¹ Mag ed gaai Ẽwandamau mʉrʉg jaaujim:" Tabal numi mokden nacharamjo awia wau athá ajim anʉm, maigmua mʉ aar durrsĩ gaai pidú ajim, maigmua baaudi paden wau athá ajim. ² Mua chi tabal gaai phãjũ chi iek nacha tabal gaai phãsierr ar pua ãrpʉitarr gayam, maigmua pua baaudeg aukherjú". ³ Magwieta mua baaudi pa akakia anʉm den waujim maigmua tabal numi mokden nacharamjo awia maigmua chi tabal numiim dʉi jua ee durrsĩ gaai majim. ⁴ Ichdiu chi tabal gaai nacharam iekta phãjim anʉm, chi dies mandamientos Ẽwandamau mʉrʉg iekhatarr durrsĩ gaai ar nathoothʉnarr jãdach mag ed biirdʉnaajierram; mag ed gaai Ẽwandamau mʉrʉgta deejim. ⁵ Deeu mʉ ewag durrsĩ gaaimua beejim, maigmua chi tabal aukherjim chi baaudegmua wautarr ee; mai thʉnʉm, Ẽwandamau mʉrʉg jaautarrjoo awia. ⁶ Chi õor Israelitapien majierram anʉm Beerot Bene Jaakán aigmua Mosera anʉmʉg. Mag aig Aarón meejim anʉm, maigmua mag aipai bepsiujierram anʉm Eleasar chi iewaa maata ijũrr phad khajim anʉm ich sierrai. ⁷ Mag aigmua amach Gudgodag wetjierram anʉm, mag Gudgodag aigmua majim Jotbatag, jẽb dokhierr chʉusim aar. ⁸ Mag ed Ẽwandamau jʉrtheer aujim Lebípieen chi baaudi Ẽwandam i iek ʉkhatarr den warrpimkhĩir, Ẽwandam na naapimkhĩir Ẽwandam dau aukhaugaag maigmua õor ich thʉ̃r gaai bendidieg ithee, isimjo awia. ⁹ Maguata Lebítanaan jẽb juakharrjo ich ẽudeem khʉʉn dʉi chukhunaajim anʉm; Ẽwandamta juakharrjo sieejim anʉm, chi Ẽwandam pʉ Aayaau pʉrʉg iekhatarrjo.) ¹⁰ "Mʉ durrsĩ gaaita chiraajeejim nachamjo awia, ãsdawam khãai kuarenta magmua edaram agjo kuarenta. Ẽwandamau mag ed mʉ iek ũrjim; Ẽwandamau opʉimapha sieejim anʉm. ¹¹ Ẽwandamau mʉrʉg jaaujim:" dʉnʉisisi, phobor na dʉnʉisisi puata am warragau; amach mawia maigmua jẽb wainaajú Ẽwandamau am jooinag jʉrauwia deejú atarr". ¹⁴ Mʉita chi Ẽwandam pʉ aai edjã ideneu maigmua edjã ʉgthaagarimja ideneu; mʉg jẽb gaai thʉnʉm khʉʉn thumwe. ¹⁵ ich Appai chi Ẽwandamau chi aai naanta khõsi aadejim maigmua chi khodnaan magtarr khur jʉr aujim, dewam khʉʉn phobor khãyãu, ĩs ichdiu wausimjo awia ¹⁶ Mag gaaimuata ,pʉch thãar eepai maigmua tag kach theeg am. ¹⁷ Khãnjãgwia agá chi Ẽwandam pʉ Aayau, ichta chadcha Ẽwandamau dewam khʉʉn Ẽwandam khãyãu, ichta maach Aai pomaamau, ichta juapa waisim maigmua ichdiu agjo ugkha piejem, õorjã dau aukhauba aajem anʉm nʉ neminaamuaja i perauba aajem. ¹⁸ Ẽwandamau dau aukhaaujem wauchdam maigmua khoopaa ʉʉi agjo, maigmua ichdiu jãsene aajem dewam durram khʉʉn opodja deejem khãjũaja deejem. ¹⁹ Mag gaaimuata dewam durram khʉʉn jãsene aajem; khan jãgwia agá pãar dewam durram khʉʉn ajim Egipto jẽb gaai beewai. ²⁰ Ẽwandam pʉ Aayau i ipierra abá maigmua irigta jewaagau ichta thed pʉrawaagau maigmua i thʉ̃rta igwenʉrragau. ²¹ Ichdiuta khaigperju aaisin maigmua ich pʉ Ẽwandamau, maguata neminaam pomaam wauwia akhãragja waaujem, magʉn waumam pʉch dau oosim. ²² Pʉ aainaan Egiptog bejierram setenta õor khapanag; ĩs Ẽwandam pʉ aayau pʉ waujim edjã eem phĩdagjo awai .