¹ Oa rahalahiky, aza mitagna ny finoagna an'i Tompontsika Jesôsy Kristy Tompontsika, lehy Tompon'ny vogninahitry, amin'ny fiangaragna amin'ny ôlogno sasany. ² Ataovo hoe misy ôlogno mitsôfotro ao amin'ny fivoriagna magnano peratra volamena, ndraiky ankanjo tsara, ary misy lalahy mijaly koa mitsôfotro magnano lamba maloto. ³ Raha mizaha lehy ôlogno magnano lamba tsara anao key mivolagna hoe: Azafady mantaira eto amin'ny toeragna tsara," fa hivolagna amin'lehy lalahy mijaly ndraiky anao hoe: "Mitsangàna anao aroho, na hoe: Mantaira eketo antongotro," ⁴ Moa tssy mifampitsara aminareo areo? Moa tsy lasa mpitsara amin'ny eritreri-dratsy areo? ⁵ Mitandrignaisa, ry rahalahiko tiako, tsy afa nifidin-Jagnahary moa ny mijalin'izao tontolo izao mbô hanankariagna amin'ny finoagna aveo mbô ho biaka ho mpandaova ny fajakagna zay nampanantenainy zareo zay tia Azy? ⁶ Fao areo dia nagnala baraka ny mijaly! moa tsy ny mpanankariagna moa no mampijaly areo? Moa tsy reo moa no mitariky areo hoe amin'ny fitsaragna? ⁷ Moa tsy zareo moa no naggnaratsy ny agnaragna tsara zay nihinareo? ⁸ Na zany ndraiky, raha magnatantairaka ny lalàgmany mpanjaka areo, araka ny Soratra Masigny hoe: "Tiavo ny namanao mitôvy amin'ny vatagnao," dia magnano ny tsara areo. ⁹ Fao raha magnamia sitraka ny ôlogno sasany ndraiky areo, dia manota, kay voaheloko mitovy ny mpandika lalàgna. ¹⁰ Fa na zôvy na zôvy mankatô ny lalàgna jiaby, kanaifa lavo amin'ny lalàgna araiky fogna, dia ho meloko amin'ny lalàgna jiaby. ¹¹ Fa lehy nivolagna hoe: "Aza mijangajagna," dia nivolagna koa hoe "Aza mamono ôlogno." Raha tsy mijangajanga areo, kanaifa mamono ôlogno, dia lasa mpadika lalàgna. ¹² Noho zany mivolàgna aveo manaova hotra zareo zay ho tsaraigny amin'ny lalàgna'ny fahafahagna. ¹³ Fa ny fitsaràgna dia avy tsy misy famindram-po amin'zareo tsy naharegny famindram-po. Ary ny famindrm-po dia mandresy ny fitsaragna. ¹⁴ Ino no tsara, ry rahalahiko, raha mivolagna ny ôlogno araiky fa manampinoagna izy, kanaifa tsy misy asa? Afaka magnavotro azy moa zany finoagna zany? ¹⁵ Ataovo hoe misy rahalahy na rôkovavy ratsy fisikinagna ndraiky tsy ampy hanigny isan'andro. Ataovo hoe: ¹⁶ "Ataovo hoe misy araiky aminareo mivolagna amin'ny zareo hoe: "Mandihiàna am-piadanagna, manaova mafana aveo mivokisa." Raha tsy magnamia azy reo ny raha ilainy ho an'ny vatagna areo, ino moa mahatsara zany? ¹⁷ Dia mitôvy zany koa ny finoagna, raha tsy misy asa zany, dia maty ¹⁸ Nefa mety misy ôlogno mivolagna hoe: "Manam-pinoagna anao, ary zaho managna asa." Aboaho zaho ny finoagnanao tsisy asa, dia haboakako anao koa ny fin oagnanaha amin'ny alalan'ny asako. ¹⁹ Anao ndraiky mageky fao araiky fogna ny Zagnahary, tsara zany ataonao zany. Fao na reo masantôko aby magneky zany, kay dia matahotra zareo. ²⁰ Tianareo ho hay moa, ry lalahy laifaka, fao ny finoagnaa tsisy asa dia tsisy ilagna azy? [Fanamarihagna: Ny dikan-teny talaoha sasany dia mamaky hoe: "Tianaoreo ho hay moa, ry lalahy laifaka, hoe nagnino ny finoagna tsisy asa no maty?"] ²¹ Tsy tamin'ny asa koa moa no nagnamarinagan an'i Abrahama babantsika koafa nanôltro an'i Isaka zanany lalahy teo amin'ny alitara izy? ²² Hitanao fao finoagna dia niasa niaraka tamin'ny asany, ary amin'ny asa dia nivoatra tanteraka ny finoagnany. ²³ Dia tanteraka ny Soratra Masigy zay magnano hoe: "Abrahama nino Zagnahary, kay nisaigny taminy ho fahamarinagna zany," aveo izy nantsôvigny hoe kômaradin-Jagnahary. ²⁴ Hitanareo zao fa amin'ny asa no hanamarinagna ny ôlogno, fao tsy amin'ny finoagna fogna. ²⁵ Mitôvy amin'ny zany koa, Rahaba mpivaro-taigna tsy nohamarinigny tamin'ny asa koa moa izy, koafa nandray reo iraka ndraiky nagnandaifa zareo tamin'ny làlagna hafa? ²⁶ Fa maty ny vatagna raha misaraka amin'ny fagnahy, dia mitôvy amin'ny zany koa, ny finoagna tsisy asa dia maty.