²⁵ Judá ttö̧ja̧mä̧ o'catoi'önä, sacerdote huotucu'i̧nä̧, Leví ahuaruhuäcu'i̧nä̧ yoräteunä, Israel o'catoi'önä ca̧ca̧cui̧pä̧tu̧cu̧, ja̧'hua̧ta̧nö̧ ko̧ro̧jä̧ ttö̧ja̧ Israel ttö̧ja̧ tti̧rȩjä̧ttö̧ ichätömä juhua'atäcu jitö Judá ttö̧ja̧ tti̧rȩjä̧nä̧ ka̧cuä̧tö̧'i̧nä̧, o'catoi'önä̧tä̧ esehuinä̧tö̧. ²⁶ Ja̧'hua̧nö̧ jo̧mȩttö̧, Jerusalénnämä rö̧ä̧nä̧ eseäcuähuä ki̧na̧'a̧, isopäi'önä Israel ttö̧ja̧ ttu̧ru̧jua̧ David i̧tti̧ Salomón ö̧ji̧nä̧ pä̧nä̧ttö̧ kä̧mä̧dö̧ Jerusalénämä ja̧'hua̧nö̧ eseäcuähuämä juiyina'a. ²⁷ Ja̧'hua̧nö̧ jä̧ji̧ o'ca'a Sacerdote huotömä ja̧'hua̧ta̧nö̧ Levís ahuaruhuä'i̧nä̧ ä̧rä̧mi̧'ö̧, juiyo adiunä̧tä̧ jä̧cua̧'a̧ pä'inä̧tö̧ ttö̧ja̧rö̧mä̧. Jahuätö huottö rä̧mi̧pi̧na̧'a̧ ja̧'hua̧ta̧nö̧ Dios ttucuocu'i̧nä̧ mo̧ro̧jä̧ra̧'a̧ rȩbȩhui̧na̧'a̧, Dios ö̧jo̧mȩ surojö juiyomwttö̧.