¹ Ichihuä i̧sa̧ppȩnä̧ cu̧'ä̧mä̧da̧, Babilonia ittiju uborö jerupajumä̧; rȩjȩtä̧ pä̧mä̧di̧ dȩä̧ca̧'i̧nä̧ juiyomȩtä̧ Cadeas ttö̧ja̧ ttittiju. Ucumä isaju juiyo a̧'cua̧cua̧ju̧ pä'ömä ottococua cuäcuajujä̧. ² I̧sa̧ppȩ päi'önä kärähuäyu ȩmi̧, jä'iyu i̧sa̧ppȩ cujära; cui'änä tto̧ȩcuä̧ta̧ jȩpä̧huä̧u̧ icui, cu̧'ca̧tä̧huä̧ta̧'i̧nä̧ ko̧'ä̧dä̧cuä̧u̧ cä'ecui, cujahuitä huäkä'co päi'önä aje pö̧o̧to cujähua. ³ Cu̧'ca̧tä̧huä̧ta̧ juicua'atä toäcuähuäcua'a, ja̧'hua̧nö̧tä̧ ucu dä'ä ttucumä tottäcuajujä: Ttömä micuä jȩchä̧cua̧sä̧ ja̧'hua̧nö̧ jȩpö̧ ya̧tȩrö̧'i̧nä̧ esecuocö chä̧cua̧sä̧. ⁴ Ujutu ttimicuä mitö rä'epömä imimä ottäcu o'cajuiyönä ju̧ru̧hua̧ pä'ötä, Israel ttö̧ja̧'i̧nä̧ ttu̧ru̧hua̧ surojö'i̧nä̧ jui̧'a̧ pä'ötä. ⁵ 'Corujueinätä pä̧mä̧di̧ ja̧'hua̧ta̧'a̧nö̧ yo̧mȩtä̧ do'ächi'i, Caldeas ttö̧ja̧ ttittiju; ja̧'hua̧nö̧ ja̧'a̧ ucumä ruhuo hue'äju pä'ömä ottococua cuäcuajujä. ⁶ Ttömä chi̧tti̧mö̧rö̧ chu̧ra̧huä̧rö̧nä̧ ji̧nä̧cu̧sä̧; Ttömä cha̧mö̧nä̧ chahuruhuärömä ucuotäcuähuä juiyönä jȩchi̧nä̧u̧ ja̧'hua̧nö̧ jȩpö̧ ucu cu̧mö̧nä̧ chiyinä̧cu̧jä̧, ja̧'hua̧nö̧ china'anä juätörömä rȩrö̧jö̧nä̧mä̧ topocö pinöjä̧; ucumä ttö̧ja̧ tä̧mö̧rö̧ rö̧ä̧nä̧ a̧mö̧cö̧ cä'epö huȩni̧nö̧jä̧. ⁷ Ucumä pä'inö̧jä̧: Ttömä 'cuäopönä̧tä̧ huedäcuajusä ruhuaju 'cua̧rö̧nä̧tä̧." Ucumä pi̧yȩ huȩnȩmä̧ cua̧mi̧so'quinä ȩpo̧cö̧ pinö̧jä̧, ja̧'hua̧ta̧nö̧ a̧mö̧cuädocö pinöjä̧ jujajurö 'cuä̧o̧pä̧cuȩmä̧. ⁸ Ja̧'hua̧nö̧ ja̧'a̧ttö̧ jitämä pi̧yȩ ä̧ju̧cui̧: Ucumä ucuru cö'quecutä repe'äjujä ja̧'hua̧nö̧ ji̧mȩttö̧ ya̧tȩ'i̧nä̧ ttörömä rä'epö icuocö jä̧cua̧ pä'äjujä; dijinä̧ttö̧ cua̧mi̧so'quinä̧ ji'ähuinömä̧: Ttömä kä̧jö̧sä̧ ja̧'hua̧ta̧'a̧nö̧ ya̧tȩ'i̧nä̧ toa'a ttö'anö̧ hua̧mä̧; ttömä yorö'iso recua ja̧'a̧nö̧mä̧ pä̧mä̧do̧co̧ju̧ chäcuajusä juhua'atäcu tti̧tti̧mö̧ totte'acha'amä topöcö chäcuaju̧sä. ⁹ Ja̧'hua̧nö̧ ja̧'a̧ pi̧yȩ todäre jähuämä̧ ya'ute mo̧ro̧ ichäcua'a: Cui̧tti̧mö̧ totte'ächö