¹ Bbezaleli wakachita chipayililo chazipayilo zitentwa zyamusamu mu akkasiya. Chakali makkiyubbiti musanu ibulamfu amakkiyubbiti musanu ibusasa - chiswi. bwelene - alimwi makkiyubbiti otatwe mubwiime. ² Wakayungizya kuzyooko zyecho zyone izyiimo zili mbuli meja amunkabe. Imeja akachitidwe achipanza chomwe achipayililo alimwi wakachijala abbulonzi. ³ Wakachita zyoonse zibelesyo zyachipayililo - mpoto zyedota, mafocholo, mabbavu, tusumu twanyama, ankangilo zyamulilo. Wakachita zibelesyo zyonse eezi abbulonzi. ⁴ Wakachita jazyo lubuwa lya chipayililo, anjatano mulimu (netiweki) yabbulonzi itakabikwe munsi lya leegi, muchisela bwiime kuya aansi kumakkalilo. ⁵ Wakabumba mibalo yone yazyooko zyone zyajazyo lyabbulonzi, kuti zibe zijatizyo zyamayako. ⁶ Bbezaleli wakachita mayako amusamu mu akkasiya alimwi walamba aabbulonzi. ⁷ Wakabikka mayako mumbalo kumabazu aachipayililo, kuti iwajate. Wakachita kuti chipayililo chibe pako, kabelesya mapulanga. ⁸ Bbezaleli wakachita ibbavu lya abbulonzi ipati achikkalilo chalyo chabbulonzi, wakachita bbavu kabelesya ziboniboni zyabanakazi ibakali kubeleka kumulyango wabbakasa lyamumbunganino. ⁹ Alimwi wakenga lubuwa lwabusena. Izyakalengelezegwa kubbazu lyakunsi aanyika kwalubuwa zyakali zyamulembo umaninide, imwanda wamakkiyubbiti kukulampa. ¹⁰ Zilengelezegwa zyakajimpikwa ndengelezyo zili makumi obile, zili amakkalilo aabbulonzi aali makumi obile. Kwakali zikobekelo zyakabikidwe kundengelezyo, alimwi atubulo twansiliva. ¹¹ Munzila yomwe anjiyeyo, kubbazu lyakujwe, kwakali zyakalengelezegwa zili mwaanda omwe wamakkiyubbiti kulampa izili andengelezyo makumi obile, makumi obile makalilo aabbulonzi, zikobekelo kazibikidwe kundengelezyo, akutubulo twansiliva. ¹² Izilengelezegwa kubbazu lyakububbila zyakali makumi musanu aamakkiyubbiti kulampa, kazili andengelezyo amakkalilo aalikkumi. Izikobekelo atubulo twandengelezyo zyakali zyansiliva. ¹³ Alimwi ilubuwa lwakali makkiyubbiti makumi musanu kulampa kubbazu lyakubuzwezuba. ¹⁴ Izilengelezegwa kubbazu lyomwe lyamulyango zyakali makkiyubbiti kkumi amusanu kalampa. Zyakali andengelezyo zyotatwe amakalili otatwe. ¹⁵ Kuli limwi bbazu lyamulyango walubuwa kwakali zilengelede alimwi zili makkiyubbiti kkumi amusanu kulampa, zili andengelezyo zyotatwe azikalilo zyotatwe. ¹⁶ Zyonse zyakalengelede kuzyunguluka lubuwa zyakachitidwe amilembo imanide. ¹⁷ Izikkalilo zyandengelezyo zyakachitidwe abbulonzi. Izikobekelo atubulo twandengelezyo zyakachitidwe ansiliva, achivumbyo chaatala aandengelezyo chakachitidwe a nsiliva. ¹⁸ Ichisitilizyo chakumulyango walubuwa lyakali makkiyubbiti makumi obile kulampa. Ikketeni lyakachitidwe amibala yamuteme, muntumbula, amalembo abekema, milembo ilukikene, alimwi yakali makkiyubbiti makumi obile kulampa. Yakali makkiyubbiti makumi obile kulampa amakkiyubbiti musanu ibwiime, mbuli makketeni aalubuwa. ¹⁹ Lyakali amakalilo aabbulonzi one azikobekelo zya nsiliva. Izivumbyo zyaatala aazyo atubulo twacho twakachitidwe ansiliva. ²⁰ Zyonse nkaanka zyabbakasa lyachikombelo alubuwa zyakachitidwe aabbulonzi. ²¹ Eechi nchechiimo chamabambe aachikombelo, ichikombelo chachizuminano, mbuli mbuchakabwezwa kakutobelezegwa malayilile aa Mozesi. Wakali mulimo waba Levi munsi lyabwendelezi bwa Itama mwana wa Aloni mupayizi. ²² Bbezaleli mwana wa Uli waku Heli, kuzwa kumukowa wa Juda, wakachita zyoonse Yahuwe nzyakali walayilila Mozesi. ²³ Oholiyabbu mwana wa Ahisamaki, kuzwa kumukowa wa Deni, wakabeleka a Bbezaleli mbuli simawumbwe, mbuli simulimo musongo, alimwi mbuli mubambisi mumibala yamuteme, muntumbula, awuulu ibekema, amumilembo imaninide. ²⁴ Yoonse ingolide yakabelesegwa aamulimo, mumilimo yonse yendelana abusena busalala ingolide izwa kujwe lyazipo - yakali matalenta makumi obile amusanu atune amashekeli myanda makumi musanu awabili amakumi otatwe, yakeelwa achimo chamashekeli aasankichwali. ²⁵ Insiliva yakazwa kuluundu yakali kulema mwanda wamatalenta achuulu chili amyanda makumi musanu amakumi obile ili amakumi musanu aabili amusanu, mukwendelana amashekeli asankinchuwali, ²⁶ nakuti ibbeka lyomwe kumuntu amuntu, chendelana achisela chasyekeli, yakeelwa ashekeli lyamasankinchuwali. Oyu mweelwe wkajanki mubwingi bwabantu bakabalwa mubwingi bwabo mubusena, aabo bali amiyanda makumi obile akwiinda - (603,550) mbantu mubwingi bwabo. ²⁷ Mwanda omwe wamatalenta ansiliva akabambwa lyaba chikkalilo chabusena busalala alimwi azikalilo zyazisitilizyo - zikalilo mwanda omwe, talenta lyomwe lyachikalilo chomwe. ²⁸ Kuli zyakachala (1,775) mashekeli ansiliva, Bbezaleli wakachita zikobela zyandengelezezyo, wajala aatala andengelezezyo, alimwi wakachita tubulo twezyo. ²⁹ Ibbulonzi yakazwa kujuwe lyazipo yakali kulema matalenta makumi musanu aabili, a (2,400) mashekeli. ³⁰ Ezi wakazibelesya kuchita makkalilo akumulyango wakubbakasa lyambunganino, chipayililo cha abbulonzi, ikkoma lyacho lyebbulonzi, zyoonse zibelesyo zyachipayililo. ³¹ makalilo alubaya lwalubuwa, makalilo amulyango walubuwa, zyonse nkaanka zyebbakasa lya chikombelo, azyonse nkaanka zyebbakasa lyalubuwa.