¹ ¡Ucuo te'ähuä̧juhue ȩ'u̧ttö̧ pöttähuä adicua'a jä̧'i̧nö̧'a̧nö̧ huaju yotucu pönä Efraín ttö̧ja̧ tä̧'ä̧mä̧tö̧ ttu̧huȩnä̧huä̧'i̧jö̧, ja̧'hua̧nö̧ jö̧ ȩ'ö̧mä̧ öadihuä a̧'cua̧cuä̧ji̧mä̧ to̧ȩpä̧chä̧cuȩ, pöttähuä ȩ'u̧ttö̧ adicuä rö̧ä̧nä̧ pämäroppä päi'ome huä̧mȩ huȩnä̧huä̧mä̧ jitö vivo isoya kȩdö̧ i̧cuä̧u̧ jä̧'i̧nö̧'a̧nö̧ huotö! ² Topi, tu̧ru̧hua̧mä̧ hue'ö ya̧tȩ ju̧ru̧hua̧rö̧; Ajiya diyau o'qui jä̧'i̧nö̧'a̧nö̧'i̧nä̧, jahuata'anö isoppa juruhuoppa dö'ö icua pä'ö icha'a jä̧'i̧nö̧'a̧nö̧'i̧nä̧, jahuata'anö aje suhuädi'ö dö'ö'icua pä'ö icha'a jä̧'i̧nö̧'a̧nö̧ i̧chä̧cua̧; Ja̧u̧mä̧ pöttähuä ttunä huä̧nä̧cuä̧huo̧bö̧mä̧ ko̧'ä̧dö̧ do'opö i̧cuä̧cua̧ rȩjȩ mo̧ä̧chö̧nä̧. ³ Efrain ahuaruhuä'cotö tä̧'ä̧mä̧'chä̧tö̧ ucuo te'äu ttunä ttu̧huä̧nä̧huä̧'chä̧'i̧jö̧mä̧, tti̧jȩpö̧ dea'atä päi'önä kä̧dö̧ icuähuäcua'a. ⁴ Jahuata'anö ȩ'u̧ öadihuä jä̧'i̧jö̧mä̧ hua'ö'icu toepo'ächäcua'a rȩjȩ adihuome ka̧cuä̧'i̧jö̧mä̧, jahuata'anö du'huo juhuäcua'a ä'canä higo u̧huä̧ju̧ ä̧cuo̧mȩnä̧ huä̧jö̧, ka̧ra̧ ja̧u̧ topö, u̧mu̧nä̧ 'chu̧huä̧rä̧nö̧ kä̧nö̧ ja̧u̧ u̧huä̧ju̧ rahuädi'a'a jä̧'i̧nö̧'a̧nö̧ jä̧cua̧'a̧. ⁵ Ji̧yȩnö̧ mo̧ro̧ päi'omenä su̧ro̧da̧u̧ ttu̧ru̧hua̧ ttö̧ä̧nä̧hua̧mä̧ pöttähuä ttunä huä̧nä̧cuä̧huä̧mä̧ adiu a̧'cua̧tö̧ i̧cuä̧cua̧ chutä umuhuäyotö ka̧cui̧pi̧nä̧tö̧rö̧ iyäcua'a pä'ö, ja̧u̧ a̧'cua̧ru̧hua̧mä̧ roji pä'ö icuähuä i̧sa̧ ö̧jä̧cua̧, ⁶ jahuata'anö roji pä'ö icuähuä'i̧sa̧ ö̧'ä̧'i̧jo̧mȩ ö̧'ä̧cua̧, jahuata'anö jahuätö ttabo'iyotörö äpate ä'cattö ppa̧ttä̧chö̧nä̧ jȩpä̧'i̧jä̧tö̧ ttujuru päi'önä ö̧jä̧cua̧. ⁷ ja̧'hua̧nö̧ ja̧'a̧nä̧ ttö̧ja̧ tturuhuotö'inä