¹ Wajapha oona ũrbathʉ chi jaausim PAAN ẼWANDAM wawia magnaa paach ee thumwe athat MUA jaauchirʉm isim ed, PAAN ẼWANDAMUA jaau waisieju thumaam khʉʉn phobor pomaam durr aar. ² Mʉkhʉʉn thumwe wajaphagee maagau warag paan atnee urum maig warag oogpam, mag warag ũrmʉn PAAN ẼWANDAN iek jaautarr. ³ Wajaphagee maagau chi phobor eem khʉʉn, maig wajaphagee maagau amach phigkhaajem aar nʉm khʉʉn. ⁴ Wajaphagee maagau pʉ chaain pʉden khʉʉn, maig nemjĩir pʉch jẽp gayim khʉʉn, maig pʉ nemchaain pua waisim khʉʉn, warag khapanaagpan pʉ phag maig warag thaabʉagpam pʉ obeja chaain. ⁵ Wajaphagee maagau pʉ thʉbʉt ee nemjĩir dau jĩirjem thʉnaawai maig khojunem den päarthunaa pan wauwei. ⁶ Wajaphagee maagau paan phigkhaan dugbaadem aig maig wajaphagee maagau paan ereubaadem aar. ⁷ EWANDAMAU khaiperaagai paan dʉi meukhanʉm khʉʉn khukhaag pabadeewai makhʉʉn okhoogau paan dau naa; amach oberaagpam paan nawe dewam khʉd ee, mamʉ amach dʉraagpan paan nawe juap nʉmiim khʉd ee. ⁸ EWANDAMAU eerpagkhaagpam paanau neminaam wainʉm khʉʉn wajaphagee maagau, paan neminaam peernʉm maig paan jua eemua nemin wauthʉnʉm akhoa, wajaphageee maagau paan jẽp IRUA paanig deesiewai. ⁹ ẼWANDAMUA phoborjo jʉrtherkha ausin khĩkhietdʉ paan eepai, ichmag ICHDEU paanag ich iek chaar jaaujim, ma paanau ẼWANDAMUA iek jaautarr wianʉmʉn paach ee. ¹⁰ Thumwe mʉg jẽp gaai phobor thʉnʉm khʉʉnau oogau paan thʉrãagau ẼWANDAM thʉn gaai, mig amach paan oowai jãphierragau. ¹¹ ẼWANDAMUA deegpam thumwe pʉ chaain aisimua warag khapanaa aju, pʉ phak phewaisim warag khapanaapaju, pʉ jẽp gaai nemjĩirkha ausimua warag khojunem aadeju, ICHDEU ich iek chaar deejim maach jooingarim khʉʉnag jẽb deetarr gaai irua neminag khĩinpier deeju ajim. ¹² ẼWANDAMUA weeupʉiju edjã eem do phũ eem pʉ ausim paan nemjĩin thʉnʉm aig edbʉ wʉʉ aadem jaar noseg cheju, maigmua wajaphagee maagau paan phitkhathʉnʉm; ma paanau wainʉm dauwaukhaunaa deegau mʉg durr ee phobor thʉnʉm khʉʉnag, mamʉ paanau deetarr jũur ũmaai paanag deewai magʉm pʉraagkhabam. ¹³ ẼWANDAMU paan chi por pomaam khʉʉn khawaisieju mʉg durr ee jooba thʉnʉm khʉʉn dauna, maig amachdeu paan potbam aam eumdee ipierra naamkhĩinja, ma paanau ichmag ũrmʉn Ẽwandam Wawia MUA jaauchirʉm isim ed paanag ẼWANDAM den, magsiewai oomkhĩin maigmua wawamkhĩin, ¹⁴ maig isim ed MUA jaauchirʉm paanag dewam iek ee ʉkhapimaaugau, mag juachaar garin gar akho juawegarin gar, maigmua ẽwandam iekjoo jaauwenʉrrum khʉʉn garja ʉkhaag khabam. ¹⁵ Mamʉ paanau ũrbamʉn chi iek jaautarr ẼWANDAMUA thumaam khʉʉnag ʉkhamkhĩin