mo̧ro̧'i̧nä̧, recua juocu mo̧ro̧'i̧nä̧; ucurumä ttujuru o'cajuiyönä̧ ttichäcuotö, märipä jähuä jȩ'cua̧ pä'ö'i̧nä̧ ja̧'hua̧ta̧'a̧nö̧ pa'ätörö recuätörö cu̧ju̧nä̧ra̧ pä'ö'i̧nä̧ juhua'atäcu cu̧mö̧nä̧ o̧ta̧ cu̧nä̧ra̧ pä'ö'i̧nä̧. ¹⁰ Suronä jȩ'cu̧nä̧tä̧ cua̧'cua̧ huȩnä̧ri̧nä̧ju̧jä̧; ucumä pä'inä̧ju̧jä̧; ttörömä ya̧tȩ'i̧nä̧ topocö"; cu̧huo̧ju̧ huȩnȩ'i̧nä̧, cu̧huo̧juä̧chö̧ huȩnȩ'i̧nä̧ surojö mä̧nä̧ra̧'a̧tä̧ oipächinä̧cua̧jä̧, ja̧'hua̧nö̧ ja̧'a̧ ucumä pä'äjujä: Ttömä kä̧ju̧sä̧ ja̧'hua̧ta̧'a̧nö̧ ttö'anö̧ huaju karajumä toa'a." ¹¹ Surojömä ucurutä ichäcua'a, märipänä jȩpö̧ tucuipächa pä'ö'i̧nä̧ yorö'iso juiyäcua'a. si'epö icuähuämä ucurutä maä̧mä̧cua̧'a̧, ttocuecu juiyönä̧tä̧. surojömä cuni̧chä̧ra̧'a̧nä̧ ppeopo'ächäcuajujä, tta̧cuä̧ro̧cö̧ mo̧ro̧. ¹² Märipä jähuätä yabonö̧ jȩ'cua̧'a̧nä̧ ja̧'hua̧ta̧nö̧ rö̧ä̧nä̧ märipä jähuämä cua̧'u̧cuä̧i̧ttö̧tä̧ kä̧mä̧dö̧ pättina'a̧cu̧tä̧ jȩ'cuä̧'i̧jö̧mä̧; isojuoäcua'acö̧; surojömä yacuocua'acö̧. ¹³ Ucumä täcö jiyupächäjujä rö̧ä̧nä̧ jä̧'ȩpä̧rö̧ ä̧ju̧cu̧; juätö u̧mä̧tö̧tä̧ ä̧rä̧mi̧'ö̧ ppättädacujä- juätö mo̧ro̧jä̧ jähuä ttu̧huo̧jua̧ pä'ö a̧mö̧cuädätömä ja̧hu̧ta̧nö̧ si̧ri̧'cö̧rö̧ topätömä, yodo kä̧hua̧ ja̧rȩpa̧ ötö'cö'i̧nä̧ ji'äjhuätömä- 'cuäopä̧cuȩmä̧ jahuätötä ppättädacu iyähui. ¹⁴ Topittö, jahuätömä isa'cua jä̧'i̧nö̧'a̧nö̧tä̧ juottepäcuajujä. Juätörömä ocurätä ku icuäcuä̧u̧. Juätömä tta̧mö̧nä̧ pa̧ja̧tö̧mä̧ ki̧'o̧co̧tö̧ ttäcuotö ocurä cuoarättömä. ¡Juȩnȩmä̧ juiyäcua'a ä̧ya̧ri̧samä du'unä cuoa pä'ömä ja̧'hua̧ta̧'a̧nö̧ ocurä'i̧nä̧ juiyäcua'a ttö̧'ä̧mä̧da̧ pä'ömä! ¹⁵ Ja̧u̧ ja̧'a̧ ucuru ja'huanö ku̧ju̧nä̧ ttö'ärotä'ijumä, juhua'atäcu ucumä ȩmi̧pö̧ iyi'änä̧ju̧jä̧ möäyaju cuji̧no̧mȩttö̧ kä̧mä̧dö̧ juätucumä ja̧'hua̧ta̧'a̧nö̧ juätömä o'catoi'önä a̧mö̧cuädäcuähuä juiyötä jȩpä̧tö̧, ja̧'hua̧nö̧ ja̧'a̧ ppättädacu pä'ö huopönö̧ jäcuepomenä̧mä̧, ya̧tȩ'i̧nä̧ toa'a ucuru rä'epö icu imita'anö̧ hua̧mä̧."