1 Sendá pá libetá ke Rioso liberá suto. Antose, suto ten ke tá ai i nú kelá kumo eklavo. 2 Pretá tañio, i sendá Pablo, i chitiá a to enú pa nú rejá sinkukirá, pokke Rioso nú tán gutá. 3 Uto be, i chitiá a to ma ombe ke rejá sinkusirá ke ten ke pretá tañio a to ma lei. 4 Enú tá alejá ri Kristo, enú tá buká bela po merio ri lei, enú polé ten nglasia ri Rioso. 5 Pokke po merio ri ma Epiritu Sando, po ma fe, suto polé kujé ma bendisió Éle. 6 Endi Kristo Jesus, ninggun kusa ten balo, sendá numá ma fe po merio ri gongoroko. 7 Enú taba kolé. ¿Kién aguandá enú pa kumpli ma belá? 8 !E ma korendiya nú sendá ri Rioso¡ 9 Un chito ri rebarura polé asé masa kresé. 10 I tén fe endi Ño ke enú tán trompiá uto be. Pokke kiené tá injuriá enú tán resibí penitensia, sendá kién sendá. 11 Numano, i rejá ri chitiá ri sinkukirá, ¿pokké enú tán sigí mí? Endi e memo fomma, ma pekaro a kelá aí tra. 12 Kiené tá injuriá enú, i resiá pá sinkukirá ané memo. 13 Pokke to enú a resibi ñamamiendo ri libetá. Poro nú kujé ma libetá pá polé peká; po kontrario, po merio ri gongoroko, yulá anú memo. 14 Pokke to ma lei se kumplí endi un memo momendo: " BO TEN KE KELÉ PROGIMO SI KUMO BO KELÉ BO". 15 Poro si enú memo tán molé, pretá tañio pa enú memo nú eskanforá. 16 Poro i tán chitiá a to enú, pa kujé kadume ri Epiritu Sando pá nú kujé kadumen ri pekaro. 17 Pokke ma pekaro ri kuerpo atá kondla ri Epiritu Sando, i ma reseo ri Epiritu Sando tá kondla ri pekaro. Pokke ané tá trompiá ané memo, pokke ri e fomma enú tán rejá ri asé kusa ke enú memo kelé. 18 Poro si enú kujé kadume ri Epiritu Sando, enú polé tá aí bajo ri lei. 19 Aora ma obra ri pekaro a kelé: ke ma imoralirá sesual, ma kusa impura, ma injuria, ma 20 arorasió uto, ma bajarekeria, ma abuso, ma lucha, ma selo, ma momendo ri ira, ma ribalirá, ma disesió, ma dibisió, 21 ma imbiria, ma rakao, ma brotokolo i ma uto kusa. Enú tá sabió, reje asé tiembo, ke kiene sendá paté ri e ma kusa nú polé lendrá ai leino ri Rioso. 22 Poro fruto si Epiritu sendá gongoroko Éle, chcumeko, pá, pasiensia, amabilirá, bondá, fe, 23 mesedumbre ku dominio propio; nú tén lei pá asé enú pensá ri uto fomma. 24 Kiené sendá patte ri Kristo Jesus a rejá ma deseo ri pasió ku ma reseo. 25 Si suto tá bibí endi Epiritu, i tá kaminá po merio ri Epiritu. 26 Suto polé tené nú pensamiendo malo, pá trompiá ané memo, ku enbiria ané memo.