chi WAWIA ee maigmua chi estatutdenja akho mua jaauchirʉm isim ed, magbaadewai mʉkhʉʉn thumwe paan gaai akhãragam beegau maig warag paan gaai burragpam. ¹⁶ Akharãgee maagau chi phobor pomaam aignʉm khʉʉn maig akharãgee maagau chi phigkhaajem aar. ¹⁷ Akharãgee maagau pʉ nemjĩir jĩirthʉnʉm, maig akharãgee maagau pʉ phidag wauthʉnʉm. ¹⁸ Akhãragee maagau pʉ iewanaan, pʉ neminag jĩirthʉnʉn, pʉ phak chaain khapanaa pamam khʉʉn, maig pʉ obeja chaain khapanaa pamam khʉʉn. ¹⁹ Akhãragee maagau pʉch jooba baadem aar phigkhabaadem, maig akhãragee maagau pʉ wap patam aar phigkhabaadem. ²⁰ ẼWADAMUA pʉ gaai neminag akhãragan khĩin pierr oopiegpam, jãphierju, maig okhĩirjuu aagpam pua nemin khĩin pierr waubaadem aig, mag ʉrap pʉibamaar, maig akho meebadem aig jupheepai burrju pʉ neminag akhãrag wautarr gaai mua mamʉ magju pʉ mʉ iek eemua obertarr gaai mua. ²¹ ẼWANDAMUA pʉ gaai oopiegpam neminag daiyiim khʉʉna nemjĩir ãarjem khʉʉr khĩinpier burrju magbaadewai ICHDEU pʉ ʉrappʉyaagpam daaugarim jẽp joobajem aar maajem arampa. ²² ẼWANDAMUA pʉ gaai deegpam mor machagam dʉrbaparaam mua, khʉumiejom mua, kha oorkhajem mua, maigmua akho do jʉwaaga pam maig edau pechag wuugpam, maig akho phʉ̃theegja buraagpam maig pakach nemja aagpam khĩinpierram gaai. Makhʉʉn pʉ gaai urum mag pʉ meebam aar. ²³ Pʉ por ʉ̃n thʉnʉm khʉʉn edjã ma siegau bronseu, maig pʉ eegar meger thʉnʉm khʉʉn ma siegau hierrou. ²⁴ ẼWANDAMUA pʉ jẽb gayam noseg ompapʉyaagpam phophoroo maig khʉrr mephorjoom; makhʉʉn khʉyaagpam edjã eemua pʉ ʉ̃n, ma siegau ʉrappʉibamaar. ²⁵ ẼWANDAMUA oobam juuri ee khukhanʉmai pʉ okhoogau puch dʉi meeukhanʉm khʉʉn dʉi; pʉ maju khʉdau ee aam nawe mamʉ pʉ jãphierr thʉnʉmua dʉraagau aam oo athaawai aam nawe khʉdau jua ãp numiim ee. Magbaarwai dahaphʉʉ burraagpam maig pʉ phigkhaagau pʉch oomapha thʉnaar khʉʉn atheeta akho aam ipierra aagau phobor dapagam thʉnʉm durr ee. ²⁶ Pʉ meebadewai pʉ mot khoogpam nemchaain edjã ee jorrajem khʉʉnau maig akho meger gaai khiinpier thʉnaajem khʉʉnau; ãbamuaja pʉ mor meetarden begbam magbamʉn pʉ mor meetaar igaum neminag akhãrãgam jʉrbam. ²⁷ ẼWANDAMUA pʉ gaai deegpam ãadaujom Ejipto gaai burtaar jomua maig thãar machagjom chʉgap dʉi, khachatdaujom dʉrba paraamua, maig mor gaai miwaphamjo thʉnʉmjo mua. ²⁸ ẼWANDAMUA pʉ gaai deegpam por phʉrʉi baadeejemua, dau khĩbaadeejemua, maig akho khĩin pariimjo aadeju. ²⁹ Akho chi õor daukhĩegau thʉnaagau edaramjoo ma maagau ed sĩetcha, maig dahaphʉʉ thʉnaagau paach wedbaademaar; magbaademai ichjãg aam ipierrata pigkhaagpam