¹ Paminawa kining pulong nga akong gikuha ingon nga pagbangotan diha kaninyo, balay sa Israel. ² Ang birhin nga Israel napukan; dili na siya makatindog; gisalikway siya sa iyang yuta; walay bisan usa nga mopatindog kaniya. ³ Kay mao kini ang gisulti sa Ginoo nga si Yahweh: "Ang liboan nga migula sa siyudad mabinlan na lamang ug gatosan, ug kadtong migula uban sa gatosan mabinlan na lamang ug napulo ka sakop sa balay sa Israel." ⁴ Kay mao kini ang gisulti ni Yahweh ngadto sa balay sa Israel: "Pangitaa ako ug mabuhi! ⁵ Ayaw pangitaa ang Betel; ni mosulod sa Gilgal; ayaw pag-adto sa Berseba. Kay bihagon gayod ang Gilgal, ug mahimong kawang ang Betel. ⁶ Pangitaa si Yahweh ug mabuhi, o iyang gub-on pinaagi sa kalayo ang balay ni Jose. Pagalamuyon kini, ug walay bisan usa nga makapawng niini sa Betel. ⁷ Kadtong katawhan nga nagtuis sa hustisya ngadto sa usa ka mapait nga butang ug naglabay sa pagkamatarong ngadto sa yuta!" ⁸ Gibuhat sa Dios ang Pleiades ug ang Orion; gihimo niya nga kangitngit sa kabuntagon; gihimo niyang ngitngit ang adlaw pinaagi sa kagabhion ug gitawag ang katubigan sa dagat; gibubo niya kini ibabaw sa kalibotan. Si Yahweh ang iyang ngalan! ⁹ Nagdala siya ug kalit nga kalaglagan sa mga kusgan aron nga moabot ang kalaglagan sa mga kuta. ¹⁰ Gidumtan nila ang si bisan kinsa nga magbadlong kanila sa ganghaan sa siyudad, ug gidumtan nila si bisan kinsa nga nagsulti sa kamatuoran. ¹¹ Tungod kay inyong gilupigan ang kabos ug gikuha ang mga bahin sa trigo gikan kaniya —bisan tuod ug nagbuhat kamo ug mga balay sa tiniltil nga bato, dili kamo makapuyo niini. Aduna kay maanindot nga ubasan, apan dili kamo makainom ug bino niini. ¹² Kay nasayod ako nga daghan ang inyong kalapasan ug unsa kadako ang inyong mga sala—kamo nga nagsakit sa matarong, midawat ug mga suhol ug gisalikway ninyo ang mga nanginahanglan sa ganghaan sa siyudad. ¹³ Busa kinsa kadtong boutan nga tawo nagpakahilom niana nga panahon, kay daotan kining panahona. ¹⁴ Pangitaa ang maayo ug dili ang daotan, aron mabuhi kamo. Busa si Yahweh, ang Dios sa mga panon, mag-uban kaninyo, samtang magsulti ka nga siya mao. ¹⁵ Dumti ang daotan, higugmaa ang maayo, ipatuman ang hustisya sa ganghaan sa siyudad. Tingali si Yahweh, ang Dios sa mga panon, magmaluluy-on ngadto sa nahibilin nga kaliwat ni Jose. ¹⁶ Busa, mao kini ang gisulti ni Yahweh, ang Dios sa mga panon, ang Ginoo, "Ang pagminatay maanaa sa tana nga mga plasa, ug magasulti sila sa tanang kadalanan, "Pagkaalaot! Pagkaalaot! Gitawag nila ang mga mag-uuma nga magbangotan ug ang mga nagbangotan nga magminatay. ¹⁷ Diha sa mga parasan adunay pagminatay, kay moagi ako sa inyong taliwala," miingon si Yahweh. ¹⁸ Alaot kamong nangandoy sa adlaw ni Yahweh! Nganong nangandoy man kamo sa adlaw ni Yahweh? Mangitngit kini ug dili kahayag, ¹⁹ sama sa tawo nga moikyas gikan sa lion ug nakasugat siya sa uso, o moadto siya sa balay ug gibutang niya ang iyang kamot sa paril ug mipaak kaniya ang bitin. ²⁰ Mahimo bang kangitngit ang adlaw ni Yahweh ug dili kahayag? ngi-ob ug walay kahayag? ²¹ "Gidumtan ko, gisalikway ko ang iyong mga Pista, wala ako mahimuot sa inyong mahilom nga mga panagtigom. ²² Bisan tuod naghalad kamo kanako ug mga halad sinunog ug mga halad nga trigo, dili ko kini dawaton, ni motan-aw sa halad sa pakigdait sa inyong pinatambok nga mga mananap. ²³ Ipalayo gikan kanako ang masaba ninyong panag-awit; dili ako maminaw sa tugtog sa inyong mga alpa. ²⁴ Hinoon, tugoti ang hustisya nga modagayday sama sa tubig, ug ang pagkamatarong magpadayon sama sa pagdagayday sa kasapaan. ²⁵ Gidad-an ba ninyo ako ug mga sakripisyo ug mga halad didto sa kamingawan sulod sa kap-atan ka tuig, balay sa Israel? ²⁶ Gituboy ninyo ang imahi ni Sikut, inyong hari, ug si Kaiwan, ang inyong dios sa bituon, nga inyong gibuhat alang sa inyong mga kaugalingon. ²⁷ Busa ipabihag ko kamo halayo pa sa Damascu," miingon si Yahweh, nga ang ngalan mao ang Dios sa mga panon.