¹ Paulu yaheta ku Ndevwe nawa nyi ku lisetila , kwapwile kambaji jina lyenyi Timoteu kuze , mwana wa umwe pwo ka y Yunda mukwa ku fulyela , Alyoze tato ka Ngelesya . ² Yamu shindanya kuli mandumbu mu lisetila nyi Ikonu. ³ Paulu yanzangile kuya hamwe nenyi , mba yamupwisa ngalami mumu hali Ayunda waze apwile kuze , mumu atu eswe te kananyingika ngwo tato ka Ngelesya. ⁴ Shimbu machipalika mu membo , ya akunjika ndo ongo jize te hapatula apositolo nyi makulwana ku yelusaleme akajifunge . ⁵ chocho yikungulwila yatakamine mu ufulyelo yokele tangwa ha tangwa. ⁶ Paulo nyi ako kapalikile ndusu muchifuchi , Fwijya nyi Ngalasha se shipilitu musandu hakanjisa kwambujola lye lizhi mu Aja. ⁷ Hakuheta ku Mishya , yeseka kuya ku Mbitinya alyoze shipilutu wa Yesu katayijileko. ⁸ Muze ahyanyine Misha yapalumuka ku Tile. ⁹ Usolwelo wasolokele kuli Paulu u fuku ; kwapwile lunga waku masendonya ukatukwase.'' ¹⁰ Muze Paulu wamona usolwelo, twafupile kuya kuma sendonya nyi ku nyonga ngwetu Zambi hatu tambika kwambujola sango lipema kuli ayo. ¹¹ Keshika nyi kukatuka ku tile , twendele mu ulungu pundu ku samotala shiya , nyi muze hikwacha twendele ku Nyipole . ¹² katu kukuze twaile ku Fwilipu , lye mnalyo limbo linene lya chihanda chize cha chifuchi cha masendonya , nyi njize Aloma yilemu twanyongonwene mulimbo lize matangwa anji. ¹³ Hatangwa lya sambata twatuhikile haze lya chjilo cha limbo nyi kuya kusesa , lya lwiji kuze apwile nyi kuya kulemba . Twatwamine twahanjikile kuli mapwo waze akungamineko. ¹⁴ Mba umwe pwo jina lyenyi Lindiya , mukwa kutalikila mahina aufungo wakulimbo lya Tayitila , mukwa kuwayila Zambi katwivwile . Mweene kazulwile mbunge yenyi kupanjika kuyuma yize ahanjikile paulu. ¹⁵ Muze te hamupapachisa nyi akwa zuwo lyenyi , kalyumbile , kuli etu ngwenyi , '' kachi unangumono wamwene mwene kuli mwene , njilenu muzuwo lyami. '' nukatwamemo mba watukokesele etu. ¹⁶ Shimbu kanda , mutuchiya kuma kwaku lembela , umwe mwanapwo nyi shipilitu yamunanyi nyi yetu. Yoze wamyesele myata jenyi upite unji hakuhanjika nyi munanyi. ¹⁷ Yoze mwana pwo kanakaula ha nyima lya Paulu nyi yetu , yakokoluka ngwenyi, '' wano atu e ndungo ja Zambi . Waze akunwambulwila jila lya ulamwino . '' ¹⁸ Chino yachilinga matangwa anji . Mba Paulu kevwile chikulikuli chikolo nyiye , yateuluka kulimwe shipilitu mupi ngwenyi, '' ngunakwambe mujina lya Yesu kilishitu ngwami tuhuka muli iye .'' Iye yatuhuka wola yizeyene. ¹⁹ Alyoze muze myata jenyi hamona kutalatala cha upite wo hichahwa , yakwata Paulu nyi Saila o ya ambulumwina ku chitando kumesa akwa kuyula . ²⁰ Muze te ha aneha kuli tupitau , yamba ngwo, '' wano Ayunda kakupinjisa chikolo limbo lyetu. ²¹ Kakwambujola ndako jize kujalitele nyi shimbi jetu tu jitambule chipwe kujilinga ngwe A loma''. ²² Mbunga ya katukile Paulu nyi Silasa ; tupitau ya atokola mahina jo yamba alambe nyi mbwechi. ²³ Muze te ha lamba chikolo , ya ambila muzuwo lya ususu nyi ku hana shimbi kuli kalayi afunge kanawa . ²⁴ Muze atambwile shimbi ino , yambila mu zuwo lya muchima nyi kuyikila molu jo mu kuul. ²⁵ Halyoze ha muchima ufuku Paulu nyi Siila kapwile nyi kulemba nyi kwimba myaso ya Zambi , nyi funge akwa yapanjika . ²⁶ susumuku yikupwa minyiko yinene , fundamentu ya zuwo lya ususu yanyikine ; mapito eswe haze hene ya zuluka , ma kana ja eswe yiya echa. ²⁷ Kalayi ha kukasumuka ; mutulo yamona mapito ja zuwo lya ususu a kwazuluka; yatomona katana kenyi yamba kuli shiha mumu kanakamona ngwenyi , funge hazomboka . ²⁸ Alyoze Paul;u yakolomoka , ngwenyi ,'' kanda ulilinga , mumu, yetu eswe muno mutuli.'' ²⁹ Kalayi yeta lutemo yanjila fuji , nyi kuchikima , yafulamana kumeso ja Paulu nyi Saila , ³⁰ ya neha haze yamba ngwenyi, ''ma lunga , kuchi changutamba kulinga hanga nguwane ulamwino ? ³¹ O yamba ngwo , '' fulyela mwene Yesu , mba kumakaku lamwina , yena nyimuka zuwo lye.'' ³² O yahanjika kuli iye liji lya mwene , nyiku waze eswe apwile mu zuwo lyenyi . ³³ Iye yatwala ola yizeyene yaufuku yasanyisa mijiji yo , mba yamupapachisa iye nyi akwa jiko lyenyi eswe hazehene. ³⁴ Alyoze muze anehene Paulu nyi Saila muzuwo lyenyi nyikuneha yakulya kuli ayo , yalikwiza hamwe anji akwa zuwo lyenyi eswe te hafulyela Zambi. ³⁵ Muze mukwacha , tupitau yatuma sayeta , ngwo , '' tusulawano atu.'' ³⁶ Kalayi yambulula maliji ano kuli Paulu ngwenyi, tupitau hatuma hanga tunutusule. keshika halyapwila tulhukenu kama, nukatuka nyi sambukila.'' ³⁷ Alyoze Paulu yamba kuli ayo ngwenyi ,''etu tuli A-loma hanatulambe kumeso ja atu eswe shimbu kutushi chitela nyi kutumbila mu zuwo lya ususu . Halyapwila kana tumbila haze ku tenga nyi? ka wate ! alyoze eze ayo ene atutusule.'' ³⁸ Sajetu yambulula maliji ano kuli tupitau, muze evwile ngwo Paulu nyi Saila akwa Loma , o evwile woma . ³⁹ O tupita yeza nyi kulyumba kuli ayo muze te haneha haze , yalyondela hanga akatuke mulimbo ⁴⁰ Paulu nyi Saila yatuhuka mu zuwo lya ususu yanjila muzuwo lya Linda . muze paulu nyi Saila mba muze te hamona mandumbu , yalembejeka kutuhuka mu limbo