paach gaai masi wauwiakhaya, maig nemjĩgkhaagapam, maig magbaadem aig paan ni bʉ̃ʉrjã perduag chukhu naaju. ³⁰ Pʉ pʉch ʉʉi dʉi paju, mamʉ pʉ jua eem dewan omkhoonau khecheu auju maig i dahaphʉʉ waujuarau. Pʉ didam wau auju mamʉ pʉ agee joobabam; pʉ jĩirju uba do mamʉ chidau chebaadem aig pʉ bino dobam. ³¹ Pʉch daudakhĩin pʉ phak thõojuarrau, mamʉ pua chi mod khobam, pʉ jua eem pʉ burro jaabanʉm eem khecheu auju maig pʉrig ichmag deeba aaram. Pʉ obeja pʉ dʉi meeukha nʉmkhʉʉnagta deejuarrau, maig pʉ abamua bʉ̃ʉrja dauwaukhawaagja chukhu siegau. ³² Pʉ iewaan maig pʉ kharannaan dewamkhʉʉn õonagta deejuarrau; pua jʉraagpaju pʉch chaain ãspathʉnʉm pier, mamʉ pua jʉrsii anawiaja oobam. Mag gaaimua juapaja chukhu sieju akho khathũgja waisieju. ³³ Pʉch jẽb ee nemjĩirtaar waisim gaai chegkha baadewai khoojem khoojem kuʉʉn maig akho pʉ phigkhanaa khojunem paarpa waisim makhʉʉn neminag dewamkhʉʉn durr pomaam khʉʉn ee joobanʉm khʉʉnauta khoog pajuarrau mamʉ makhʉʉn õon pua khaubanʉm khʉʉnau; pʉ ichjãg aam ipieraa nʉrraagau maig akho pʉ dahaphʉʉ amachdeu wawaagau, ³⁴ magbaadewai pʉchgaai khaĩba wauthʉnʉm thʉnʉm oonawia pʉ khĩin pariimjo aadegau. ³⁵ Ẽwandamua pʉ kania gaai khaiba wawaagpam maig bʉ gaai phĩie apha machag siegau magʉm pot abamuaja monaau aubam, ma siegau pʉ bʉjãthãar aimua thẽerdu imaju pʉ por aar. ³⁶ ẼWANDAMUA ich dʉi pʉ aarju, maig chi reiyau pʉ jʉrtheer aujim, phobor daphʉm khʉʉn thʉnʉm ma pua khaubasim, mamʉ pʉaja akho pʉch jooin garim khʉʉna; magai jewaag parram dosãtgar paden wautaarrag maig akho mokdauden wautaarrag. ³⁷ Pʉ siegau khĩethuu abaadewai khanemokag pʉraagpam akho jãphipiersu, magbaadewai khĩirjug ee bebegdʉmjo paroop iyʉʉ aadeju, maig jaau thʉnʉmdenau, Ẽwandamua pʉ ooju warphaa õon thumaam khʉʉn eemua. ³⁸ Pʉch jẽb ee pua dʉʉcha nemjĩirju, mamʉ chi nemjĩir gaai thumwe chebam maagwai khoju paarpabam, maan chi asphitjom khoobadewai. ³⁹ Pua nemjĩirbʉ jĩrãag bino athee phewaisieju maig purua jĩirju, mamʉ pua bino cho dobam akho chi ubajõ por chebam o phierbam, maan chi odomiejom muata khobaadewaiyau. ⁴⁰ Pua waisieju pabʉ olibo den pʉch jẽb thumwe waisim gaai phewaisieju, mamʉ chi nemkhau khaphuurjem pʉ mor gaai phuurbam, maan chi olibobʉ gayim chi nemjõ dau khʉidʉgkhaju waauju nawe. ⁴¹ Pua waisiegau iewaan akho kharannaan, mamʉ pʉ aigkhaba naajʉ, magbadewai wetaagau dahaphuu aan mag aam ipierra naagau chawagaaja wetba. ⁴² Thumaam khʉʉn pabʉ pua waisim maig akho chi nemjĩirdo pua pʉch jẽb ee waisim

gaai cheejem khʉʉn, makhʉʉn asphitata khoogau.