vino a̧'ti̧poya ahuö tä̧'ä̧mi̧nä̧tö̧. Sacerdote'inä profeta'inä a̧'ti̧poya ahuä'cotö tä̧'ä̧mi̧nä̧tö̧ ja̧'hua̧nö̧ ja̧'a̧ttö̧ vino ri̧ȩnä̧ jiyudö icu'inä̧u̧. Juätömä tti̧jä̧mä̧ di̧yö̧nä̧tä̧ a̧'ti̧poya ahuinätö̧, adiunä'inä tottiyönätä̧ ja̧'a̧nä̧ aditinätö̧. ⁸ Ja̧'hua̧nö̧ ja̧'a̧ttö̧, mesa'isodänä o'cajuiyönätä̧ idecu'äu icu'inätö̧, yo̧mȩtȩ'i̧nä̧ juiyönä adihuomemä. ⁹ ¿Juo̧'u̧mä̧ dirö u̧huo̧ju'ȩta̧ pe'ö jä̧ttö̧ ttö̧huȩpä̧rä̧chi̧'a̧ pe'ömä ja̧'hua̧ta̧'a̧nö̧ juo̧'u̧mä̧ dirö jiähua pe'ö jä̧ttö̧ ya̧nä̧ amucu'ädäjimä? ¿ Jähuätömä pä'ö huäpächätö jä̧i̧nö̧'a̧nö̧mä̧ jȩttä̧ pe'ömä jo̧ca̧'a̧? ¹⁰ Ja̧'hua̧ta̧'a̧nö̧ hueö'i̧nä juayabonö̧ hueä'u̧jä̧, hueähuä huȩnȩnä̧'inä juayabonö̧ huȩä̧'u̧jä̧; ji̧'qui̧cha̧nö̧ porö'inä yorö'inä ȩmu̧. ¹¹ Ja̧'hua̧nö̧ ja̧'a̧ttö̧, juo̧u̧mä̧ ahuaruhuärö ucu'o cu'ä̧cua̧ korotö tti̧huȩnȩnä̧ tta̧tta̧ pä̧ttö̧ jä̧i̧nö̧'a̧nö̧. ¹² A'cojimä juo̧'u̧ pä̧'i̧nä̧u̧: pi̧nȩmä̧ 'cuä'ächö tti̧'o̧mȩ, 'cuächö tti̧'o̧mȩmä̧ ja̧'a̧tä̧ topittö 'cu'ächö tti̧'a̧nä̧; juȩnȩtä̧ ja̧'a̧ diyadö cuȩmä̧cu̧'o̧mȩmä̧, ja̧'hua̧nö̧ ja̧'a̧nä̧ jähuätömä ä̧ju̧cu̧'o̧co̧tö̧ pinätö̧. ¹³ Juätörömä TÖ̧Ä̧NÄHUA̧ i̧huȩnȩmä̧ ji̧na̧'a̧ hue'ähuä huȩnȩmä̧ hue'ö kö̧ jȩttä̧ pe'ötä, jȩttä̧cuȩi̧ huȩnȩmä jȩttä̧cuȩ'i̧tä̧ hue'ö kö̧ jȩttä̧ pe'ötä, porö'inä yorö'inä ji̧'qui̧cha̧nö̧ ȩmö̧; juo̧u̧nä̧tä̧ tti̧chä̧cua̧'a̧nö̧ ja̧hua̧nö̧ ja̧'a̧nä̧ juo̧u̧nä̧tä̧ jäyä́ tti̧ji̧pä̧cuo̧tö̧ ja̧'hua̧nö̧ ja̧'a̧ttö̧ jä̧yä̧́ tti̧ji̧po̧mȩnä̧ 'chö'ädö ttö̧jö̧nä̧cuo̧tö̧. ¹⁴ Ja̧'hua̧nö̧ ja̧'a̧ttö̧ TÖ̧Ä̧NÄHUA̧ i̧huȩnȩmä̧ ä̧ju̧cuä̧tu̧cui̧, ucú jarodö , ucú curuhuonä hue'ö kö̧mä̧ Jerusalén ötahuiyänä. ¹⁵ Pi̧yȩmä̧ 'cuä'opäcua päcuinä̧tua̧'a̧ttö̧: hua'arecu esecu kö̧ni̧nä̧tö̧jä̧ ja̧'hua̧nö̧ ja̧'a̧nä̧ huä'äre rejunämä esecu kö̧nä̧huäju. Ösappänä ro̧ttȩpo̧mȩnä̧mä̧, rȩbȩhui̧yä̧cua̧'a̧. ja̧'hua̧nö̧ ja̧'a̧nä̧ jȩpu̧ kö̧ni̧nä̧tö̧jä̧ yapare cudäjuächätucua pe'ö, yaparetä dajahuätöjä. ¹⁶ Ja̧'hua̧nö̧ ja̧'a̧ttö̧, TÖ̧Ä̧NÄHUA̧ DIOS pä'inö: Ä̧ju̧cuä̧tu̧cui̧, ttömä jȩchä̧cua̧sä̧ ä̧cuo̧mȩnä̧ ido'qui päi'önä Jerusalénnä, jo̧mȩnö̧ ka̧cuä̧mu̧ toäcuähuo'qui, ä̧cuo̧mȩnä̧ji̧ adihuä juei ido'qui jö̧nä̧, jueipo'qui 'quiyo'qui jö̧nä̧. Chu esetömä ttö̧huȩcuä̧nä̧tä̧ i̧jä̧cua̧. ¹⁷ Ttö ro̧dȩpä̧cua̧sä̧ i̧so̧'quȩnä̧ juettepa'a jä̧'i̧nö̧'a̧nö̧ ja̧'hua̧ta̧'a̧nö̧ juettecuächa pe'ö jue'önä rö̧nö̧ totta'a ja̧'i̧nö̧'a̧nö̧. Yapare jittähuäcu cuidajuächinomemä̧ inädutä juattädi̧cuä̧cua̧jä̧ ja̧'hua̧ta̧'a̧nö̧ dajuähuächi̧nö̧'ca̧ cu̧'i̧jo̧mȩ'i̧nä̧ suädi'äcua'a cuaboyotötä. ¹⁸ Hua'inöcu̧ cuesecu'inä 'toi'äcua'a ja̧'hua̧ta̧'a̧nö̧ hua'are rejucu cutodehuä'chö'inä täcö juiyäcua'a. Ja̧'hua̧nö̧ ja̧'a̧ 'cuä̧'o̧pä̧cua̧ recuätucu i̧ra̧hua̧ri̧po̧mȩnä̧, ucutumä juajue'öttötä a̧ttä̧di̧'ä̧cua̧'u̧jä̧. ¹⁹ Ja̧'hua̧nö̧ 'cuä'opomenämä, ttä̧huä̧rä̧cua̧ moró̧ jö̧a̧'u̧cuä̧ 'cuä'oputa'anö, ja̧'hua̧ta̧'a̧nö̧ moró̧'i̧nä̧ yodo'inä 'cuä'opunä i̧chä̧cua̧. Ja̧'hua̧ta̧'a̧nö̧ ttö̧ȩpä̧rä̧chi̧'ö̧ ttä̧ju̧cu̧'o̧mȩnä̧ yettecui'äcuotö. ²⁰ Ttö̧ja̧sa̧ 'ti̧ȩcua̧ pe'ömä ä̧'ä̧huä̧ppä̧mä̧ juiyo ji̧'qui̧cha̧ja̧ppä̧ ja̧'hua̧ta̧'a̧nö̧ juä'ocuä 'cuähuä'cuamä juiyo ji̧'qui̧cha̧jä'cua. ²¹ De'a Perazim jȩi̧nö̧ta'a̧nö̧ jȩ'ä̧cua̧ TÖ̧Ä̧NÄHUA̧, Ganbaón pämäroppä jȩi̧nö̧ta̧'a̧nö̧ jȩ'ä̧cua̧ chutä aditähä päi'önä, aditäcua̧ korotönä ja̧'hua̧ta̧'a̧nö̧ korotö abonä aditä̧cua̧. ²² Jitämä, yä̧cuä̧huä̧'chä̧tu̧cuä̧, isappätä ti̧'ä̧dö̧'i̧cuä̧cua̧jä̧. Ttö ä̧ju̧cu̧'i̧nö̧sä̧ TÖ̧Ä̧NÄHUA̧ o'cajuiyönä ju̧ru̧hua̧, pä'ö u̧ju̧na̧a̧ jȩ'ä̧cuȩi̧ rȩjȩmä̧ surojö jo̧dȩpä̧cua̧sä̧. ²³ Adiunä ttö̧ȩpä̧rö̧ ä̧ju̧cui̧ ttö pädö, ja̧'hua̧ta̧'a̧nö̧ ä̧jucui̧ ttö chi̧huȩnȩ. ²⁴ ¿Cuähuä kö̧nä̧huä̧ ttö̧ja̧sä̧mä̧ o'cajuiyönä moro̧tä̧ yä̧'cö̧ u̧ju̧nä̧ pe'ömä̧, suro rȩjȩtä̧? ¿mu̧nä̧u̧tä̧ cuähuä kö̧nä̧huo̧mȩmä̧ i̧sa̧ppȩnö̧tä̧ kö̧nä̧rö̧? ²⁵ Ja̧'hua̧nö̧ ja̧'a̧ juo̧'u̧mä̧ kö̧ni̧nö̧ u̧cuȩcuähuä rȩjȩ aditäjomemä̧, ¿pä̧huä̧rö̧ja̧'a̧nö̧ kö̧nö̧cö̧pi̧nö̧ ȩ'u̧ oba jacuäjuä o̧bi̧mä̧ eneldo'inä eneldotä comino'inä cominotä̧ ja̧'hua̧ta̧'a̧nö̧ jihuätenä trigo'inä adihuomenä jö̧ a̧'u̧cuä̧, ja̧'hua̧nö̧ ja̧'a̧nä̧ jäyänämä centenotä̧? ²⁶ CUÄNÄ̧ HUA̧TÄ̧ ji̧ä̧huä̧cu̧jä̧ ja̧'hua̧ta̧'a̧nö̧ u̧huo̧juȩtä̧cu̧jä̧ huo̧ju̧nä̧tä̧. ²⁷ Ja̧'hua̧nö̧ ja̧'a̧nä̧, eneldo jacuäjähuä o̧bi̧mä̧ da'unä ta'ö bi'cähuocö, ja̧'hua̧ta̧'a̧nö̧ carucä i̧jä̧pu̧ i̧sä̧'ca̧'i̧nä̧ comino huä̧mȩnä̧ 'cuäopäcuähuocö ttibi'ca pe'ömä; ja̧'hua̧nö̧ ja̧'a̧nä̧ eneldomä da'u i̧so̧'quȩnä̧tä̧ cuähuä ja̧'hua̧ta̧'a̧nö̧ comino'inä i̧so̧'quȩnä̧tä̧ cuä̧huä̧. ²⁸ Jacuäjähuä otemä kärötticu kärähuäcänä pä̧ ttöcua pe'ö ja̧'hua̧nö̧ ja̧'a̧nä̧ adihuömä adihuäcö, ja̧'hua̧nö̧ carucä i̧jä̧pu̧ isä'camä ja̧'hua̧ta̧'a̧nö̧ cuäji̧mu̧ caballo diecuächätö, cuäjimu caballo'inä bi'co'cottö. ²⁹ Pi̧yȩ'i̧nä̧ ichaa TÖÄNÄ̧HU̧A o̧'ca̧jui̧yö̧nä̧ ju̧ru̧hua̧tö̧mä̧, juiyo adiunä huo̧juȩtö̧ adihuäjuei huo̧juä̧huä̧'i̧nä̧.