¹ Moises mawie mukhʉʉn iekta jaujim Israel pienag.

² Anig jaujim: mʉ iins siento beinte ayos auchirum; pog mʉ maba chitʉm maigmua mʉ bejã abam; ẽwandamua mʉrig jaujim: Pʉ pog Jordan dichbam. ³ Ich ẽwandam pʉ den, ichta paan nawe dichju anʉm ; ich deu mukhʉʉn phoborta paan na opuyagpam, maigmua paan athẽe siegau. Josue, ichta paan nawe dichju anʉm, ẽwandamua jautarjo awie. ⁴ chi ẽwandamua aan wawap pam ich deu Sehon maigmua Og dei wautaarjo awie, amorreos chi porpomam khʉʉn, maigmua aan jẽb, ich deu opʉitar khʉʉn. ⁵ ẽwandamua anag gampi ag pam aan khʉʉkhaju ed, maigmua aan dui waujuara mua jautarjo. ⁶ Jʉapa thethe abag maigmua ʉgkha miet, jãphierju chukhʉ amiet, khã ukhu amiet; maigmua aan pog ukhajã amiet; maigmua ich ẽwandam paan den, ichta paan dʉi siegau; Ich paan dʉi wajapha

siegau maigmua paan isegjã abam.

⁷ Moiseu Josue thʉnaujim maigmua irig jaujim Israel naan dakhin: Juapa thethe abag maigmua uʉgka miet, paan magau mʉg phobor dʉi ich ẽwandamua paan athẽ jẽb nawemkhuʉnag deju atarr; maig paan den ajuarau. ⁸ Ich ẽwandam, ichta paan dʉi nuragau, ich paan dʉi siegau; Ich paan dʉi wajapha siegau maigmua paan isegjã abam; ʉgkha amiet, ewagjã mamiet. ⁹ Moiseu mug ley phajim maigmua deejim Saserdote nanag, Levi chaainag, jã khʉnaʉta jirjejim chi baul iek ãba thubatar ẽwandam den; ich dʉi deejim thʉmam khʉʉn joinanag Israel eem khʉʉnag. ¹⁰ Moiseu mʉg jim miagmua jaujim: Siete ayos anʉm pierrta, jãguedta deeg paar phag jẽegau, nemkhõ pomam birdu jemdi ẽwandam den eed, ¹¹ thʉnwe thʉnawei Israel naan ich ẽwandam khĩirphe nagau magta paan athẽe jurawagau ich jeujem di, thʉmam khʉʉn Israel naan khĩirphe ley gai jausimjo awie ʉnpiegau. ¹² Phobor birdʉ awagau, chi emkhoin, chi ʉʉin, chi chaain, chi wanpham khʉʉn paan phobor bigau nʉmkhʉʉn dʉi, amach dʉi ʉnaan khĩin maigmua khaphʉ naan khĩin, maig amach dʉi ẽwandam ipierra nʉrramkhĩin anʉm maigmua thʉʉm chi ley iek paan ee aunagau. ¹³ Amʉg waʉbag paan chaain ithee, khauba nʉm awei, amach dʉi ʉnaan khĩir maigmua khaphʉ naan khĩĩr ich ẽwandam ipierra nʉrramkhĩin, mug jẽb paanag deeg pam gai waubag Jordan dichtar khʉʉr. ¹⁴ Ich ẽwnadamua jaujim Moiseek: Obaa, pʉ mejʉ dagpa mawei; Josue thʉn athãa maigmua pʉ idʉi magau birdʉ jem di aar, magai irigcha chi ley iek deeg. Moises Josue dʉi majieeram chi birdʉ jem deg. ¹⁵ Ich ẽwandam ẽthãa emua ompa chejim aan birdʉ jem deg; chi ẽthaa dʉnʉʉn chejim chi weujem di khĩer. ¹⁶ Ewandamua jaujim Moiseek: Obaa, nawemkhʉʉn metarr sieju meg, mug phobor amach khõchag waujuarau