⁴³ Chi dojãargam woun paan ee sim chithierr khaana iekpatheeg sieju, phatkhõnja waisieju paan dauna maig paan khãyãu unchapai sieju akho paan gaai akhãrag wauju; magbaadewai pʉ papai ichoogjem khaagau maig waraag pʉ dahaphʉʉ i ipierra sieju. ⁴⁴ Warag ichdeu pʉrig phatkhon phidag dʉi deeju maig pua irig phatkhon phidag dʉi deeju khĩirjugbam; warag ichta paan aai pomaam khaagau akho juapa theega sieju, maig pʉ i igaauchata sieju i ipierra. ⁴⁵ Mʉkhʉʉn thumwe akhãrãgam beepam pʉ gaaita urum magbaadewai pʉʉta dauphoogpam maig pʉ gaai chi akhãrãgam beebadem aig pʉ peerdʉbam. Pua Ẽwandam iek ũrbataarrawai magʉm akhãrãgam urum pʉ gaaita beegpam. Chi ẼWANDAM WAWIA dich ee wainʉʉrra pitaar maig chi Estatut ẼWANDAMUA pʉrʉg deepʉi jim. ⁴⁶ Mʉkhʉʉn akhãrãgam pʉ gaai beegpam ma Ẽwandam Ijaawau maig akho niminag oobajem burrag paawaiyau, maig pʉ khotnaan ewagam khʉʉn atheepa siegau. ⁴⁷ Mamʉ pʉ ẼWANDAM jeeuba ajejim akho i iek dʉi oneeja sieba ajejim maig akho pua thãrãucha khõchag khaba waisiejim wajaphagee jooba siejewai, ⁴⁸ magbaarwai pʉchdʉi meukhanaar khʉʉn dʉi pʉ phigkhaagpam aam ipierra aag athee magʉm ẼWANDAMUA deepʉiyaag pam pʉ dauna; ma phigkhaju jãdau theeg thʉnʉm ee, obichgau thʉnʉm ee, khajũa jomja cchukhu maig ichjãg dahaphʉʉ siegau. Ichdeeu waisiegau pʉ odi akho jua dʉi opa gaai joothʉjem jierrjom den magum dʉi pʉ siegau meebadem aar. ⁴⁹ ẼWANDAMUA aubeegau warphagamua dewam durr eem phobor dapagam khʉʉn pʉ dʉi meukhaajem khʉʉn, makhʉʉn wedurum khʉʉn durr warpham khaubaajen khʉʉn eemau, maan agilajoota ãdeg maagau ichdeu thõoju aar i ma bʉ̃ʉrja pʉraubam, magʉm durr eem phobor dapagam khʉʉn meu iekhanʉm pua bʉ̃ʉrja khaubasim; ⁵⁰ makhʉʉn durr eem phobor dapagam khʉʉn eemkhʉʉn khaibagam khʉʉnau bʉ̃ʉrja jooinaan dawaukhauba aajem maig akho ẽwannaan atheeja wajaphag chukhusim. ⁵¹ Amachdeu chi mot khoogau pʉ phak bãaunʉm eem maig pʉch jẽb ee nemjĩir waisim gayam akho thumaam khʉʉn nemjĩir opʉyaagau. Amachdeu pʉrig dahãpha phepʉabam trigo duajom, bino eeu wietaar, akho nemkhau, pʉ phak chaain bãutaar eem dahabamja aupʉabam, pʉ obeja chaainja akho, magbaadewai pʉ neminag waisier thumwe opʉibamai akho pʉ neminag jua garim waisier warree chukhu sieju. ⁵² Amachdeu pʉ phʉʉr aunaagau pʉ phobor pomaam khʉt thumwe oberjem pierr thʉnaagau, magbaarwai barimaagau pʉ sier aar maig akho ʉgthaa thuur sideem jierjom den khʉidʉgkhaagau pʉ durr aigñ thʉnʉm thumwe, wajaphagee jooba sin khĩirjugjeejim thuur sideem jierjom den sierrawai. Amachdeu pʉ phʉrthuur aunaagau phobor pomaam khʉt obeerjem thumwe pʉ durr ee thʉnʉm khʉʉn ma ẼWANDAMAU pʉrig detaarrau. ⁵³ Magbaarwai khukhanʉʉ awia jãdawau khog pajuarrau pʉch dʉi jooba thʉnʉm khʉʉn mot, pʉ iewaan mot maig akho pʉ kharannaan mot, makhʉʉnan ẼWANDAMUA pʉrig detaar khʉʉnau, mag amachdeu pʉ phʉrthuurwai nʉm aig bʉ̃ʉrja pʉ aar neminag khoojem aubeebam maig akho pʉ dahaphʉʉ thʉnʉm aig pʉch dʉi khĩinmachag nʉn khʉʉnau warag pʉ dʉi meukhaagau magbaadewai warag pʉ dahaphʉʉ jua machag jʉm nʉrragau. ⁵⁴ Chi woun õor