Kapitulo Silingó

1 Kundi enú ten resakuerdo ku ma uto,¿Enú tán atrebé a pá baé endi corte endi jué kiene sendá inkredulo sin baé pa andi kreyende? 2 ¿Enú nú sabé ke ma kreyende tan jugá ma mundo?, I si enú tán jugá ma mundo,¿Enú nú sendá kapa ri arreglá asunto enú memo? 3 ¿Enú sabé ke suto tán jugá a ma angel?¿Enú sabé ke juga ma angel, antose sendá kapa de jugá ma aberundo ri ma mbila? 4 Si enú tan ase ma juisio kiene sendá ri ma mbila, antose, ¿Pokke enú tán rejá ma kusa a kien nú ten posisió ri lande ilesia? 5 I chitiá e ma kusa pa beguensa.¿Lendro ri enú nú abe un gende pa akabá ma brotokolo ri ma numano? 6 Poro kumo tá richo, ma kreyende bae a ma kote ku uto kreyende, endi e ma kaso un jue ke sendá inkredulo 7 Pokke abé brotokolo endi enú eto sendá derrotá endi Kristiano. ¿Pokke enú nú sufrí ma mal?¿Pokke mejo enú nú reja ingaña? 8 Poro enú a ingaña agrabia i ingaña a ma uto, ¡i sendá ma numano ri enú memo! 9 ¿Enú sabé ke ma injuto nú bae ererá leino ri Rioso? Nú kree endi mentira. Ma sesuá endi inmoralirá, idolatra, adultero, ma ombe endi protitusió, kiene sendá patte ri ma omosesual, 10 ma lairon, ma korisioso, ma rakao, ma kaluniaró ku ma jutaó, ané nú bae pa reino ri Rioso. 11 I sendá aggun ri enú. Poro enú a limpiá, i ané a santifika, i Rioso a limpiá a enú po merio ri Epiritu Snado. 12 "To sendá gueno pa mí", poro to ma kusa nú sendá gueno."To sendá sendá gueno", pero i polé rejá rominá po ané. 13 "Ma kumina sendá pá ma barriga, i barriga pa kumina," poro Rioso tán akabá ku ané. Ma kuepo ri gende nú sendá pá imoralirá endi seso. Ma kuepo sendá pá Ño suto, i ma Seño tán da kumina pa ma kuepo. 14 Rioso asé anendó, a Lebandá a Ño suto i a lebandá suto ku memo guesa elé. 15 ¿Enú sabé ke ma kuepo ri enú sendá ri Kristo?¿Antose i tán kuje ma kuepo ri Kristo pa jundá ku ma changaina ri mbila alegre?¡Nú sendá asina! 16 ¿Enú sabé ke keine tá unio ku ma changaina ri mbila algre sendá memo kané elé? kumo ta krito endi Biblia:" ANENDO TÁN ASÉ UN MEMO KANE". 17 Poro kiene ta jundo ku Seño sendá lo memo ke Ño. 18 ¡Salino ri ma inmoralirá! Uto pekaro ke ma gende asé tá po guera ri kuepo memo, poro ma gende ke tá bibí endi inmoralirá tá peka ku kuepo elé. 19 ¿Enú sabé ke ma kuepo sendá templo ri Epiritu ando, kiene ta bibí lendro ri enú i ke enú a kujé ri Rioso?¿Enú sabe ke enú memo nú sendá patte ri enú memo? Pokke rioso a kompla enú po merio ri Mona elé. 20 Po tanto, enú ten ke arorá Elé ku kuepo Elé.