maigmua ewandam joom khʉnag jeunuragau amach mamaar. Amach deu mʉ isegjã jurau maigmua thʉadʉ aju chi iek ãba thʉbatarr aan dʉi. ¹⁷ Magtar khʉʉr, mag eedta, mʉ meukhacharr siega aan dʉi, maigmua paan isegjã apuyagpam. Mʉrʉa nigbarjã paan oobam, maigmua paan khẽchagau. Thʉʉn ãkhanagaan maigmua iek khõnjon thʉnagau, mag eed jaujuarau: Amʉg iek khõn thʉnʉm khʉʉn ich ẽwandam mach dʉi khaba sieweyau?. ¹⁸ Mʉrʉa mag eed nigbarjã aan oobam amach ãkhanag wautarr gaimʉ, amach dewam ẽwandam joom khʉnag jeunʉrʉm gaimʉ. ¹⁹ Amʉi siwe mʉg meukhãrr pach athẽe phaathãg maigmua Israel pienag jauba. Amach porreed wainankhĩin, amʉg meukhãrr mʉ dauna Israel pien igara khaba siemkhĩin. ²⁰ Mʉrua aan arjumeg chi jẽb jooin garam khʉnag deeju atharr aar, chi jẽb ee leche maigmua miel dejem den. Jãgwei khotarr khʉr, one sietar khʉr maigmua õgpatarr khʉr , magai ogduagau deman ẽwandam joom khʉʉn dʉi maigmua magʉd khanie põog jenuragau; amach dʉi mʉ igsejurau maigmua ich dʉi thʉeduju mʉ iek ãba thʉbatarr. ²¹ Jagwei ãkhanagaan maigmua iek khõjom thʉnawie amʉg phobor ee, amʉg meukharrau jawagau aan dauna; amʉ pog khĩir õkhoban paan iek eemde urumkhunathee; maig mʉ paan khĩirjʉg wawaubam khaphʉsim ĩins, mʉrʉa paan aubejunaba chi jẽb gai deeju atarr aar. ²² Magwie Moiseu phajim chi meunkharr mag eed pain maigmua ich dʉi jaujim chi Israel phobor pienag. ²³ Ewandamau deejim Josueek Nun iewag ich iek maigmua jaujim. Juapa thethe abag maigmua uʉgka amiet; maig pʉa chi phobor Israel aubegau chi jẽb mʉrʉa deeju atarr aar paanag, maigmua paan dʉi chitagau. ²⁴ Jãwei Moiseu phãa aibajim anʉm chi iek ley jẽsapgai, ²⁵ ich dʉi deetarr ẽwandam iek aupʉatarr Levitas naan khʉʉnag jakhʉnauta jirjim chi baul iek ãba thʉbatarr ẽwandam den; ich dʉi jaujim: ²⁶ Mʉg ẽsag atha chi ley den maigmua ausiba baul iek ãba thʉbatarr bigarr, magai aan dauna sieju anʉm. ²⁷ Mʉrʉa khaphʉ uum pʉ mʉ iek dʉi khabasim maigmua pʉ kach thejasim; ooba, mʉ monakhã urumai pʉ dʉi ĩins sieju, pʉ kach thejasim ẽwandam dʉi; mʉ metarr khʉʉr ja? ²⁸ Birdʉ athã thʉman khʉʉn jooinnag chi khodnaan eem khʉʉn, pʉ porpomam khʉʉn, magai mʉrʉa iekha ju chi iek aan khãcheyaa maig thʉnju ẽthã aar maigmua chi jẽb aar jawankhĩin aan dauna. ²⁹ Mʉa khaphʉ ʉʉm mʉ mejũ eed paan chadcha anjuarau idei maigmua weedjuarau mʉg khũug jaautarr ee mʉa; ãkhanagaan begau magueed paan aar. Amʉ dichju paan aar akhanaag waunuun gaimʉa ẽwandam daunã, magaijã meukhãgau amach jũa gaimʉa.'' ³⁰ Moiseu jaujim thʉman khʉʉn Israel pien kach eeyaa chi meukharr iek oonjim aar.