¹ Mangataka areo zaho noho zany, ry rahalahy, noho reo famindrampôn-Jagnahary, mbô hagnamia ny haigninareo ho hofagna velogno, masigny, kehin-Jagnahary. Zany no fanompoanareo araka ny tôkony ho izy. ² Aza mitôvy amin'ny tany jiaby, fa magnovoa amin'ny fagnavaozagna ny saigninareo. Atôvo tô mbô ho hahaizanareo raha tsara, azo kehigny, ary ny sitrapô lafa-Jagnahary. ³ Fa koragniky, nohon'ny fahasoavagna lehy namiagna zaho, ny tsy tôkony hanagnan'ôlogno jiaby zay akeo aminareo menimeny hagnampiakatra ny haignianazy mihoatra lehy tôkony ho minimineny. Fa naifa, tôkony handiniky am-pahendriagna zareo, karaha ny nagnamiazan-Jagnahary fatatra finoagna ny tsiaraikiaraiky aby. ⁴ Fa managna rantsagna fôntry amin'ny haignintsika atsika, kanaifa tsy mitôvy aby ny asan'ny reo rantsagna reo. ⁵ Mitôvy amin-jany, atsika lehy fôntry be tô dia vatagna araiky fogna akao amin'i Kristy, ary rantsagna manokagna amin'ny tsiaraikiaraiky. ⁶ Managna fagnamiazam-pahasoavagna sambisany aby atsika araka ny fahasoavagna lehy namiagna atsika.Izy koa faminaniagna no fagnamiazam-pahasoavan'ny araiky, dia tôkony hatao araka ny hagidazam-pinoagnany. ⁷ Izy koa fanompoagna no fanomezam-pahasoavan'ny araiky, dia izy tôkony hanompo. Izy koa nisy araiky nahazo fanomezam-pahasoavagna hagnanatra, izy tôkony hagnanatra. ⁸ Raha fampaheraizagna no fagnamaizam-pahasoavan'ny araiky, izy tôkony hampahery. Raha magnamia no fagnamiazam-pahasoavan'ny araiky, izy tôkony hagnano zany amim-pahalala-tagnagna. Izy koa hitariky no fagnomiazam-pahasoavan'ny araiky, zany tôkony ho haifa amin'ny fitandraimagna. Izy koa hagnaboaka fangoraham-pô no fanomezam-pahasoavan'ny araiky, zany tôkony ho vita am-piravoravoagna. ⁹ Aoka ny fitiavagna tsisy fihatsaram-bailatsihy. Aza tia raha ratsy; tano mafy leh tsara. ¹⁰ Izy koa mikasiky ny fitiavan'ny mpirahalahy, mifankatiava aminareo tsiaraikiaraiky aby. Raha ny mahakasiky ny fanomaizam-boninahitry, mifagnajà. ¹¹ Raha ny mahakasiky ny fikiriza, aza misalasala. Raha mahakasiky ny Fagnahy, aoka hafana fô. Mahakasiky ny Tômpo, tompoy Izy. ¹² Miravoa akao amin'ny fahatokisagna zay hanagnanao mahakasiky ny ho avy. Maharaita amin'ny reo olagnao. Mivavaha fogna. ¹³ Mifandrasa amin'ny zay tadiavn' ny mpankatô. Mizahava fomba fôntry hampiantragnoagna ôlogno ¹⁴ Misaora reo lehy magnindry anao; misaora ary aza magnozogno. ¹⁵ Miaraha ravoravo amin'ny reo zay ravoravo; miaraha-mitomoagny amin'ny reo zay mitomoagny. ¹⁶ Mitovia diniky amin'ny tsiaraikiaraiky. Aza misaigny amin'ny fomba miraiharaiha, fao keho reo ôlogno ambany. Aza mieritreritry ny haigninao ho misy fagnahy. ¹⁷ Aza mamaly ratsy ny ratsy. Magnanôva raha tsara fôntry hitan'ôlogno jiaby. ¹⁸ Izy koa manajry, araka zay hazonao atao, mivavaha amin'ny ôlogno jiaby. ¹⁹ Aza mamaly ratsy ny haigninareo, oa tiako, fao amia lalagna ny fahavigniragna Zagnahary. Fa afa voasôratra hoe: "'Ahy ny vali-faty; Zaho no hamaly,' hoy ny Tômpo." Izy koa tihinagna ny fahavalo, amiazo hanigny izy. ²⁰ Izy koa tihigiaka izy, amiazo raha giahigny izy. Izy koa magnano zany anao, dia hamôrivôry vaimôtro akeo amin'ny talandohany." ²¹ Aza magneky resin'ny raha ratsy, fa reseo amin'ny tsara ny ratsy.