¹ Aya ngawo mazina abaana balombe ba Izilayeli bakaza a Jakobo mu Ijipita, aawumwi ang'anda yakwe: ² Lubbeni, Simiyoni, Levi a Juda, ³ Isakka, Zebbuloni, a Bbenjamini. ⁴ Dani, Nafitali, Gadi a Aasha. ⁵ Boonse bantu aabo bakali lunyuungu lwa Jakobo bakali makumi musanu aabili mumwelwe. Jozefu wakali waaba mu Ijipita kale. ⁶ Mpawo Jozefu, bakkulana bakwe boonse, aalyoonse izyalane bakafwa. ⁷ Ba Izilayeli bakazyalisya bakavulisya loko mumweelwe, alimwi bakaba enguzu loko; Inyika yakazwide mbaabo. ⁸ Lino mpawo kwakabuka mwami mupya mu Ijipita, ooyo wakatazi pe aatala a Josefa. ⁹ Wakati kubantu bakwe, ''Mubone, ba Izilayeli bavuzyania alimwi balenguzu kwinda ndiswe. ¹⁰ Muboole tulangane aabo chabusongo, ambweni balinkilila akuyabuvula mumwelwe wabo, mpawo kuti inkondo yabuka, bayogwasyania abasinkondoma, akulwana andiswe, alimwi akuyoosiya nyika.'' ¹¹ Eelyo bakabika basikubabikkila basikubalanga kuti babapenzye amilimu milemu. Ba Izilayeli bakayakila Falo zimumbwa: Pitomu a Lamisese. ¹² Pesi ba Ijipita bakayinkilila aanembo akubapenzya, abalabo ba Izilayeli nibakavulisya mumwelwe bakasaalila. Eelyo ba Ijipita bakatalika kubayoowa. ¹³ Ba Ijipita bakachita kuti ba Izilayeli babelesegwe achalunya. ¹⁴ Bakachita kuti buumi bwabo buyume amilimu miyumu yabulongo bwezitina, ayoonse misyobo yamilimu yamumyunda. Milimu yoonse njibakayelede kuchita yakali miyumu. ¹⁵ Mpawo mwami wa Ijipita wakaambula abasikutumbusya ba Hibbulu; izina lyawumwi wabo wakali Syifula alimwi umwi wabo wakali Puuwa. ¹⁶ Wakati, ''Kuchiindi nimugwasizy banakazi ba Hibbulu achuno chakutumbuka, mulange kuchindi nibatumbuka. Kuti kali mulombe, mpawo mwelede kumujaya.'' ¹⁷ Pesi kuti kaali musimbi, welede kupona. Pesi basikutumbusya bakayoowa Leza alimwi tebakachita mbuli mwami wa Ijipita mbwakalayilila; kwinda kuti bana balombe bapone. ¹⁸ Mwami wa Ijipita wakiita basikutumbusya akwaamba kuti kuli mbabo, 'Nkambonzi nimwachita eechi, alimwi mwaleka bana balombe balikupona?'' Basikutumbusya bakasandula Falo, ¹⁹ ''Banakazi bachi Hebbulu tabali mbuli ba Ijipita pe, balenguzu alimwi balafwambana kukutumbuka sikutumbusya katana kusika kulimbabo.'' ²⁰ Leza wakabakwabilila aba bantu mbusi. Bantu bakavuzyania mumweelwe akuuba anguzu loko. ²¹ Nkambo kakuti, basikutumbusya bakali kuyoowa Leza, wakabapa mpuli. ²² Falo wakalayilila boonse bantu bakwe, ''Mwelede kuwala woonse mwana mulombe mumulonga, pesi woonse mwana musimbi mumuleke akapone.