¹ ũrba Isrel; pʉ ĩs Jordanag dʉrba imʉʉ sim, am aar barimawia iyʉʉ aagau mag phobor daphʉm khʉʉn dʉi pãach dʉi mapimkhĩir pãar khãyãu khĩirjũg pom wainaawai, maigmua phobor daphʉm khʉʉn mag edau jã eewe phʉʉr thuur sitheem khʉʉn. ² õor nempom awia maigmua durag, chi iewaan anaseonaan den, makhʉʉn pua khapʉ sim, maigmua khaidenta pua ũurje õorau iekha nʉm: "¿Khaita Anak iewaan khĩirphee naajú aainʉ ?". ³ Khaphʉ si, isin chadau, ĩs Ẽwandam pʉ aai jãta pʉ ná mam urdʉmamua khomam; Ẽwandamau pʉ dakhĩir thõomajú, maigmua Ẽwandamau pʉ dauna ich diu wou khõsim waujú; magnaawia pua i jʉrpʉijú maigmua jugkhaa thõopʉi majú, Ẽwandamau pʉrʉg jaautarrjo awia. ⁴ Oob pʉch thãar eepai jawam, magtarrkhur mʉ Ẽwandam pʉ aayau pãar dakhĩir dawag jʉrpʉijim:" Ma ich neminaam wajapha wauba atarr aawai Ẽwandamau mʉ aubeejim mag jẽb gaai thʉbaag ", khan jãgwia ich khaiba sim gaaimua mʉg durr eemua chi Ẽwandamau pʉ dakhĩir jʉrpʉyaagpam. ⁵ Iekhõr gaai muajã khaba magba mʉn pʉ thãar wajau sim gaaimuajã khaba magta mʉg jẽb thʉan mam, phobor khaiba sim gaaimua pʉ Ẽwandamau pʉ dakhĩir jʉrpʉyaagpam, maigmua ich iek jaautarr chadcha juraajim ich jooin garim khʉʉnag, Abrahanag, Isaakag maigmua Jakobag. ⁶ Khapʉ si mʉ Ẽwandam pʉ Aayau pʉrʉg mʉg jẽb wajapham deebajim pʉch iekhõr gaaimua, khanjãwie agá pãar phobor khach theeg sitheejeewai. ⁷ Khĩir eyaa abat maigmua khĩir okhoomiet jãga pãrãu ooji mʉ Ẽwandam pʉ Aayau weug ee matarr; Egipto jẽb aigmua obertarr aigmua ichmag barjierram amach barju aar, pãar kach theeg sitheem Ẽwandam dʉi. ⁸ Agjo Horeb aar pãrãu Ẽwandam manʉm aar khĩirjʉʉdʉ pijim, maigmua chi Ẽwandam meeukhapai sieejim pãar dʉi oojuta jaau sieejim anʉm. ⁹ Durrsĩ gaai mʉ waaidʉawai tabal mok den awaan, chi tabal i iek ʉkhatarr den chi Ẽwandamau pãar dʉi wautarr, mʉ durrsĩ gaai thʉbajim ãstawam khãai kuarenta maigmua edaram agjo kuarenta; mʉ opodja khoba doja dobajim anʉm. ¹⁰ Ẽwandamau mʉrʉg tabal numi mok den deejim ich jĩgkhẽu phãtarr; mag gaai thumwe chi iek phãkha thʉnaajim Ẽwandamau pãrag durrsĩ gaai jaautarr egdau uuthʉnʉm bigaau mag ed õor biirdʉ naajierram. ¹¹ Maigmua magwia khãai kuarenta naa maigmua agjo edaram kuarenta naa mag dichwia Ẽwandamau mʉrʉg deeji tabal numi mokdau den, chi tabal i iek ʉkhatarr den. ¹² Ẽwandamau mʉrʉg jaaujim: " phiidʉbá, maigmua jupai mʉigmua peta, khan jãgwia pʉ khapeen, makhʉʉnta Egiptomua , oberjim, khaiba aphobaadejierram. Amachjupcha mag khʉdau eemua oberjierram anʉm mua ampʉitarr ee. Amach neminaam jua wautarrjoota aadejim anʉm. ¹³ Magnaawia, chi Ẽwandamau mʉrʉg iekhajim maigmua magjim:"Mua mʉ khʉʉn õor oojim; ma khʉʉn õor