¹ Lyiitile Aloni mukulana wako abana bakwe balombe - Nadabu, Abbihu, Eliyaza, a Itamala - kuzwa akati kabana baIsilayeli kuchitila kuti bandibelekele mbuli bapayizi. ² Welede kuchitila Aloni, mukulana wako, zisamo zisalidwe kulindime. Ezi zisamo zinoli zyabulemu bwakwe abweebesi. ³ Welede kwaambula kubantu boonse balaabusongo mumoyo, abo mbindakazuzya amuya wabusongo, kuchitila kuti nga bala chitila Aloni zisano zitamuchite kuba kubbazu kubelekela ndime mbuli mupayizi wangu. ⁴ Zisamo ezyo nzibelede kuchita nzyakukaango, efodi, logwe, jansi lyabbulukwe, aluchinda , amwinga nkwa. Belede kuchita zisamo ezi zisalidwe kulindime. Zinoli zyamukulana wako Aloni abana bakwe kuti nga bandibelekele mbuli bapayizi. ⁵ Basikuluka belelde kubelesya sila bbotu nkookuti yangolide, muteme, musinzanyangu, azisalalisya. ⁶ Belede kuchita efodi yangolide, yasyamuteme, musinaanyangu, alyamasila antwayini. Welede kuba mulimu wamuntu upedwe kukozya. ⁷ Yelede kuba aazipanzi zibili zyamakwiko zijananizidwe kumoombe ibili yatala. ⁸ Mukumba ukuzwidwe kabotu welede kuba mbuli efodi; chelede kuchitwa achintu chomwe a efodi, lichitidwe asila lyangolida, syamuteme, musinzanyangu, achisalalisya. ⁹ Welede kubweza mabwe aabili aa kisi akwaalemba alingawo mazina abana ba Isilayeli. ¹⁰ Mazina aabo alimusanu alimwi ayelede kuba aabbwe lyomwe, amazina alimusanu alimwi ayelede kuba alilimbi bbwe, mukutobelana akuzyalwa kwabana. ¹¹ Amulimu wasikulemba mubbwe, mbulimukulembwa kuli achitondezyo, welede kulemba mabwe aabili ali amazina abana ba Isilayeli. Welede kwiilika mabwe muzikkalilo zyagolide. ¹² Welede kubika mabwe aabili azipanzi zyamakwibo a Efodi, kuti abe mabwe akuyeeya bana baJehova aatala abana ba Isilayeli. Aloni uyobweza mazina aabo kunembo lyaJehova amakwibo akwe abili mbuli chiyeezyo kulinguwe. ¹³ Welede kupanga zikkalilo zyagolide ¹⁴ amacheni aabili aalukene angolide ngingini mbuli lusungo, alimwi welede kujatanizya macheni kuzikkalilo. ¹⁵ Welede kuchita chakukaango chakupangisya mizeezo, mulimu wasimulimu ukonzesya, ubambidwe mbuli efodi. Ichitwe agolide, syamuteme, musinzaaanyangu abulowa busalisya, abwasila bbotu. ¹⁶ Cheelede kwelana mabazu oonse one. Welede kuvunga chakukaango twiindulwidwe. chelede kuba chaampa chomwe busasa. ¹⁷ Welede kubika mulinchicho milongo yone yamabwe mayandisi. Mulongo mutaanzi ube a lubbi, a topazi, a ganeti. ¹⁸ Mulongo wabili welede kuba a emalaludi, safile, a dayamondi. ¹⁹ Mulongo watatu welede kuba a jasinti, a geti, a ametisiti. ²⁰ Mulongo wane welede kuba a bbeleleli, a onikisi ajasipa. Mwelede kwayilika muzikkalilo zyangolide. ²¹ Mabwe ayelede kubambwa mbuli mazina abana baIsilayeli. Ayelede kuba mbuli malembelo ali anwenwe yachitondezyo, izina alimwi kalyiimikilila mikowa ili kkumi ayibili. ²² Welede kuchita alichakukaango macheni mbuli lusungo, mulimu ulukidwe wangolida nginingini. ²³ Welede kuchita nwenwe zibili zyangolide zya chakukaango alimwi welede kuzijatanisya kumyombe iibili ya chakukaango. ²⁴ Welede kujatanisya macheni angolida kumabazu amyombe ya chakukaango. ²⁵ Welede kujatanisya imwi mitwe yamacheni alukibwe