¹ Aora i kolá a enú, numano, ma ebnagelio ke i nda a enú, kiene enú kujé i enú atá. ² Sendá po ma ebangelio ke enú sabbá, si enú kelá endi palabra ri i preriká a enú, numá ke enú rejá ri kreé. ³ Pokke i pasá a enú lo ke ma uto chitiá mí: Ke Kristo a lungá po pekaro ri suto kumo tá aí ekritura, ⁴ ke Éle jende a entelalo i Éle a lebandá endi kualingó ria kumo tá endi ekritura. ⁵ Krito a parese a Sefas lo ke sendá memo pedro, i ripue elé aparese a ma uto apostol, ⁶ ripue Éle aparese a ma quilingó nananá ri ma numano. Mayoria ri ané atá bibí, poro aggun a lungá. ⁷ Ripue elé aparesé a Santiago i ripué a ma apostol ⁸ Po ultimo, Éle aparese mí, aun ke nú sendá rino ri Éle. ⁹ Pokke i sendá ma chirindindigo ri ma apostol. I polé sendá nú apsotol, pokke i asé ma ilesia sufrí. ¹⁰ Poro po merio ri nglasia ri Rioso i sendá Yo, i ma nglasia ri elé sendá ri bela belá. Po kontrario, i makanea ku ma kutu ke ané. Poro nú sendá Yo, sendá ma nglasia ri Rioso lo ke tá Yo. ¹¹ Po tando, sendá Yo, o ané, asiná suto preriká i enú kreé. ¹² Aora kristo sendá proklamao kumo gende lo ke resusiá ri muetté, ¿Kumo enú polé chitiá ke nú abé resuresió ri muerte? ¹³ Pokke si nú a be resuresió ri ma mueto, antose Kristo nú lebandá ri tumba. ¹⁴ I si Kristo nú palá ri tumba, antose prerisio nú sendá ri bela belá i ma fe sendá lo memo. ¹⁵ Arema, ma gende tan miná ke suto a mentí ri Rioso, chitiando ke elé a lebandá ri ma mueeto, kunadí nú pasá. ¹⁶ Pokke si ma mueto nú lebandá, Kristo nú tán lebandá. ¹⁷ I si krito nú palabra ri muete, ma ri enú nú sendá ri bela belá i Rioso tán kondená enú po ma pekaro. ¹⁸ Antose kiene a peka i a konfia endi Kristo nú polé bobbé ri muetté. ¹⁹ Si numá endi ete mbila suto ten konfiansa endi Kristo, ri to ma gende, suto sendá lo ke tan da ma kalamirá. ²⁰ Poro Kristo a lebandá ri ma muetto, i Éle sendá primero lendro ri ma lo ke Éle tan resusitá. ²¹ Pokke to ma gende endi mundo tan lungá po lo ke asé Adán. Ri uto fomma, kiene lungá tán bibí uto be po kusa ke ané asé, ese sendá ma ombe ri Jesukristo. ²² Poro kumo endi Adán to jende lugá, asina memo endi Kristo tán bobbé a bibí. ²³ Poro ka kien endi tiembo ri Kristo: Kristo sendá primeo ri lebandá ri ma muette, ripué kiene tá asé patte ri Kristo tán bobbé a bibí. ²⁴ Antose sendá ma fin, kuandi Kristo tá entregá leino ri Rioso a ma Tatá Éle. Eto sendá ripue ke elé kitá ma leí, to ma autorirá i to ma kutu. ²⁵ Pokke Éle ten ke Reiná ata ke Éle pone to ma enemigo ri bajo ri pié. ²⁶ Ma utimo enemigo ke Rioso tán akabá sendá ma muette. ²⁷ Pues: "ÉLE A PONÉ TO MA KUSA RI BAJO RI MA PIE." Poro kuandi elé chitiá: "ÉLE PONÉ TO," poro ta klaro ke Rioso nú asé patte. ²⁸ Kuandi to ma kusa pasá aí mano ri Éle, antose ma moná ri Rioso tán poné endi memo kutu ri Rioso. E ma kusa tán pasá pa ke Rioso sendá kamajan ri to ma kusa. ²⁹ Si e ma kusa nú sendá ri bela belá, ¿Ke tán asé kiene rejá bautisá ri ma mueto? Sí ma mueto nú palá to, ¿Antose enú pokke tá bautisa? ³⁰ ¿Pokke suto, atá endi peligro to ma tiembo? ³¹ ¡To ma ria i se trompiá