¹ Antose ripue lo ke pasá i subí uto vé a Jerusalen ku Benabé jundo ku tito. ² I subí po merio ri bisió, i a motrá ané ma evangelio ke i chitiá a ma kankamajan. I chitiá ku lo ke sendá kankamaján pa nú makania po makania. ³ Poro ni Tito, kiene taba ku yo kiene sendá ri ma griego, a sinkukirá. ⁴ Ma epia a miní a miná ma libetá ri suto endi Kristo Jesus. Ané a kelé bobé suto eklabo, ⁵ poro suto nú pretá tañio, pa ke belá ri ebangelio kelá ku to enú. ⁶ Poro kiene sendá gende ku juisio, nú sendá gende ri jusio ri lande ri Rioso, pokke Rioso kelé suto ri memo fomma. ⁷ Po kontario ané a miná ma ebangelio ke i tá chitiá a ma jurio, asiná kumo Pedro chitiá ma mensaje ri ebangelio a ma jurio. ⁸ Eto sendá lo memo ke Rioso asé ku Pedro pá elé chitiá ma mensaje ri Elé, asiná memo Elé asé ku I ⁹ Kuandi Santiago, Cefas ku Juan, kiene sendá ma kankamajan ri Ilesia, a entendé ri proposito lo ke i tén, ané anda mano ri kombilesa a Benabé ku Yo pokke suto sendá lo memo. Ané asé e ma kusa pá suto miná kiené nú sendá jurio, asiná ke ané polé bae a miná lo ke sendá jurio. ¹⁰ Antose, ané a pirí suto pá yulá lo ke tén na nú, lo ke sendá lo memo lo ke i kelé asé. ¹¹ Poro kuandi Cefas yegá ai Antiokia, I poné ri lande ri kala elé pokké elé taba asé kusa mala. ¹² Repue un chochá ri ombe a miní po merio ri Santiago, Sefas taba kumé ku ma gentil. Poro kuandi a ke chocha ri ombe a miní, elé a lebandá ku alejá ri ma gentil. Elé a tené miero ri ma kreyende Jurio ri Jerusalen ¹³ Ripué ma jurio a jundá ku Pedro. Benabé a pensá ke ke sendá gueno tá jundo ri ma Jurio. ¹⁴ Poro kuandi miná ke ané no taba sigí ma belá ri ebangelio, i chitiá A cefas jundo to ané: Si bo sendá Jurio, poro bo tá bibí kumo gentil i no sendá kumo Jurio, antose, ¿kumo bo tá resiá ke ané bibí kumo ma Jurio? ¹⁵ Suto sendá Jurio reje tiempo ri nasimiendo i nú sendá pecaró gentil; ¹⁶ Poro aora suto sabé ke nú sendá pokke suto oberesé lei sendá po merio ri fe lo ke Rioso nda a Moises. Suto tambié a yegá a ma fe endi Kristo pa suto polé lendrá endi fe ri Kristo i nú sendá po merio ri obra ri lei. Pokke po merio ri obra ri lei kanne nú polé sabbá. ¹⁷ Poro miendla suto tá pirí endi Kristo, ri e memo fomma suto tá obelesé lei na nú, ¿antonse Kristo gusta ri pekaro? ¡Éle nú gutá ri elé! ¹⁸ Pokke si Rioso asé mí uto bé ri lande elé, antose i lompé lei uto be. ¹⁹ Pokke po pretá tañio a ma lei i lungá pá polé bibí endi Rioso. ²⁰ I sendá krusifikao ku Kristo. I nú sendá lo ke tá bibí lendro mí, sendá Kristo. Ma mbila lo ke i tá bibí endi kanne, i tá bibí elé po merio ri fe endi moná ri Rioso, kién kelé mí i anda bilá Éle pa i bibí. ²¹ 21I polé rejá nú ma nglasia ri Rioso, pokke po merio Éle i tá bibí.