¹ Alyoze umwe lunga jina lyenyi Ananiya hamwe nyi mukwo pwo Safila , yalanjisa upite umwe . ² Yasweka chihanda cha ndando{ mukwo pwo te kanachinyingika} amba yenaha chimwe chihanda yachitumbika ku yilyato ya apositolo. ³ Alyoze Petulu yamba ngwenyi ''Ananiya , kuchi te satana hanazalisa mbunge ye kuhanjika mahuza kuli shipilitu , musandu usakweke chihanda cha ndando ya munda? ⁴ Shimbu kanda uchi lanjisa , kuwakapwile hiwe nyi muze hi wanjisa chuma chino mu mbunge ye ? kawahajikile mahuza kuli atu , alyoze kuli Zambi''. ⁵ Ananya ha kwivwa maliji ano , yalimbuka hashi yafwa, woma wunji wejile hali waze eswe achivwile. ⁶ Akweze yakatuka yamuvungu , yamuvungu haze yamufunda. ⁷ Shimbu ngwe lya ola jitatu kulutwe, mukwo -pwo wanjilile , iye te kanyingikine chize chalingikanga. ⁸ Petulu yamba kuli ayo ngwenyi, '' ngwambulwile nyi kachi nwalanjishile munda ha ndando.'' yinganji.'' iye wambile ngwenyi , '' ewa ha ndando yize yene.'' ⁹ Alyoze Petulu wambile kuli iye ngwenyi, '' kuchi te hinuna likundu kweseka shipilitu ya mwene? tala, yilato ya waze afundanga mukwenu lunga kuchikolo yili, nyiyena kumakumbata haze.'' ¹⁰ Iye walimbukile haze hene ku yilato yenyi wafwile. Akweze kanjilile , yamuwana hanafu, yamumbata haze ya mufunda ku lumbu lyo muko lunga . ¹¹ Nyi woma wunji wejile hachingulwila cheswe nyi hali waze eswe evwile yino yuma. ¹² Mba kumoko ja apositolo alingile yilayi yinji nyi yipekesa hakachi ka atu. O apwile nyi mbunge yimuwika musenge lya solomone. ¹³ Alyoze akuli akwo numwe wahamukine kulinunga no , alyoze , atu achichimyekene. ¹⁴ Hqindu akakufulyela alwezele kuli mwene , mbunga jamalunga nyi mapwo, ¹⁵ chocho anehene ayeji kumukwakwa, kamusele ha mwe nyi chisalo , hanga chipwe , chizulye wika cha Petulu ha kupuluka chikazulamine kama amwe a kuli ayo . ¹⁶ Nyi chizavu nawa cha kumembo akujingilika yelusaleme, akungumene nikuneha muyeji nyi waze apinjishile kuli ma shipilitu a luchisa , o a awukile eswe. ¹⁷ Alyoze sasendote mukwa lutwe wakatukile , nyi waze eswe apwile hamwe nenyi { te mbunga ya Asatuseu}; te kanazala too nyi lwiso . ¹⁸ Akwachile apositolo, a asele mu zuwo lya ususu. ¹⁹ Alyoze hawola yawufuku kangelo kazulwile mapito ja zuwo lya ususu katuwishile haze kambile ngwenyi,'' ²⁰ yenu nukamane mutembele nukahanjika kuli atu maliji eswe a mwono una''. ²¹ O muze achivwile , kanjilile ha kucha mu tembele nyi kulongesa . Alyoze sasendote mukwa lutwe wahetele nyi waze apwile hamwe nenyi , atambikile akwa kuyula nyi makulwana eswe ana a izalele alikungulule , atumine ku zuwo lya ususu , a kaanehe. ²² Akwamilimo waze ayile muzuwo lya ususu , kakawanyinemo yahiluka nyi kwambulula, '' ²³ Ngwo, twawananga zuwo lya ususu lya kwajila kanawa, nyi tulayi kanamana haze ku mapito ; Alyoze muze twazulu langa kutwawanyinemo nyi umwe.'' ²⁴ Muze kapitau ka tembele nyi asasendote akwa lutwe evwile maliji ano , kakakashanyine chinji hali ayo te chize chuma muchiza kupwa. ²⁵ Mba umwe kezhile kambulwile kuli ayo ngwenyi , '' kumanyi waze malunga nunakakasa mu zuwo lya ususu mwali mutembele, kamana nyi ku longesa atu.'' ²⁶ Hohene kapitau kajile hamuwika nyi tupita , kawanehene, alyoze kakalambile ; momo kevwile woma wa atu ku china ma asa mawe. ²⁷ Muze te haa neha ka asele kumeso ja akwa kuyula . Nyi sasendote mukwa lutwe kahulile ²⁸ ngwo, '' Tunakanu aha koki ngwetu kanda nuka longesa mu jina lino, manyinga ja yono mutu hali yetu.'' ²⁹ Alyoze Petulu nyi apositolo kakumbulwile ngwo, '' chatutamba kwononoka kuli Zambi hikuli atu kop . ³⁰ Zambi ya tulamba twetu wahindwishile Yesu yoze nwashihile ha kumu zezeleka hamutondo . ³¹ Iye Zambi wa munangamishine ku kwoko lyenyi lya chindume akapwe kaputu kanda chilamwina , mukuhana kuli akwa izalele kuli konyeka nyi ukonekeno wa milonga . ³² Nyi yetu tuli yela ja yino yuma ; nyi shipilitu musandu nawa , yoze Zambi hanahana kuli waze aku mwononokena.'' ³³ Alyoze muze evwile chino , kalichokele mu mbunge kazaangile kwashiha apositolo. ³⁴ Alyoze kwakatukile hakachi ka akwa kuyula umwe ka fwariseu , jina lyenyi Ngamalyele , longeshi ya shimbi mulemu kuli atu eswe, yamana yamba atuhwise apositolo haze hakepe. ³⁵ Iye yamba kuli akwo ngwenyi ,'' malunga a izalele , keyelenu haku twala kuchize nunambe kulinga kuli wano atu. ³⁶ Mumu shimbu kanda , teunda wasolokele walifumanyishine ngwenyi , nguli Atu amwe kalinungile nenyi ngwe kulakaji , alinungile . Afwile mba waze eswe amukawile kamwanganyine kapwile amokomoko . ³⁷ Kuluktwe lya iye , kwe kwakatukile yundase ka ngalileya mumatangwa a kusoneka atu , kakokele atu anji kunyima yenyi. iye nawa katokele ; nyi waze eswe amwononokene kamwanganyine. ³⁸ Halyapwila ngunambe kuli yenu ngwami , litwaminenu nyi wano atu a echenu ukawo , kachi chiyulo chino hanji chitanga chino chinakatuka kulio atu , muchi kajimuka . ³⁹ Alyoze nyi chinakatuka kuli Zambi , kunuchi kuhasa kuchjimuna ; kuchina hanji manwana nulitachika nyi Zambi .'' chocho ataijile ukwaso. ⁴⁰ Muze te hatambika apositolo ya alamba ya akanyisa ngwo , kanda nukahanjika nawa mujina lya Yesu , mba ya echa kuya . ⁴¹ keshika apositolo yakatuka kumeso ja akwa kuyula nyi kuwahilila se Zambi kanyongene akwakutela kusauka ha lye jina. ⁴² Mba tangwa ha tangwa , mutembele nyiku zuwo nyi zuwo , kalitwaminyineko kulongesa nyikwabujola sango lipema ngwo . Yesu iye mwe kilishitu.