¹ Jehova wakaambula lubo kuli Mozesi a Aloni, wakati, '' ² umwi awumwi waba Isilayeli weelede kukkala mbuuli mbwayanda, andembela lya ngonda zyamawisi. Bayookala kabazyungulukide itente lyakubunganina kuma bazu woonse. ³ Aboobo bayookkala kubuzwe zuba a tente lyakubungaanina, oko zuba nkuli zwida, mbankamu ya Juda alimwi bayookala mbuuli mbubayada. Masyoni mwana wa Aminadabu nguwe muzuluzi wabantu ba Juda. ⁴ Mweelwe wabantu ba Juda zyuulu zili makumi amusabu awumwi. ⁵ Musyobo wa Isakka weelede kubambana amusyobo wa Juda. Nataliyeni mwana wa zuwala welede kuzulwida basilumba ba Isakka. ⁶ Mweelwe wankamu yabantu bakwe bakali zyuulu makkumi musanu azine ali amyanda yone. yabaalumi. ⁷ Musyobo wa Zebbuloni welede kubambana a Isakka. Eliyabbu mwana mulombe wa Heloni welede kuzulwida basilumamba ba Zebbuloni. ⁸ Mweelwe wankamu yabantu bakwe bakabalwa bakali zyuulu makkumi musanu amusanu azibili amiyanda ine. ⁹ Woonse mwelwe wabantu bakali mumusasa wa Juda bakali zyuulu zili mwaanda amakkumiaali musanu atatu azyuulu zili musanu achimwi amyanda iine, mbabo bayokkala kumatalikilo. ¹⁰ Kubbazu lyakumusanza kunoli musasa wa Lubbeni mbuli mbubayanda. Muzuluzi wamusasa wa Lubbeni ngu Eliyazula mwana wa Syedewuli. ¹¹ Mweelwe wankamu yabo nzyuulu makkumi aane alamusanu aachimwi amyanda ilimusanu. ¹² Simiyoni weelede kubambana a Lubbeni. Muzuluzi wabantu ba Simiyoni ngu Syelumuyeli mwana mulombe wa Zulisadayi. ¹³ Mweelwe wabantu munkamu yakwe bakali zyuulu makkumi musanu zili aamusanu azine zilaamyanda itatu. ¹⁴ Musyobo wa Gadi ngutobela. Muzuluzi wabantu ba Gadi ngu Eliyasafi mwana mulombe wa Dilawuli. ¹⁵ Mweelwe wankamu yabantu bakwe bakabalwa nzyuulu makkumi aane ala musanu amyaanda ilamusanu amakkumi musanu. ¹⁶ Mweelw wabantu boonse bakatumidwe kumusaasa wa Lubbenni kwiinda kunkamu zyabo, wakalizyuulu zili mwaanda amakkumi musanu awumwi amyaanda ine amakkumi musanu awumwi achimwi amyaanda ine amakkumi musanu.Mbibayotobela lwabili. ¹⁷ Chitobela, itente lyakuswaanana lyeelede kuzwa anze abaLeviakati kamusasa. Bayelede kuzwa mumusasa mbuli mbubanjila mumusasa. Woonse welede mubusena bwakwe afwifwi andembela yakwe. ¹⁸ Kubbazu lyakumbo kunolizimpanzi zyamusasa wa Efulemu munsi aamakkalilo abo. Muzuluzi wabantu ba Efulemu ngu Elisyama mwana mulombe wa Amihudi. ¹⁹ Mweele wankamu yakwe nzyuulu makkumi aane amyanda musanu. ²⁰ Kunembo lyabo ubambene a musyobo wa Manase. Muzuluzi wa Manase ngu Gamaliyeli. Mwana mulombe wa Pedazuli. ²¹ Mweelwe wankamu yakwe nzyuulu makkumi atatu azibili amyaanda ibili. ²² Batobela mbaabo mukkowa wa Bbenjamini. Muzuluzi wa Bbenjamini ngu Abbidani mwanamulombe wa Gidiyoni. ²³ Mweelwe wazimpanzi zyabo nzyuulu makkumi atatu amusanu amyaanda iine. ²⁴ Boonse abo bakabalidwe mumusasa wa Efulemu nzyuulu zili mwaanda ilamusanu azitatu aamwaanda uumwi. Mbibatakabe batatu. ²⁵ Kubbazu lyakunyika kunoli zimpanzi zyamusasa wa Dani. Muzuluzi wa Dani, ngu Ahiyeza mwana mulombe wa Amisyaddayi. ²⁶ Mweelwe wazimpanzi zyabo nzyuulu zili makkumi musanu azibili amyanda musanu ayibili. ²⁷ Bantu bamusyobo wa Asya bakakkala babambana a Dani. Muzuluzi wa Asya ngu pegiyeli mwana mulombe wa okkulani. ²⁸ Mweelwe wankamu yabo nyuulu makkumi ane alimwi amyaanda musanu. ²⁹ Musyobo wa Nafitali ngu tobela. Muzuluzi wa Nafitali ngu Ahila mwana wa Enani. ³⁰ Mwelwe wankamu yabo nzyuulu makumi musanu azitatu amyaanda ine. ³¹ Boonse abo bakabalwa mumusasa wa Dani nzyuulu zili mwanda amakkumimusanu amasanu azibili amyaanda musanu awumwi. Bayoochalila kwenda kuzwa kumusasa, lyamandembel yabo. ³² Aba mbaa Isilayeli, bakabalwa mbuuli mbumpuli zyabo. Boonse bakabalwa mumusasa yabo kwiinda munkamu zyabo zyuulu zili myaanda ilimusanu awumwi azyuulu azyuulu zitatu amyaanda musanu amakkumi musanu. ³³ Pesi ba Levi tebakabalwape aantomwe abantu ba Isilayeli, mbuuli Jehova mbakalayilila Mozesi. ³⁴ Bantu ba Isilayeli bakachita eezyo zyoonse Jehova nzyakalayilila Mozesi. Bakakkala kumbali andembela zyabo. Bakazwa mumusasa amikowa yabo; mbuuli mumabambe abana wisi.