kach theeg naajim. ¹⁴ Mʉch diappai siuba, magta mua am opʉijú maigmua am thʉ̃r chuppapʉiju mʉg edjã ee garim khʉʉn, maigmua pʉ ithee phobor pomnaa khĩirjũg khaunaa am den khãyãu ". ¹⁵ Magwia pʉrphenaa maigmua mʉ eeg durrsĩ gaaimua beejim, maigmua chi durrsĩ pachagnaa nathoo thʉnaajim. Chi tabal muni i iek ʉkhatarr den mʉ jua eeta sieejim. ¹⁶ Ooba, maigmua mʉita pãar Ẽwandam dʉi ãkhãrag waujierram Ẽwandam pʉ Aayau. Amach itheepai phak chaaidam wau aujierram anʉm. Pãar jupcha khʉdau eemua oberjierram Ẽwandamau pãrag deepʉitarr ¹⁷ Mua chi tabal numi pʉrawia maigmua mʉch juau mua barpʉijim. Pãar dauná mua ãrpʉijim. ¹⁸ Deeu Ẽwandam khĩirphee mʉ jĩephõkhajim ãsdawam khãai kuarenta maigmua edaramja agjo kuarenta; mʉ opod khobajim maigmua doja dobajim, pãar Ẽwandam dauná khaiba atarr gaaimua, mag waunʉmta Ẽwandam dauná ãkhãrag waunaajim, i meeukha pimkhĩir. ¹⁹ Khanjãgwia mʉ jãphierr chirají i meeukha sim gaaimua chi Ẽwandam oneekhaba siejim anʉm pãar dʉi pãar opʉijuta jaau sieejim anʉm. Mamʉ Ẽwandamau mʉ iek jũrjim maagwaija agjo mʉ iek ũrjim. ²⁰ Ẽwandam Aarón dʉi meeukha sieejim anʉm am opʉyaag ekha sieejim; mua Aarón jũrr Ẽwandamag maipai jeeujim. ²¹ Mʉ gaaita pʉ pekau dʉrbajim, chi phak chaai wautarr, maigmua phaapʉijim,maigmua bawia, maigmua daii wajapha bapʉijim, nagkhur polbojo awia thʉbajim. Mua chi polbo dokhierr chʉu durrsĩ gaaimua beesim ee barpʉijim. ²² Tabera aar, Masah aar maigmua Kibrot Hataaba aar, pãrãu Ẽwandamagmapim khĩir jaaujim. ²³ Ẽwandamau pãar deepʉiwai Kades Barneas mua maigmua magjim,: magwia pãach jẽb mua deetarr gaai nʉisisit", magbaadeewai pãar khãai khõrkhajierram magta Ẽwandam i mandamiento khõchkhabajierram, maigmua pãrãu i iek ʉkhaba agjo ũrbajierram. ²⁴ Pãrãu Ẽwandam iek ʉkhabajierram pãar mua warrpem khaugwaibe. ²⁵ Magta Ẽwandam khĩirphee mʉ jĩephõgkhajim magta ãsdawam khãai kuarenta maigmua edaram agjo kuarenta, magbamʉn ichdiu maach opʉijú anʉm. ²⁶ Mua Ẽwandamag jeeu chirʉʉ ajim maigmua magjim:" Aay Ẽwandam, oob pua pʉch õor ãkhãrag wauchiram jãkhʉʉn pʉ deneu, pua pʉch juapaau Egiptomua ober autarr. ²⁷ Pʉch khĩirjũg eemua thʉ̃r atá pʉch aai Abraham, Isaak maigmua Jãkob; makhʉʉn õor kach theeg sitheejim anʉm mamʉ magʉm igchiram, agjo amach khaibag, agjo am pekauja. ²⁸ Magam pua maar jẽb gayam chawag mapitarrta pua jaausim:" Ẽwandamau pod maar aubeeba sieejim jẽb gaai ichdiu amag jaautarr aawai, maigmua ichdiu khõchkhaba aajeejim anʉm, ichdiu dawag jẽu aujim weug ee thõopʉyaan maag ajim." ²⁹ Chagtha amach pʉ phoborou maigmua pʉ juakharrau, puata Egiptomua aubeejim pʉch juapaau maigmua pʉch juapata theegta oopisim anʉm.