¹ Huo̧juä̧huä̧ huȩnȩmä̧ yajutä ka̧mö̧nä̧ pa̧ja̧tö̧ aditinä̧ju̧; ja̧u̧mä̧ kada'ca 'chu̧huä̧rö̧ o'camä sietenö o'ca jo̧mȩnä̧ inähuiyättö aditö ku̧ni̧nä̧ju̧. ² Juajumä kä̧ji̧mö̧ isotörö ku icu; ka̧huȩ vinocu̧ huihuatinä̧ju̧; ja̧'hua̧nö̧ jȩpö̧ kiäre mesa adiu aditö ku̧ni̧nä̧ju̧. ³ Jahuäjumä kumöhuäyotörö hue'inä̧ju̧; juajumä ötahuiyä ju'tä kä̧nö̧ huopäju, ⁴ ¿Dijä̧ttö̧ huo̧jui̧'o̧cö̧mä̧? ¡Porömä 'cä̧i̧pä̧cha̧'a̧nä̧ ja̧'a̧tä̧ topirö! Chu u̧huo̧jui̧pö̧ juiyönä̧ hua̧rö̧ juajumä ucuocuäju. ⁵ Ichi, ttö chu̧cuä̧ cucua ja̧'hua̧ta̧nö̧ cuahua vino isoya ttötä huihuatö chaditäjoya. ⁶ Ttäcö jaropi'i jȩru̧pa̧ 'cua̧rö̧nä̧ jȩpö̧ ku̧jö̧mä̧; tä'í huo̧jö̧nä̧ kä̧nö̧ 'cha̧cuä̧huä̧mä̧nä̧ ⁷ Ya̧'a̧cu̧ächö̧rö̧ ro̧ȩpö̧mä̧ suronä päcuätä ȩmu̧, ja̧'hua̧ta̧nö̧ suronä jȩpö̧ kö̧rö̧ rö̧'ȩpö̧mä̧ ra̧cuä̧rä̧cuä̧huä̧tä̧ ȩmu̧. ⁸ Yä̧'a̧hu̧ä'chörömä ro̧huȩpö̧mä̧ jihuäcuä, ja̧u̧mä̧ a̧u̧tä̧cua̧jä̧; huo̧jua̧rö̧ ro̧ȩpö̧ jiähui ja̧'hua̧ta̧nö̧ ja̧u̧mä̧ repeäcua̧jä̧. ⁹ Huo̧jua̧rö̧ iyö jiähui ja̧'hua̧ta̧nö̧ ja̧u̧mä̧ juhua'a yabocutä huo̧jua̧tä̧ jä̧'cua̧; huo̧juȩti̧ huo̧ju̧nä̧ hua̧rö̧tä̧, ja̧'hua̧ta̧nö̧ ja̧u̧mä̧ u̧huo̧jö̧ ppä'ädipö u̧huo̧ji̧ä̧cua̧. ¹⁰ Ö̧Ä̧NÄ̧HUA̧RÖ̧ ye'ecunu kä̧cuä̧huä̧ ja̧'a̧ huä̧juä̧huä̧ kada'camä, ja̧'hua̧ta̧'a̧nö̧ surojö juiyönä kä̧cuä̧huä̧ cuä̧huo̧juä̧chi̧'o̧mȩnä̧mä̧ ttu̧huȩpä̧rä̧chi̧'ö̧jä̧. ¹¹ Jua'amä Ttö chu̧mo̧ro̧nä̧tä̧ yocuähuächäcuotöjä, ja̧'hua̧ta̧'a̧nö̧ 'cua̧'cua̧rö̧ mo̧ro̧'i̧nä̧ yabonänö cu̧jä̧cuä̧jä̧. ¹² Juo̧jua̧sä̧ päcuttumä, cua̧mo̧nä̧ cu̧juo̧ju̧tä̧ hua̧jä̧, ja̧'hua̧nö̧ ja̧'a̧nä̧ ucutä cua̧mo̧nä̧ ya̧cuä̧u̧ttu̧mä̧, cuä̧mo̧nä̧tä̧ cui̧mi̧tä̧huä̧cua̧jä̧," ¹³ Isaju jerupajumä huo̧juä̧chi̧'o̧co̧ju̧tä̧ huaju; Ja'huäjumä huo̧juȩcuo̧co̧ju̧ ja̧'hua̧nö̧ ja̧'a̧ttö̧ jerupaju. ¹⁴ Ja'huäjumä kapate ä'catä rä'opö pä̧'ö̧, kideäcänä ötahuiyättö ju'toju jö̧mȩ. ¹⁵ Ja'huäjumä huo̧pä̧rö̧tä̧ pä̧jú̧ mänänä 'cuä'opätörö, ttu̧mä̧nä̧nä̧ jueönä 'chä̧tö̧rö̧. ¹⁶ Huȩ'i̧nä̧ pocu ichö jo̧mȩnö̧ huocö'inä, juajumä jiähuäju ttamucuädö jo̧mȩ́ huocotörö. ¹⁷ Ajiya näu̧cu'ä cuoyamä jiuyo a̧do̧ya ja̧'hua̧ta̧'a̧nö̧ pa̧ppä̧ yä̧huä̧'i̧nä̧ cuäcuä̧huä̧ ppä̧mä̧ juiyo nuä̧ppä̧. ¹⁸ Ja̧'hua̧nö̧ ja̧'a̧nä̧ juo̧ú̧ a̧tȩcuä̧mä̧ jȩru̧pa̧ juȩnȩtä̧ ka̧'a̧, juo̧ru̧ ä̧tȩpä̧rä̧tö̧mä̧ hua'are reju jacuä kä̧tö̧.