1 Lino ndolu lwaano lwalunyungu lwa Aloni a Mozesi elyo Jehova naakambula a Mozesi aachilundu cha Sinayi. 2 Mazina abana ba Aloni ngaya; Nadabu mutanzi, a Abihu, Eliyaza, A Itamala. 3 Aya ngimazina abana balombe ba Aloni, bapayizi bakananikwa alubo bakalongezegwa kuti babeleke mbuli bapayizi. 4 Pesi Nadabu a Abihu bakafwa kunembo lya Jehova nibakapeda mulilo utatambuliki munkanda yaSinayi. Nadabu aAbihu tebakali abana pe, mpawo Eliyaza a Itamala bakabeleka mbuli bapayizi awisi Aloni. 5 Jehova wakambuula kuli Mozesi wakati, 6 ''Yeta musyobo waLezi akubeeta kuli Aloni mupayizi kuti bumugwasizye. 7 Bayelede kuchita milimu mubusena bwa Aloni antomwe aluundu loonse kunembo atente lyakuswananina. Belede kugwasizya mudumba. 8 Belede kujata kabotu zyoonse zibeleyo mutende lyakuswananina, alimwi bayelede kugwasya musyobo wa Isilayeli kuchita mulimu wamudumba. 9 10 Welede kupa ba Levi kuli Aloni abana bakwe balombe. Bapedwe chakumaninina kuti bamugwasye kubelekela bantu ba Isilayeli. Welede kusala Aloni abana bakwe mbuli bapayizi, pesi kufumbwa muzwakule utaze aafwifwi welede kujeegwa. 11 Jevova wakambula kuli Aloni wakati, 12 ''Langa ndabweza ba Levi kuzwa akati kabantu baba Izilayeli. Ndachita echi muchindi chakutola mwana mutaanzi mulombe akati kabantu ba Izilayeli. Ba Levi mbibangu . 13 Boonse bana bataanzi mbibangu. Mubuzuba mbundakawuma boonse bana bataanzi munyika ya Ijipiti, Ndakabika aambali mebo boonse bana bataanzi mu Isilayeli, kubikilizya babantu ababanyama. Boonse mbibangu. Ndime Jehova.'' 14 Jehova wakambula kuli Mozesi munkanda yaSinayi wakati, 15 ''Bala lunyungu lwabaLevi muli imwi ayimwi mpuli, munzubo zyabo. Bala woonse wachalumi ulaamwezi umwiwakuzyalwa akwwinda.'' 16 Mozesi wakababala, katobelezya ijwi lya Jehova, mbuli mbwakalayilidwe kuchita. 17 Mazina abana ba Levi mba Geshonio, Kohati, a Melali. 18 Nzubo zyakazwa kubana ba Kohati balombe ngu Libbini aSyimeyi. 19 Nzubo zyakazwa kubana ba Geshoni babombe ngu Amulamu, a Izala, a Hbbuloni, a uziyeli. 20 Nzubo zyakazwa kubana baMelali balombe bakali Mali, a Musi. Eezi ninzubo zya Levi, mbuzitobelana nzubo anzubo. 21 Nzubo zya Libbinayitesi azya Syimeyitesi zizwa ku Gelisyoni. Eezi ninzubo zya Gelisyonayitisi. 22 Boonse baalumi balaamweezi umwi akukwinda bakabalwa, mweele usika kuzyuulu musanu azibili, amyaanda ili musanu. 23 Banzubo zya Gelisyonayitisi beede kukkala kubazu kubibbila kwadumba. 24 Eliyasafu mwana mulombe Layeli welede kuzulwida luzubo lwalunyungu lwa Gelisyonayitisi. 25 Impuli ya Gelishoni yeende kulingulula busena bwakuswananina kubikilizyaamwi adumba . Beede kulingulula kubusena, chakuvumbwa kwacho, antomwe achisitilizyo chamulyango chabusena bwakuswananina. 26 Beede kulingulula masani alengelela aalubuwa, masani abelesegelwe mbulikumulyango lyatente lyakubunganina - luzyunguluka chikombelo achipayililoamubusena busalala. Belede kulangalanga yukole twambunganinoamilimu yoonse ili mukati. 27 Ezi ninzubo zizwa kuli Konati: Luzubo lwa Amulamu , luzubo lwa Izihalatisi, luzubo lwa Hebbulanayitisi, antomwe aluzubo lwa Uziyeli. Zyonseni nzubo ezi zizwa ku Kohatayitisi. 