¹ ẽwandamau iekhajim Moiseeg. Maigmʉa irig iekhajim: ² "iekhabaa Aaronag. Jaauba irig: Lampara 7 paagaau nʉmi dʉnʉi sim khiirphe maa ʉʉwaai." ³ Aaronau amʉg waaujim. Lampara paajim dʉnʉisim khĩirphe nʉmi aig paakhajinm dʉnʉisimaig. Maa Ẽwandamau jaaujim Moiseeg. ⁴ Dʉnʉisim nʉmi maa waausiejim Ẽwandamau opiijim Moiseeg aa waautarr. Maa wawaamkhĩir ajim phĩrn maasimamg magwie dʉnʉisimaigmʉa, Maig jarr meerphesim pamãar dʉi. ⁵ Deeu deewaam, Ẽwandamau iekhajim Moiseeg. Maigmʉa irig jaaujim: ⁶ "Levitanaan pʉraatha Israelnaan dakhĩir maigmʉa pekau chʉkhʉmkhʉʉn ⁷ Waaauba amʉg ʉpʉyaag: Dou aan gaai jĩgpheapʉi ann ʉ̃ʉr. Idee aan mõr ʉpiiba thʉnwe, Jãbag paach pʉt, Maigmʉa mag gaaimʉa aan ʉʉkheraajim. ⁸ Magaaimʉa, pʉraatha phak da ab maigmʉa i ofrenda daaim harin wajaham deen poothʉtarr aceite dʉi. Aaupʉabat agjo athaag deewaam phak maa ofrendajo aan khaiba waautarrgaaumʉa. ⁹ Pʉ aaubeegau Levitanaan ag khĩirphe aan neminag peerjemaig agjo bĩirdʉajemaig magwie aignaagaau thʉnwe Israealam Ẽwandam jeeujem di aig. ¹⁰ Maig athamid Levitaan Ẽwandam dau naa, Israelasmkhʉʉnau jua deekhajʉ Levitanaan ʉ̃r. ¹¹ Aaronau deekhagaau Levitananaag Ẽwandam dau naa, Maa ofrendajo ierramjo Israelpen athee, Agjo amaau waaumaajʉ Ẽwandam athee. ¹² Levitanaanau deejʉ amach jua phak por ʉ̃r. Pʉa deegaau phak ab maa ofrenda da abjo aam khaiba waaunaargaaimʉa maigmʉa dewaam phak maa da ab ofrenda phaam mʉrig, Maa oog Levitanaan. ¹³ oopiiba Levitanaanag Aaron beejʉnawe maigwia i iewaan beejʉnawe, maigmʉa jiiraatha maa ofrendajo barapʉi mʉrig. ¹⁴ Maakhʉʉn onaa Levitanaan khĩet aukheragaau maigmʉa Israelpien dʉija agjo. Levitanaan mʉ deenaau maig nagaau mʉ aig. ¹⁵ Agtarrkhʉr amʉg, Levitanaan maagaau naacha nemiag thʉnʉmaig maigmʉa bĩirdʉajemaig. Magaai panaau ʉkhaagaau. Parãau deegaau maa ofrenda phaaamjo ¹⁶ Mʉg waauba, jãkhʉnaan mʉ khapeencha maigmʉa Israelam khʉʉn dʉija agjo. Makhʉʉnau maig chaain emkhooncha thaabʉmaam bi eem maig naagaau, makhʉʉn naacham thʉnwe naagaau Israelam aignaarkhʉʉn. Mʉa oowaai Levitananaan mʉ deenaau. ¹⁷ Nachaamkhʉʉn thʉm thabʉʉtarr Israelamkhʉʉn jã mʉ deenaau. magwie agjo ooidaraamkhʉʉn nemchaan ja agjo. Ak ed mʉa thʉm aignaarkhʉʉn Egipto jeb gaai, Mʉa khĩet aaukherjim mu athee. ¹⁸ Mʉa aauchirʉm Levitanaan Israelamkhʉʉn dʉi, Maa gaai thʉm naagaau nachamkhʉʉn. ¹⁹ Mʉa deejim neminag Levitanaanag mag neminagjo Aaronag maigmʉa i chaainag. Mʉa aan waaichirʉm Israelamkhʉʉn õr maa phigkhamkhĩir Israelam phidag aan neminag thʉnʉmaig maigmʉa bĩirdʉajemaig. Mʉa deechirʉm oomkhĩir Israelam õr makhʉʉn da aba ja pãupimaagaau aignaarkhʉʉn õr dakhanaagaau maagaai. ²⁰ Moises, Aaron, Maigmʉa thʉm õr phobor Israelam waaujim Levitanaan dʉi amʉg. Thʉm waaumajim Ẽwandamau jaautarrjo Moiseeu Levitanaan daakha. Israelamkhʉʉn õrãu waaujim aan dʉi, ²¹ Levitanaan wajau thʉbagkhajim maigmʉa jãjierram amach pʉt, Maigmʉa Aaronau opiijim ofrenda ajaphaam Ẽwandamag maata waaujim maigmʉa jeeujim ʉpʉyaag aan athee. ²² Agtarrkhʉr amʉg, Levitanaan neminag wawanmaajim aan neminag aig maigmʉa bĩirdʉajemaig Aaron naapaai maigmʉa Aaron chaain daunaa. Amʉgta Ẽwandamau jaau aausiejim maa jaautarrjo Moiseeg Levitanaan daakha. Maagta thʉm Levitanaan oomaajim. ²³ Ẽwandamau iekhajim deeu Moiseeg. Maigmʉa irig jaaujim: ²⁴ "Thʉm amʉgta Levitanaan 25 ayõ mabaamʉn warag. Akhʉʉn ãbanaagaau jeeukhag aa neminag aig maigmʉa bĩirdʉajemaig. ²⁵ Paanau aupʉagaau jeeunarr ag 50 ayõ aapha. Ag ayõmkhʉʉnaau pod baam phagkham phidagjom. ²⁶ paanaau aan jua oojʉ aaunʉm paach oodeemkhʉʉm akhʉʉn phigkhaajʉ aan neminag simaig agjo bĩiirdʉajemaig, Maata aanau podbaanʉm phidagjom. Pʉa thʉm Levitanaan arragaau amʉg waaumaam.