ku ma muete! Eto sendá ri bela belá, enú sendá kumo posesion ri mí ke tan motrá a ma Rioso. ³² ¿Ke i ganá, renje bisió ri ma jende, si poné a trompia ku ma bestia endi Éfesp, si kiene lo ke lungá nú lebandá? " Kume i bebé, pokke maana tán lungá." ³³ Nú rejá engañá: "Ma mal rekao tá lompé ma trarisió." ¡Sendá sobrio! ¡Bibí endi retitú! ³⁴ Rejá ri peká. Pokke aggun ri enú nú ten konosimiendo ri Rioso. I chitiá e ma kusa pá enú polé nda pena. ³⁵ Poro algguien tá chitiá: "¿Kumo ma lo ke lungá nú lebandá?¿Ku ke kuepo ané tán bobbé?" ³⁶ ¡Enú sendá inorante! Lo ke enú tá sembrá nú tán kresé numáke ané lungá. ³⁷ I kuandi enú lungá, ma kuepo ke enú sembrá nú sendá memo kuepo tán bobbé a salí. E ma kusa polé bobbé trigo o uto kusa. ³⁸ Poro tan da ané uto kuepo Éle pensá, i endi ka semia propio kuepor ri elé. ³⁹ To ma kanne nú sendá lo memo. Abe un kanne ri jende i tu kanne pá ma animao, i uto kanne pá ma pekao. ⁴⁰ Abé kuepo seletial i kuepo ri tiela. Poro ma gloria ri ma kuepo seletial sendá uno numá i ma gloria ri tierra sendá uta. ⁴¹ Abé un ma gloria endi sol, i uto ma gloria endi luna, i ma gloria endi etreya. Pokke ma etreya sendá riferende endi gloria. ⁴² Asina memo sendá resuresió ri ma muetto. Lo ke ta aí suelo a lungá, poro lo ke bobbé a bibí nú tán bobbé a lungá. ⁴³ Siembra endi onra; tá lebandá ku kutu. ⁴⁴ Abé kusa ke sendá ri ma tiela, i abé kusa ke tené kutu ri Rioso, lo ke tán dura to tiembo. ⁴⁵ Asina memo ta ekrito: "MA PRIMEO OMBE ADAN SENDÁ JENDE BIBIENTE KE RIOSO ANDA A MA MONÁ I ANDÁ MBILA" Ma ultimo Adán sendá memo epiritu ke andá mbila. ⁴⁶ Poro ma epiritual nú yegá primeo sendá ma natural, i repue ma epiritual. ⁴⁷ Ma primeo ombe sendá ri ma tiela, ke sendá ri polvo. Ma segundo sendá ri ma unsulú. ⁴⁸ Asina kumo kien nasé ri polbo, asiná memo sendá kien nasé ri polbo. Asiná kumo ma ombe ri unsulú, asina memo sendá kiené nasé ri unsulú. ⁴⁹ Asina memo kumo suto sendá ma imagen ri ma ombe ke nasé ri polbo, asiná memo suto sendá ma imagen ri ma ombe ri unsulú. ⁵⁰ Aora i chitiá e ma kusa, numanos, ke ma kanne i ma pola nú polé kuje ma Leino ri Rioso. Sendá kumo a ke ma kusa ke lungá ke nú polé bobbé a ke kusa ke nú polé bibí. ⁵¹ ¡Miná! i tan chitiá un kusa ke Rioso a kundi suto: To suto nú tán lungá, poro suto tán kambiá. ⁵² Suto ten ke kambiá endi aggun momendo, sendá kumo papadeo ri ma ojo, kunadi ma angel soná ma trompeta. Ma trompa tán soná i Rioso tán lebandá a ma mueto, i ané nú tán bobbé a lungá. ⁵³ Pokke kuandi suto lungá, to suto tán bobbé pa nú bobbé a lungá. ⁵⁴ Poro kuandi e ma kusa pasá, antose lo ke tá ekrito endi Ekrituta tán bobbé ri bela belá: "RIOSO A GANA TROMPIA A MA MUETTE". ⁵⁵ ¿MUETTE?, RONDE ATÁ BITORIA RI BO?¿MUETTE, RONDE TÁ AJIGON RI BO?" ⁵⁶ Ma ajigon ri muette sendá ma pekaro, i ma kutu ri pekaro sendá ma leí ⁵⁷ ¡Poro nglasia ri Rioso, sendá kien tá andá suto ma bitoria po merio ri Ño suto! ⁵⁸ Po tando, numano mí, kelá fime endi fe i asé ma makaneo ri Rioso. Kelá endi ma makaneo ri Éle, pokké makaneo endi Ño sendá ri bela belá.