¹ Muze yino yuma hiya palika pawulu yakatuka ku atene nyi kuya ku kolindu . ² kuzekwene yaliwana nyi umwe ka yunda jina lyenyi Akwila , ku mahyo ku Ponta , yoze wakatukile hapwila ku Italya nyi mukwo pwo Pulishila , mumu te kulautiu hahana shimbi kuli a yunda eswe akatuke mu Loma. Pawulo yaya kuli ayo, ³ mba mumu mulimo wo umuwika , wa twamine no nyi kuzata, mumu apwile akwa ulangaji umuwika wa kutanga mbalaka. ⁴ Chocho paulu wapwile nyi kunyonga no ha sambata yeswe ,nyi kweseka kuununa eswe a yunda nyi a A-Nglessia . ⁵ Muze Sayila nyi Timoteu hakatuka ku mesendonya , paulu wali hanyine chikolo mwene mu liji , nyi kuhondangana nyi kwambujola kuli A- yunda ngwenyi Yesu mwe Kilishitu. ⁶ Mba A-yunda amu hamikine nyi kumutuka iye , Paulu ya kukumuna uzalo wenyi hali ayo nyi kwalweza ngwo , '' manyinga zhenu akapwe hamitwe yenu yenwene; ami nguna tomo. Kukatuka musono ami ngunayi kuli akwa mavungu''. ⁷ Wakatukileko kuze apwile wayile kuzuwo lya Titu Jusito , mutu mukwa kuvwila woma Zambi . Zuwo lyenyi lya pwile kuka mwihi nyi Sunangonga. ⁸ Alyoze kilisipu, tetekeli wa sunangonga , wafulyelele muli mwene , hamuwika nyi eswe amu zuwo lyenyi; nyi anji a mu kolindu waze evwileko nyewo a fulyelele nawa apapachishilwe. ⁹ Mwene yamba kuli Paulu nyi ufuku mu usolwelo , '' kanda wivwa woma, mba hanjika kanda uhola. ¹⁰ Mumu nguli nyi yena , wakuhi makulinga chipi yena, mumu nguli nyi atu anji muno mu chihunda.'' ¹¹ Paulu watwamine no mwaka nyi tukweji atanu nyi kashi , nyi kulongesa liji lya Zambi hakachi kayo . ¹² Mba muze Ngaleu hapwa nguvulu wa Akeyo , Ayunda yamumanyina nyi liji limuwika nyi manyonga amuwika chochoPaulu yamune kuchi twamo cha upatwilo, ¹³ yamba ngwo , '' yono lunga kakushinjila atu kuwayila Zambi chize china lihichika nyi shimbi''. ¹⁴ Muze te Paulu hima hanjika Gaseu yamba kuli Ayunda , '' yenu Ayunda , nyingwe chapwanga chipi chipwe hanji mulonga wa chitanganyanyi, kachi chngutamba kuli humikiza nyi yenu. ¹⁵ Shimbu wano hapwa maliji nyi ma jina nyi shimbi jenu , kwisenu yenwene . Chazangile kupwa mukwa kusopa hali jino pande.'' ¹⁶ Ngaleu ya huma ku chitwamo cha upatwilo. ¹⁷ O eswe akwachile sosetene, mukwa kuyula shinangonga , nyi kumulamba kulutwe lya ngunja. Mba Ngaleu ka kayisele mana yeswe yize alingile ayo. ¹⁸ Paulu ,muze hatwama matangwa anji , wahichikileko mandumbu jenyi wayile nyi ulungu ku Silya nyi Pulishila nyi Akwila . Muze kanda akatuka muzazu yawato , senkeliya , watawile mutwe wenyi mumu hachilakenyo chize apwile nacho. ¹⁹ muze ha heta ku Efwesu , Paulu yahichika Pulishila nyi Akwila kuze kwene , mba mwene yaya yanjila musinangonga wa shinga nyekele no Ayunda. ²⁰ Paulu a muhulishile kutwama no kawola kasuku , yali tuna . ²¹ Muze hima katuka kuli ayo, yamba ngwenyi , '' muka hiluka kuli yenu nawa nyi Zambi mwene mapala.'' Yakatuka ku Efwesu mu ulungu . ²² Muze Paulu haheta ku sezaliya , wakandukile nyi kumeneka chikungulwila cha Yelusaleme nawa yapalumuka nyi ku Adiyakya. ²³ Muze hambilako wola kuze, Paulu watukile nyi kuya ndusu mu limbo lya Ngelesha nyi Fwiya nyikutamisa tumbaji eswe. ²⁴ Ka yunda umwe wa jina lya Apolu , wasemukinyine ku Alekizandula , wejile ku Efwesu. Wapwile mukwa kulongoloka mu kuhanjika nyi muku nyi kunyingika isoneko. ²⁵ Apolu wapwila wakufumbiwe mu kulongesa uma ya mwene . Muka kuzangumyoka mu shipilitu , wanyingikine kuhanjika nyi kulongesa pundu yuma yakutwala kuli Yesu , mba wanyingikine wika upapachiso wa yowano . ²⁶ Apolu yaputuka kuhanjika nyi hamu sinangonga . Mba Pulishila nyi Akwila muze hamwivwa , ya mumbata kulumbu nyi kumulumbulwila mpundu jila yaZambi. ²⁷ Muze a halile kuya ku A keya, mandumbu ya mukwasa, yamusonekena mukandAa ku tumbaji mu Akeya hanga amutambule. Muze haheta , wakwashile waze afulyelele ku wana. ²⁸ Apolu wakumikije chikolo a yunda kumeso ja atu eswe, nyi kwalweza ku yisoneko ya ngwenyi Yesu mwe Kilishitu.