1 Pablo, apostol nú po ombre ni po mao ele sino po Jesukristo i Rioso tatá súto, kien a lebanda ri ma muetto, i to ma numano ke ta ku I, 2 a ma ilesia ri Galasia: 3 Ma grasia sendá pa enú i ma pa ri Rioso tatá súto i Ño Jesukristo, 4 Kien anda asina memo po ma pekaro súto, i asina nda súto libetta endi este tiembo ri mal, po bolumtad ri Rioso i tatá súto, 5 a Éle nda gloria po to tiembo. Asina gue. 6 I ta asombrao ke enú ta aleja ri Éle kien a ñama po grasia ri Kristo. I ta asombrao ke enú kuje uto ebangelio. 7 Nú ke ai uto ebangelio, poro ai aggunos ombres ke ta tree botrokolo a enú i ané kelé kambia ma ebangelio ri Kristo. 8 poro si súto, o angel rí nsulú, chitía uto ebangelio ke el ke súto chitía, éle sea maldito. 9 Kúmo súto chitía ante, I chitía uto be: "Si agguno chitía uto ebangelio ke el ke enú resibi, éle sea maldito." 10 ¿I tá bukka aprobasion ri ma ombe o ri Rioso? ¿I ta bukka komplase a ma ombre? Í si asina sendá I sendá moso ri Kristo nú. 11 I kelé pa enú sabe numano mí, ke ebanjelio ke I chitía nú sendá ri ombre. 12 ni a resibi ri ombre, ni me lo a insiña. pokke sendá Jeesukristo memo endi rebelasion. 13 Enú a kucha ri mbila ke I teneba endi judaismo, kumo I persegui a ma ilesia ri Rioso sin medida i kúmo trataba ri destruir a ané. 14 I taba adelantao endi judaismo ma ke nchochá ri mi taya, endi terruño mi. I a sendá seloso ri ma, po ma tradisio ri ma tatá súto. 15 Poro kuandí Rioso, kiene a separá renje barika rí mae mi, i a ñama mi po grasia Éle, 16 a kompadese ke a rebela Mona si endi mi, pa I chitia entle ma gentiles, nu konsulta ri nbe ku ma karne ni pola. 17 I subí nú a jerusalen a enú ke a sendá apostoles ante ri mi, sinú ke I baé a Arabia i repue I a bobbe a Damasko. 18 Repue ri trilingo jaño I bae a Jerusalén a kunose a Sefas, i a kelá ku éle 15 dias. 19 Poro I mina a uto apostoles nú, nu ma a Santiago, numano ri Ño. 20 i ta menti nu endi mensaje ke I ta krakia a enú ri belá. 21 Repue I bae a Siria i Silisia. 22 I nu era kunosi po ma siruma ri Judea ke a ta endi Kristo. 23 Ane numa a kuchá: Ma ombre ke nbe a persegui súto, aora a chitiá a ma fe ke éle keleba kaba. 24 "Asina ke ané glorifikaban a Rioso pó mi.