¹ Paminaw niining pulong, kamong mga baka sa Bashan, kamong anaa sa bukid sa Samaria, kamong nagdaugdaog sa mga kabos, kamong nagyatak sa mga nanginahanglan, kamong nagsulti sa inyong mga bana, "Dad-i mi ug ilimnon." ² Ang Ginoo nga si Yahweh nanumpa pinaagi sa iyang pagkabalaan, "Tan-awa, moabot kaninyo ang adlaw nga birahon kamo pinaagi sa mga taga, ang ulahi kaninyo pinaagi sa taga sa isda. ³ Molabang kamo sa nangaguba nga paril sa siyudad, ang matag usa kaninyo moagi niini, ug ilabay kamo ngadto sa Harmon—mao kini ang gipahayag ni Yahweh." ⁴ "Adto sa Betel ug pagpakasala, ngadto sa Gilgal ug padaghanon ang sala, pagdala ug mga sakripisyo matag buntag, sa inyong ikapulo sa kada tulo ka adlaw. ⁵ Paghalad ug pagpasalamat pinaagi sa tinapay; imantala ang kinabubot-on nga mga halad; ipahibalo kini, kay kini makalipay kanimo, kamong katawhan sa Israel— mao kini ang gipahayag sa Ginoo nga si Yahweh. ⁶ Gihatagan ko kamo ug hinlo nga mga ngipon sa tibuok ninyong mga siyudad ug makulangan ug tinapay ang tibuok ninyong mga dapit. Apan wala gihapon kamo mibalik kanako— mao kini ang gipahayag ni Yahweh. ⁷ Wala ko kamo paulani sulod sa tulo ka bulan sa wala pa ang ting-ani. Akong gipaulanan ang usa ka siyudad, ug wala ko paulani ang laing siyudad. Ang usa ka bahin sa siyudad naulanan, apan ang usa ka bahin sa yuta walay ulan ug namala kini. ⁸ Nagsusapinday ang duha o tulo ka siyudad ngadto sa laing siyudad aron sa pag-inom ug tubig, apan wala sila matagbaw. Apan wala gihapon kamo mobalik kanako — mao kini ang gipahayag ni Yahweh. ⁹ Gisakit ko kamo pinaagi sa agup-op. Ang inyong mga tanaman, ang inyong mga ubasan, ang inyong mga igos ug ang inyong mga kahoy nga olibo— ang mga dulon molamoy sa inyong tanom. Apan wala gihapon kamo mobalik kanako—mao kini ang gipahayag ni Yahweh. ¹⁰ Gipadad-an ko kamo ug katalagman sama didto sa Ehipto. Gipamatay ko ang inyong mga batan-ong lalaki pinaagi sa espada, gikuha ang inyong mga kabayo, ug mag-alisngaw ang kabaho sa mga patay sa inyong kampo nga mosulod sa inyong mga ilong. Apan wala gihapon kamo mobalik kanako— mao kini ang gipahayag ni Yahweh. ¹¹ Gilumpag ko ang inyong siyudad sa inyong taliwala, sama sa paglaglag sa Dios sa Sodoma ug Gomora. Mahisama kamo sa kahoy nga nasunog nga gilabnot gikan sa kalayo. Apan wala gihapon kamo mobalik kanako—mao kini ang gipahayag ni Yahweh. ¹² Busa buhaton ko ang makalilisang nga butang nganha kaninyo, Israel; ug tungod kay buhaton ko ang makalilisang nga butang nganha kaninyo, pangandam sa pagtagbo sa inyong Dios, Israel! ¹³ Kay, tan-awa, siya nga nagbuhat sa kabukiran ang nagbuhat usab sa hangin, nagpadayag sa iyang panghunahuna ngadto sa katawhan, nagpangitngit sa kabuntagon, ug naglatas sa hataas nga mga dapit sa kalibotan. Si Yahweh, ang Dios nga gamhanan, mao ang iyang ngalan."