¹ Pãrãu thumwe wainaajú aai sim chi mandamientos armua pãrãg dee chirʉm ĩs pãar wajapha joobam khĩir maigmua pãar phobor ee khapan am khiir, maigmua pãach jẽb ee dugwia chi Ẽwandamau maach jooinag juraanaawia deejim anʉm. ² Pãrãu khĩir eyaa ajú aainʉm thumwe chi khʉdau ee Ẽwandamau pãar weug durr ee 40 ayõ narr, magta ich wajapha thʉbam khĩir ajim, magta chachjú aai siejim i thãar ee khãnta khĩirjũg sieeji, chadcha pãrãu chi mandamientos wajapha wainaajú o akhãraata wainaajú. ³ Ichta athuucha aadejim, mag jãdauja mas waupijim anʉm, maigmua chi manaauta khee wai sieejim anʉm, magta pãrãu khaugba maigmua pãar dennaanauja khaugba nʉm. Ichdiu khapapim khĩir mʉgta waujim anʉm opod itheepai õor naajú khaba sim ajim anʉm; magwaita, Ẽwandam i eemuata thumwe jaau sim õor wajapha wenʉrram khĩir. ⁴ I khãjũa jooiraaja pabajim ni jẽeubajim, maigmua i bʉja urrbajim mag 40 ayõ nʉrrar ee. ⁵ Pãrãu pãach thãar eepai mag den khĩirjũg juarrau, magta chi aayau ich chaai phuyer apimaaugau bãau warrumjo awia, magta Ẽwandamau pãrãg phuyer nem apimaagau jaau sim anʉm. ⁶ Ẽwandamau pãrãg chi mandamiento iek jaaupʉitarr mag dʉita pãar chawag maawai wenʉrraagau maigmua irua jaautarr jawaagau. ⁷ Magan chi Ẽwandamau jẽb wajapham gaai maach aubeejim, jẽb dosĩg paraanaa doja wai siejim, mag do jẽb eemuata ober sitheem,mag dota masim khʉtag ee maigmua durr bʉ ee. ⁸ Mag jẽb wai sim trigo maigmua sebadaja wai sim, bino den, higuera den, maigmua granada anʉm den; agjo mag jẽb gaai thʉnʉm olibo anʉm maigmua miel. ⁹ Mag jẽb gaaita pãar nemjĩirwia opod jerrba khobenʉrrajú maigmua pãar jua pariichan mag aigmua mabam; mag jẽb gaai mokdau jierr wautarrjoota thʉnʉm, maigmua durr sĩ barãam gaai pãrãu kobre khorjú aai nʉm. ¹⁰ Pãar opod khowia maigmua biwaaurjuarrau, maigmua pãrãu Ẽwandamag ʉu ajim ajú aainʉm jẽb wajapham deetarr aawai. ¹¹ Wajapha oobat khĩir okhoomiet Ẽwandamta pãar aayau, maigmua parãu wajapha i mandamiento wainaagau, irua jaautarr khʉʉn, maigmua chi estatuto pãrãg ĩs mua jaau chirʉm. ¹² Magbamʉn, opod khonʉm aig maigmua biwaaurnʉm aig, maigmua di wajapha eunʉm aig maigmua ag ee joobanʉm aig, maigmua pãar thãrãu khõsi aadenʉm aig. ¹³ Khĩir khaubat mag nʉm ee pãar obeja khapan aadem aigja maigmua pʉ phathkon maigmua pʉ phĩr phorbaadem aig maigmua thunwe pua wai sim phorkha phobaadeewai. ¹⁴ magwia pʉ thãar onee aadejú maigmua pua Ẽwandam khĩir okhoopʉijú, maguata Egipto durr eemua pʉ chawag warrjim, dau aphʉʉ pãar waaujerr degam aigmua. ¹⁵ Oob pãrau i khĩir okhoomiet jãguata pãar jaauwarrjim weu thʉnʉm aar, nemkhõr thʉnʉm ee maigmua dojũr thʉnʉm ee maigmua doja chukhu arr aawai, ichdiuta durrbʉ eem do ompa aujim. ¹⁶ Ich diuta weu thʉnʉm aar manaau pʉ kheewai sieejim anʉm machan pʉ jooinauja khauba aajeejim anʉm, chadcha ichdiu pãar khapaag ithee juapa chachjim, ma pãach itheepayiu maigta pãrau khaugmaa ajú. ¹⁷ Mamʉ pua pʉch thãar ee muapai jawaag khabam, " Mʉ khʉʉn neminam thumwe mʉch khĩirjũgauta wauwia maigmua mʉch juapaau waujim ". ¹⁸ Mamʉ pua khĩir eyaa aju aaisim Ẽwandamauta pʉrʉg ich juapa dee siewai neminaam thumaam ithee, magta pãar dʉi i iekha ʉkha waujim anʉm jooin garim khʉʉn dʉi, jãg isimjo awia. ¹⁹ Mʉgtaju pãrau Ẽwandam khĩir okhoomʉn pãar Aai maigmua dewam Ẽwandam iekta ʉkhamʉn maigmua magʉgta jeeu mʉn, pãrag mua jaaukhim mʉʉgwaiwe mua pãar warre opʉijú. ²⁰ Magtajim Ẽwandamau opʉijú ajim i dauná akhãrag ʉkha nʉm khʉʉn i iek pãrau ʉkhaba atarr aawai Ẽwandam pʉ aayau.