¹ Muze Petulu nyi Yowano anjilile kuli atu , asasendote , nyi kapiwu wa tembele nyi a sandusewu ejile kuli ayo . ² O apihililile chikolo mumu Petulu nyi Yowano apwile nyi kulongesa atu nyi kwambujola sango muli yesu nyi wuhindikilo wamuli afu. ³ chocho ayo akwachile nyi kwasa mukamenga ndo kutangwa lya kawileho chimene, mumu te hi kwapwa chingoloshi. ⁴ Hakulinga anji evwile liji afulyelele ; mba nyi waze afulyelele malunga ahetele ku tununu atanu. ⁵ Muze hikwacha chimene , makulwana ji achifuchi , nyi matetekeli amatembele nyi akwa ku sonyeka ali kungulwile ku yelusalema ⁶ Nyi Anase sasendote mukwa kulutwe wapwileko kuze, nyi Kayafwa nyi Yowano ,nyi Alezandila , nyi eswe wusoko wa sasendote. ⁷ Muze anehene Petulu nyi Yowano mukachi ko , yahula, '' hatachi muka , chipwe hjina muka , nwazachisa?'' ⁸ Henaho Petulu wazalile nyi shipilitu musandu , yamba kuli ayo , '' yenu makulwana ja atu , nyi matetekeli amatembele , ⁹ nyingwe musono munutu sopesa hayuma yipema twalinga hali yono lunga muka kuyiza nawa majila muka nwamu ukanga yono lunga, ¹⁰ nyingikenu yenu eswe ngwenu nyi kuli atu eswe amu izalele ngwenu yono lunga unamana kuli yenu nyi ungunu wenyi mujina lya Yesu kilishitu waku nazale , yoze mwene mwahachilile ha kulusu alyoze Zambi wamuhindwishile mu afu . ¹¹ Yesu kilishitu lye liwe lize akwa kutunga alitunyine mba halizachisa lkupwa liwe lya helu lya mbango . ¹² kukushi ulamwino muli mweswawo mutu mum kukushi jina hano hashi lize hanahana kuli atu makalamwina . ¹³ Muze amwene hamu lya Petulu nyi Yowano yeuluka ngwo atulume malunga waze katangile , o kakomokele , yaputuka kunyingika ngwo Petulu nyi Yowano apwile hamuwika nyi Yesu kulishitu. ¹⁴ Nyi amwene lunga yoze aukile kanamanano kapwile nawa nyi liji ha chize . ¹⁵ Halutwe wachize muze te halweza kutuhuka muma mwa kutwamina pande , oyamba kuli umwe nyi mukwo . ¹⁶ Yamba ngwo ,'' chuma muka mutulinga nyi wano atu? mumu chamwenemwene yilayi yasoloka kuli ayo nawa atu eswe atwama muyelusalema hayimona; mba kutuchi kulituna . ¹⁷ Alyoze mwakuhonese achi chuma kuhona kunyingikiwa kweswe kuli atu tuyenu twalweke kanda ambujola nawa kuli umwe mutu , mujina lyenyi . ¹⁸ Mba asanyikine kunjila nyi kwashinjila maliji akuhona kuhannjika chimwe nkulongesa mujina lya Yesu. ¹⁹ Alyoze Petulu nyi Yowano yakumbulula nyi kwamba kuli ayo , '' chinapeme yenwe kuhwisa kumeso ja Zambi kuvwila yenu kuhyana iye yenu yulenu . ²⁰ Kutuchi hasa kwecha kuhanjika hayuma twamona nyi kwivwa . ²¹ Halutwe wakutwalilila mu kwakanjisa Petulu nyi yowano , o ya echa nyi kuya . Ahonene kuwana yitela kwakasa nayo , mumu atu eswe apwile nyi kuhalisa Zambi ha yeswe halinga . ²² Lunga yoze watambwile ku ukiwa wapwile nyi myaka ya kuhyana ha makumi awana amyaka . ²³ Muze echele Petulu nyi Yowano ejile kuli atu jo nyi kwaambulwila yeswe yize asasendote nyi makulwana jo hamba kuli ayo. ²⁴ Muze ha chivwa ahanjikile nyi maliji ahelu nyi chuma chimuwika muli Zambi ngwo ,'' Mwene ,watangile malilu nyi hashi nyi kalunga lwiji , nyi yeswe jize yilimo . ²⁵ wahanjikile mushipilitu musandu kuzachisa kanwa lya ngamba ye tata ndawichi ' kuchi te A- kwamavungu mamana nyi chizungozongo nyi e atu mahanjika yamokomoko ?' ²⁶ Yena wambile , ' myanangana achifuchi makalikungulula hamuwika , nyi akwa kuyula makalikungulula hamuwika nyi kufumbukila Mwene . nyi kumanyina mwe kilishitu Yesu. ²⁷ Chamwenemwene , eswe Helonde nyi poshu Pilatu, hamwe nyi akwamavungu nyi atu akwa izalele , halikungulula hamuwika mulino limbo kufumbukila musandu wenu Yesu , yoze nwakwachile maji. ²⁸ Alikungulwile hamuwika mukulinga yize kwoko lyenu nyi mana jenu anyongene o hayamba shimbukanda . ²⁹ Halyapwila , Mwene , talenu kama ku kanjisa cho kuli ndungo yenu hanenu utakame kuli ndungo yenu ahayike nyi tachi yeswe . ³⁰ Ololenu kwoko lyenu nu uke nyi kuhana yilayi nyi yikomokeso kupalikila mujina lisamdu lya ndungo ye yesu kilishitu ''. ³¹ Muze te halemba , muchihela muze akungulukile eswe chanyikine , nyi eswe azalile nyi shipilitu musandu nyi eswe a hanjikile liji lya Zambi nyi utakeme . ³² Mbunga yinene yawaze a fulyelele apwile nyi mbunge yi muwika nyi kunyonga chimuwika . Nyi umwe wambile ngwenyi yeswe nguli nayo hiyami yami mwene ko , alyoze yapwile ya eswe . ³³ Mba hatachi jinene tumbaji ambulwile umwenemwene yaha uhindukilo wa Mwene Yesu nyi wan unene wapwile hali ayo eswe . ³⁴ Kukwapwile nyi umwe wahonene chuma ka , kuli eswe apwile nyi yipapilo ya musenge chimwe ya mazuwo alayishile nyi kuneha mbongo ja kuyuma yize halanjisa ³⁵ nyi kuyisa kumolu jatumbaji , nyi kuyipangila kuli mweswe kulita nyi kuhona chenyi . ³⁶ Jose , yoze tumbaji alukile ngwo Mbalanavwa { cheku lumbulula ngwo mwana waukwaso }, ka Levi , mutu wakatuka ku Sayipula , ³⁷ walanjishile wande wenyi wanehene mbongo nyi ku jisa ku molu ja tumbaji.