Jesus kontenta: "¿Nu ekrito endi leí: " I CHITÍA: ENÚ SENDA MA RÍOSE"? ³⁵ ¿Síele a ñamálo Riose, a kié palabra ri Rioso a mini (íma ekritura pole sé kebrantao nu), ³⁶ Emi ta chitia ku kíe tatá a patta í a manda mundo: Bo ta blafemá pokke I chitía: "I senda Mona ri Rioso"? ³⁷ Si I ta asé ma obra ri tata mí nu, kree nu, ³⁸ Poro si I ta aselo, anke nu kree, endí mí, kree endí ma obra pa enú kunusé i entende ke tata ta endí mí i I a ta endí tata. ³⁹ "Ané a trata ri ngala Jesus, poro Éle a escapa ri mano rí ane. ⁴⁰ Jesus abae pa uto laa rí Jordan, luga rí onde Juan a seba bautisa plímero. ⁴¹ Un chochá rí ngende miniba pa ndí Ele í a chitia: Juan riberabela nu ase señale, paro to makusa ke Juan chitia ri Ele sendo síetto. ⁴² Un chochá ri ngende a kree endí Ele ai memo.