wajapham ajim maig bʉ̃ʉrja paroop aba ajejim paan ee, ich mag sierrau oo mapha sieju ich ẽudeem o ich naam maig ich ʉʉi khõchag sierja akho, maig iewaan paroom aupʉa taar khʉʉn dʉija akho. ⁵⁵ Mag siewai aam eem dahabam khʉʉnaga ich iewaan mot deebam mamʉ maan ich deupai khoogawai, mag siewai i athee neminag bʉ̃ʉrjã chukhu siegau mag aigin i phʉrthuur authʉnʉm aigau maig khĩin machgau khakhaisamjo thʉnaarram pʉ dʉi meukha nʉm khʉʉnau warag pʉ dahapʉʉ wawaag paarram akho pʉ khapeen pʉ dʉi naajeer khaiba wawag parran dipierr phoborjã ee. ⁵⁶ Mag chi ʉʉi dam mõr dam nanaukhaja ʉm maig akho barju akhʉrg siejem ma paan ee sim, mag ichta iekpa theegnaa akho wajaphaga waisiejem ma paraam ʉʉiyau maig di wajapham bʉ̃ʉmjo sim eeta jooba siejem mag sierrawaita i mõr dam nanaukha sierrʉm akho barju akhʉrja sierrawai paroop bam jẽb ee nʉʉrraba aajejim, mag sierrta khaibag sieju ich jaai khochag sierr dʉi, ich iewaa dʉi maig ich khadam dʉi, ⁵⁷ maig ich chaai barãam ich bʉdam ee eeujeer dʉi akho, maig akho ich chaai buch eem waisim dʉi machag jʉmnʉʉrrʉm dʉija akho. Makhʉ̃ʉn mot ichdeu meer khoju meminag khoojem obaaden aig, mag thʉnʉm aigin pot chawag oberju khauba thʉnaa waiyau maig akho jãdawau khakhaisa thʉnʉm gaai mua , mag pʉ dʉi meukha nʉm khʉʉnau warag pʉ dahapʉʉ wawaag paarram akho pʉ khapeen pʉ dʉi naajeer khaiba wawag parran dipierr phoborjã ee. ⁵⁸ Mamʉ paanau chi iek thumwe paach ee aubamʉn chi leigayim maig akho chi ẽsap pomaam gaai phãthʉnʉm den, mag siewai i ipierraana magnaa onee ʉgthaag jewaag naaju maig akho i thʉn gaai pai naaju; PAAN ẼWANDAMAG , ⁵⁹ mag gaai mua ẼWANDAM jua burraag pam nemchaain oobaajem mua wajap jãphierr khajuarrau, maig akho burraag pam paan ewag urum khʉʉn gaai paju; magʉm siegau nemchaain oobaajem nempomaa urum makhʉʉn thʉnaju nasiita aadeju, mig mõr machagja teeg urum, ma nasii aadeju. ⁶⁰ Ichdeu umaai deepʉiyaag pam paan gaai thumaam mõr machag Ejipto gaai burrtaar, mag oowia jãphier jeer, magaua paan gaai baraag paju. ⁶¹ Magbaadewai, thumaam mõr machag beeju maig nemchaainjom oobaajem khʉʉn ooju den chi ẽsap pomaam gaai makhʉʉn leiden ooba sim, ẼWANDAMUA magʉm thʉnaju warag i jua buurju, ma thʉnaagau waarre ʉrap pʉi bamai. ⁶² Paan magbaadem aig khapan khaba thʉbaagau, magwai agnawe khapanaa najierram edjã eem phidagjo, pari magjim paach ẼWANDAM iek ʉ̃rba taar awai. ⁶³ Mag baarwai ẼWANDAM oneeu abadeju paan gaai wajaha wau apʉiwai, maig warag beekhag paag pam, magai onee sieju paan gaai, mag waraag jua chachaag pam meebadem aar maig thumwe ʉrap pʉibam aar. Mag naar khʉʉn ogdʉgkhaju chi jẽb gaai jooba thʉnaar khʉʉn. ⁶⁴ EWANDAMUA chi durr ee phobor thʉnʉm khʉʉn paroop apiegpam akho mag durr warphaam khʉʉnpa maigmua akho othõom durr garim khʉʉn warpham khʉʉnpa; magai ahaai hi jewaagpam ẽwandam den khabamag mag bʉ̃ʉrja paanau khauba nʉmag, mag paan jooin garim khʉʉnauja khaubajeer, Ẽwandamjo sideem pa wawam den maig mokdau den. ^{65 66} Mʉkhʉʉn eem durr pomaan khʉʉn bʉ̃ʉrja oobam jua ʉ̃iyãag, maigmua magai bʉ̃ʉrjã