28 Zyuulu zilimusamnu azitatu, amyaanda ilimusanu awumwi yabaalumi bakabalwa kabajisi mwezi omwe akwiinda kuti babambe zintu zyaJehova. 29 Luzubo lwa Kohati belede kukkala kubusena bwakumusanza bwaku dumba. 30 Elizofani mwana mulombe wa Uziyeli weelede kuzulwida nzubo zyakwa Kohatitisi. 31 Belede kubamba bbokesi, tafula, chikazikilo cha lampi, chipayililo, zintu zisalala eezyo zibelesegwa mumilimu yabo, achivumbilizyo, antomwe amulimu uzingulukide mpawo. 32 Eliyaza mwana wa Aloni welede kuzulwida baalumi aabo bazulwida ba Levi. Weelede kulangalanga baalumi babamba busena busalala. 33 Nzubo zyobile zyakazwa kuMelali: luzubo lwaMalilatisi aluzubo klwaMusyatesi. Ezi nzubo zyakazwa kuMelali. 34 Zyuulu musanu achimwi amyaanda ibili yabaluumi yakabalwa kabalaamweezi umwi wakuzyalwa akwindilila. 35 Zuliyeli mwana waAbbineli welede kusolweda nzubo nzubo yaMelali. Belede kukala abusena bwakulubazu lwakubwinga nyika lwa dumba 36 IlunyungulwaMelai lwelede kubamba minkulu yedumba, zikazikilo, zinunkizizyo azibelesyo azimwi zyendelana ambabo, kubikilizya 37 aanjimayima azyanzikilo zizyunguka dumba, zilampako, amaninsyo, amakole. 38 Mozesi aAloni abana babo belede kukala kubuzwezuba bwadumba, kunembo bwatente lyakuswananina, kazi kubuzwezuba. Mbibayiminini mukuyozuzikizya milimu yamubusena busalala amilimu yakubantu baIsiyayeli. Kufumbwa muzwakule uyosika mubusena busalala welede kujayigw. 39 Mozesi aAloni bakabala boonse baalumi banzubo zya Levi bakali amweezi umwi akwindilila, mbuli Jehova mbakaamba. Bakabala zyuulu amakumi abili azibili baluumi. 40 Jehova wakati kuli Mozesi, ''Bala boonse bana bataanzi balombe baantu ba Isilayeli abo bali amweezi umwi wakuzyalwa akwiinda. Lemba mazina aabo. 41 Weelede kundetela ba levi - kunze kwa boonse bana bataanzi bana baIsilayeli azivubwa zyaba Levi kusiya bana bataanzi bazivubwa zyalunyungu lwa Izilayeli.'' 42 Mozesi wakabala boonse bana bataanzi ba Isilayeli mbuli Jehova mbwakamulayilila kuchita. Wakabal a bana boonse ba bataanzi baalumi amazina, bala mweezi uumwi akwiinda. 43 Wakabala zyulu zili makumi abili alamyaanda iibili amakumi musanu aabili abalumi batatu. 44 Alubo, Jehova wakambula kuli Mozesi. Wakati, 45 ''Bweza baLevi kwinda boonse bana bataanzi baIsilayili, ubwezele baLevayiti.'' Zivubwa kusiya zivubwa zyabantu. Balevi mbibangu- ndime Jehova. 46 Weleede kubutania masekeli alimusanu alufutuko wa umwi awumwi basika kumyaandaa myaanda iibili amkumi musanu aayitatu yabama bataanzi ba Izilayili bayiinda kumyeelwe yaba Levi. 47 Welede kubelesya sekeli lyakubusena busalala mbuli mububotu bwakulema kwalyo. Syekeli lyendelana amakumi aabili ama gela. 48 Weleede kupa muulo walufutuko mbuli mbwakaliya kuli Aloni abana bakwe balombe." 49 Mpawo Mozesi wakabungania muliyo wachiyunuzyo kuli baabo bakayindilila mweelwe wababo bakavunwa aba Levi. 50 Mozesi wakabunganizya mali kuzwa kubana batanzi babantu ba Izilayili. Wakabungania chuulu chimwi amyaanda itatu ilamakumi musanu ayimwi amusanu masyekeli, bulemu bwasekeli bwamubusena busalala. Mozesi wakapa mali yalununuko mbuli Aloni akubana bakwe. 51 Mozesi wakachita zyoonse nzyakambilidwe kuchita kwiinda kujwi lya Jehova, mbuli Jehova mbakamulayilila