¹ amau iekhajim Moiseeg sinai dʉrbʉgaai, Nacham ed gaai agjo nʉmiin ayõm gaai aqgtarrkhʉrr majieraam Egipto jeb gaai. Maigmʉa irʉa jaaujim: ² "Aupʉabaaje Israel phobor aan pascua waaupiba maa sier awaai ag ayõ gaai. ³ Ag catorce ed, agjo ag kheeuraag, Aan wawagpam pascua fiesta maata waaukhanaajim agjarr ag ayõ gaai. Makhʉʉn waaukhajʉ, Ag onaa thʉm wawagpam, Magmʉa thʉm ʉkhaagaau iek phãtarr ag dʉi" ⁴ Magbaawaai,Moiseeu jaaujim Israel aignarrkhʉʉnag paanau wawagaau pascua fiestajarr. ⁵ Maata nachaam ed gaai waaujierram, Catorce ed gaai, Ag kheeurag, Sinai dʉrsĩ gaai. Israel aignarrkhʉʉnau ʉkhajierram thʉm Ẽwandamau depʉitarrjo wawamkhĩir Moiseeg. ⁶ Maig emkhoon khapaan naajim ag õr thõom miusiejim agʉa khaiba aphʉbaadeejim. Magʉata pod waaubaajierram pascua fiesta ag ed. Majierram amach Moises arr maigmʉa Aaron arr ag ed paai. ⁷ Akhʉʉn õrãu jaaujierram Moiseeg: "Maa khaibaanʉm õr ab thõsim gaaimʉa. ¿Khan gaaimʉa marãgpai deesim phithʉr ag jarrta sim ag ayõ gaai Israel aignarrkhʉʉn dʉi? ⁸ "Moiseeu jaaujim:"nʉʉbag agjo ʉ̃rbag Ẽwandamau opiiba anaag aan ʉ̃rpaai." ⁹ Ẽwandsmau Moiseeg iekhajim. Maigmʉa irig jaaujim: ¹⁰ "Iekhabaa Israel phoborag. Jauuba: Paan emkhʉʉn agjo naraankhʉʉm maig khaibanʉm õr ab thõsim gaaimʉa, oopaan maa warp, parãu waujʉ aunʉm Ẽwandam pascua. ¹¹ Paraã pascua fiesta waajʉ aaunʉm ed nʉmiim gaai, Catorce edaam gaai, Maigmʉa kheeuraa. Agjo khoojʉ aaunʉm pan levadʉrr chʉkhʉ maigmʉa achaagam kher. ¹² Parãau aupʉajʉ khabanʉm neminagja ag ed garbi, o aupʉamiet neminag pa ogheewam. Parãau thʉm eugar maagaau pascua jaaubaam. ¹³ Maig õr thʉnʉm wajapha siegaau maigmʉa pod maabaam, Maig khaubajʉ fiesta wawag pascua den, Ag õr thʉsiegaau phobor aigʉim maagʉa i iek ʉkhabaajim Ẽwandamʉa igsierr ag ayõjarr. Jã emkhooyau aunʉʉrragaau ich neminag khaiba waautarr. ¹⁴ Ag õr khaauba simaan paan dʉi maigmʉa fiesta waausim pascua den Ẽwandamau aausiejeejim, Irʉa maagaau i eugarbi thʉm jaautarrjo. Ag onaa jaautarrjo pascuaden, maigmʉa jaaubaam ʉkhaagaau. Panaau aaunaagaau warpham ag phãsier iek paai maigmʉa thʉm thabaanʉm ag jebgaai" ¹⁵ Ag ed obeerjemaig maigmʉa bĩirdʉajemaig phidigkhajim, Edjã phʉʉrdʉ siejim, Ag obeejemaig aan iekhaatarr. Agkheuraag edjã siejim aberjemaig maigmʉa bĩirdʉajem ʉ̃ʉr. Ag obaanʉawai anaag ogdaau paasimjota siejim edpherr. ¹⁶ Adjota siejim warag. Ag edjãupai phʉʉrdʉsiejim oberjemaig agjo bĩirdʉajemaig maigmʉa ag oowaayaan ogdaaujoota siejim edarr. ¹⁷ Ad ejã simaan oberjamaig, Israel phoboraig maagaau ich masimaar. Maam maar ad edja maig sisisijʉ, Phoboraig siegaau. ¹⁸ Ẽwandamʉa jaaubaam, Israel phobor aigmʉa maagaau, Maigmʉa irʉa ausimaig, Aaan maig naagaau. Edau obernʉm ed paai aig sisisjʉ oberjemaig maigmʉa bĩirdʉajemaig, Amacha ag kampamento aig naagaau. ¹⁹ Ag adau maig sisijʉ aan neminag simaig maigmʉa bĩirdʉajemaig dʉrrʉ nnajʉ, Magkhai Israel phoborau ʉkhaagaau Ẽwandamʉa jaaubaanm maigmʉa pot maabaam. ²⁰ Khãi ab edau oowiesi maigpai ag ed aan neminag simaig maigmʉa bĩirdʉajemdeg. jã onaa ammau Ẽwamdam iek ʉkhajʉ aaunʉm irʉa jaaubam- Maig paan naajʉ maigmʉa magkhai deeu maagaau irʉa jaaubaam. ²¹ Amaau khãi ab owaai edau siejim kampamento aig agjo kheraag maigmʉa edpherr. Maagwaai edau oberwaai edpherr, Maajeejim edau ãsdaau maigmʉa edarr, maig edau ʉgthasiejeejim maigmʉata masiejeejim. ²² Maig edau wʉʉsimaig oberjamaig agjo bĩirdʉajemaig khãi nʉmi, Ed ab, Ayõ ab, Maig naajʉ aan, Israel phobor ag kampamento aig naajʉ maigmʉa pod maabaam. magwieja edau ʉgthaamaam, Maig maajʉ. ²³ Maig naajim Ẽwandamau jaautarrjo, Agjo maajeejim ich maamkhõsim aar. Ẽwandamʉa jaautarr ʉkhaaajierram Moises gaai mʉa.