¹ Aviatô, areo lehy manan-kariagna, mitomoagnia aveo mihaikiaikià noho ny reo fahoriagna homby amireo. ² Ny hariagnanareo afa lô, aveo ny fitafiagnanareo afa lanin'ny kalalao. ³ Ny vôlamainanareo sindraiky vôlafôtsinareo dia afa harefisigny. Ny harefesigny dia tomoa hagnambaragna areo. Hagnoro ny fônareo tôrotro motro zany. Nakajinareo ny hariazgnanareo ho amin'ny reo andro farany. ⁴ Tô, karaman'ny reo mpiasa dia mitaraigny ny karama lehy nitananareo tsy ho an'ny reo lehy mpamokatra ny sahanareo, avakeo reo fitaraignan'ny reo mpamboly afa homby agny amin'ny Tômpon'ny maro. ⁵ Niaigny tamin'ny hariagna teto an-tany areo avakeo nagnairam-pô tamin'ny haigninareo. Nigidazinareo ny fônareo mba ho agny amin'ny andro famonoagna. ⁶ Nagnameloka sindraiky namono ôlogno marigny areo. Tsy nanohitry areo izy. ⁷ Koa maharaita, ry rahalahy , papiky havian'ny Tômpo . Kay tô, ny mpamboly mandigny ny vaokatra tsara avy amin'ny tany. Mandigny ami-paharaitagna zany izy, papiky ny hazaoagna zany ny voanaloahany sindraiky faran'ny oragna. ⁸ Areo, koa mbô, maharaita. Hamafiso ny fônareo, satri afa marikitry ny fahavian'ny Tômpo. ⁹ Aza mifampitaraigny, ry rahalahy, mbô tsy hitsaraigny areo. Tô, ny mpitsara mitsangagna akeo an-tamiagna. ¹⁰ Malaka ohatra, ry rahalahy, avy amin'ny fijaliagna ndraiky faharaitagna reo mpagnazary, reo lehy nivôlagna tamin'ny agnaragna Tômpo. ¹¹ Regny, atantsika karaha ny sambatra zareo lehy afa niaritry. Afa regninareo ny fiaraitan'i Joba, avakeo hainareo fikasagnany Tômpo, ny maha-feno fangorahagna ndraiky famindram-pô Azy. ¹² Fa agnambon'ny raha jiaby, ry rahalahiko, aza mifanta, na amin'ny lagnitry na amin'ny tany, na mifanta amin'ny hafa. Fa naifa, aoka ny vôlagnareo hoe: "Ia" ho "Ia" aveo ny "Tsia" ho "Tsia," mbô tsy hitsôfotro amin'ny fitsaragna areo ¹³ Misy ôlogno moa aminareo sahiragna amin'ny andro sarotra? aoka izy hivavaka. Misy ôlogno ravoravo moa? Aoka izy hihira fideragna. ¹⁴ Misy marary moa akeo agnivonareo? Aoka izy hagnantso ny lôhologno ny fiangonagna, aveo aoka zareo hivavaka azy. Aoka zareo hagnôsotro menaka azy amin'ny agnaragna tômpo. ¹⁵ Ny fivavaka ny finoagna no hampahivagna lehy ôlogno marary, avakeo ny Tômpo hampitsangagna azy. Raha nanota izy, dia hamôtotro azy zagnahary. ¹⁶ Kay mifagnikia heloka areo, avakeo mifampivavaha, mbô hahivagna areo. Ny vavaka ataon'ny ôlogno marigny dia bahery matanjaka amin'ny fiasany. ¹⁷ Elia dia lalahy tôrotro atsika fôgna. Nivavaka mafy izy mbô tsy hilatsahan'ny ranon'ôragna aveo tsy nilatsaka tamin'ny tany nandrity ny telo tagno sy enim-bôlagna zany. ¹⁸ Aviteo nivavaka ndraiky Elia. Ny lagnitra dia nagnomia ranon'ôragna, aveo ny tany namoa ny vokany. ¹⁹ Oa rahalahiky, izy koa misy akeo aminareo mitsipaka amin'ny fahamarignagna, aveo misy araiky magnampôdy azy, ²⁰ dia tôkony ho hain'io ôlogno io fa na zôvy na zôvy mangala ny mpanota araiky amin'ny lalagna diso hagnavotro azy amin'ny fahafataisagna, aveo hanarogno fahontagno fôntry.