kuzikkalilo zyobile. Mpawo welede kujatanizya eezyo kuzipanzi zyamakwibo a efodi nkwili kunembo. ²⁶ Welede kupanga nwenwe zyobile zyagolide, alimwi welede kuzibika kumabbazu abili aachakukaango, kumupendelo kuswena kumoombe wamukati. ²⁷ Welede kupanga alubo zimbi nwenwe zibili zyangolide alubo welede kuzijatanizya ansi kwazipanzi zibili zyamakwiko zyakunembo lya efodi munsi amombe atala lyamukumba ubambidwe kabotu waefodi. ²⁸ Belede kwaanga chakukaango anwenwe yacho kunwenwe ya efodi zilalusungo lyasyamuteme kuchitila kuti nga chilajatikizya kwinda biyo lukumba lwa efodi lulukidwe. Echi chiliboobu chichitilwa kuti chakukaango chitabi chitajatene kuzwa ku efodi. ²⁹ Elyo Aloni nanjila mubusena busalala, welede kubweza mazina abana baIsilayeli atala lyamoyo wakwe muchipanzi chakukaango chakupanga mizeezi, mbuli chiyeezyo cheendelela kunembo lyaJehova. ³⁰ Welede kubika Yulimu aTumimu muchipanzi chakukaango chakupanga mizeezo, kuti bakabe atala lyamoyo wa Aloni elyo naya kunembo lya Jehova. Nkokuti Aloni unoli kabweza lyonse zyakubamba mizezo yabantu ba Isilayeli atala amoyo kunembo lya Jehova. ³¹ Uyopanga logwe lya efodi lyonse lyaluchinda lyasyamuteme. ³² lyeelede kuba abbanga lyasyamuteme akati. Ibbanga lyelede kuba aalupeto luzyunguluka kuchitila kuti litadeluki. Oyu welede kuba mulimu wasikuluka. ³³ Ansi aalupeto mwelede kupanga mapomegilaneti asyamuteme, musinzanyangu , abuyale busalalisya kabuzyungulukide . Milangu yangolide yelede kuba akati kazyoonse zizyungulukide. ³⁴ Kwelede kube mulangu wangolide a pomegilaneti, mulangu wangolide a pemogilaneti - alubo kaziya buya - kuzyunguluka lupeto lwalogogwe. ³⁵ Ilogwe lyelede libe ali Aloni elyo nabeleke , kuchitila kuti kulila kwayo imwike elyo nanjila mubusena busalala kunembo lyaJehova alubo elyo nazwa. Ezi ziliboobo kuti atafwi. ³⁶ Welede kuchita ndido yangolide nginingini akulemba alinjiyo, mbuli bulembo buli achitondezyo, ''Kusalala kuli Jehova.'' ³⁷ Welede kujatanisya ndido eyi zyaalusungo yasyamuteme kunembo lyachibikilo. ³⁸ Chelede kuba ankumu ya Aloni; Welede kunyampuka lyoonse kufumbwa bubi bunga bulajanwa kuzipayizyo zyazipo zisalala ezyo bana Isilayeli nzibakabika kulubazu lwa Jehova . Chibikilo chelede kuti lyoonse chibe kunkumu yakwe kuti Jehova nga ulatambula zipo zyabo. ³⁹ Welede kuchita jansi asila bbotu, akubamba chikalilo cha sila bbotu. Welede kuchita alubo sila lyamwinga nkwa, mulimu wasikusuma. ⁴⁰ Zyabana baAloni, welede kupanga majansi, mwingankwa, amincinda yakumutwe zyabulemu bwabo abwebesi. ⁴¹ Welede kusamika Aloni mukulana wako, abana bakwe kabali anguwe. Welede kubananika, ubakombele, akubabika kulubazu lwangu, kuchitila kuti bakandibelekele mbuli bapayizi. ⁴² Welede kubachitila zyakusama zyakunsi zyamasila kuvumba nyama zyabo zyazintanda, ezyo ziyobavumba kuzwa muchibuno kusika muzibelo. ⁴³ Aloni abana bakwe belede kusama zisamo ezi elyo nibanjila mutente lyakubunganina naa elyo nibasika achipayililo kukubeleka mubusena busalala. Belede kuchita eezi kuti kuti batakabi abubi nkambo inga balafwa. Oyu ngumulawo walyoonse wa Aloni abasilunyungu lwakwe musule lyakwe.