¹ Jakoba, mpanompon-Jagnahary ndaiky Tompo Jesôsy Kristy, ho an-jareo foko aroa ambin'ny folo nipariaka: arahaba. ² Alaivo ho aravoagna aby zany, ry rahalahy, koafa fanôjy olagna isan-karazany areo. ³ Hainareo fao ny fitsapagna ny finoagnanareo dia mahatonga faharaitagna. ⁴ Ambilao ny faharaitagna hagnatantairaka ny asanazy, mbo taigna hivoatra ndraiky ho feno tantairaka areo, ka tsy hijaly na ino na ino. ⁵ Izikoa misy aminareo mila fahindriagna, aoka izy hangaho zany amin-Jagnahary, lay araiky zay magnamia an-tsitrapô ndraiky tsy mandatsa zay lehy mangaho, ary amiany azy zany. ⁶ Fa ambilao izy hangaha amin'ny finoagna tsy misalasala dia karaha daroban-dranomasigny zay entin'ny rivotra sy mitopatopa. ⁷ Fa zany ôlogno zany dia tsy tokony ny handiniky ny hangala na ino na ino avy amin'ny tômpo. ⁸ Ny ôlogno tôrotro zany dia miroa saigny miovaova amin'ny lalagnazy jiaby. ⁹ Aoka ny rahalahy mijaly hagnano ny fisandratany ho raiharaihany. ¹⁰ Fa ny ôlogno manan-kariagna amin'ny fizitriany, satria izy dia hidolaigny tôrotro vonikaz-dy amin'ny asitry. ¹¹ Fa ny masôva dia mipiaka amin'ny hafanagna mahamay aveo magnamaigny ny asitry. Ny voninkazo dia mihintsagna, aveo ny hatsarany dia ho levogno. Karaha zany koa ny ôlogno manan-kariagna dia halazo eny amin'ny atsasaka ny diany. ¹² Sambatra ny ôlogno zay miaritra ny fitsapagna. Satria koafa avy nandalo fitsapagna izy, dia hangala ny satroboninahitry ny fiaignagna, lehy nampagnantenainy tamin'ny reo lehy tia zagnahary. ¹³ Izy koa fa misy halaim-pagnahy dia aoka izy tsy hivôlagna hoe: "Zagnahary no nalaka fagnaha zaho," satria Zagnahary tsy azon'ny ratsy alaigny fagnahy, salakady tsy mbô malaka fagnahy na zôvy na zôvy. ¹⁴ Fa samby alaim-pagnahy amin'ny fagniriany manôkagna ny ôlogno tsiraikeraiky, lehy mampiemotro ndraiky mandresy azy. ¹⁵ Koafa avy nandiniky ny fagniriagna, dia mitairaka fahotagna zany. Ary koafa mitômbo tantairaka ny ota, dia mitairaka fahafataisagna. ¹⁶ Aza magneky havandiagna, rahalahiky tiàko. ¹⁷ Ny fagnomiazagna tsara jiaby ndraiky ny fagnomiazagna tonga lafatra jiaby dia avy agny agnambo. Zany dia nijôtso avy amin'ny Baban'ny fahazavagna. Miaraka aminazy dia tsisy fivoagna na kandindagna nohon'ny fimpodianagna. ¹⁸ Zagnahary dia nifidy ny hagnomia fahaterahagna atsika amin'ny volagna ny fahamarinagna, mbo ho karazagna voaloham-bokatry reo raha jiaby zay nifirôgniny atsika. ¹⁹ Hainareo zany, rahalahiky tiàko: aoka ny ologno jiaby halaky hitandragny, tsy hivolagn malaky , salakady tsy halaky ho vingitry. ²⁰ Fao ny fahavigniran'ologno dia tsy avitagna nyfahamarignan-Jagnahary. ²¹ kay alao ny falotoagna jiaby ndraiky faratsiagna jiaby. Amim-panetrian-taigna dia alaivo ny volagna afa napaitraka, zay afaka mamonjy ny fagnahinareo. ²² Aoka ho mpankatô ny volagna areo fao tsy mpitandregny foagna, kay mavandy amin'ny haigninareo. ²³ Fao raha misy mitamndregny ny volagna naifa tsy mpankatô, dia hotry ologno araiky mandiniky ny sôrany voajanahary agnaty taratra izy. ²⁴ Mandiniky ny aigninazy izy kay mandaiha avy eo saalakady magnadigna samby akeo ny mahakasiky azy. ²⁵ Fao ny ologno zay mandiniky tsara ny lalagnan'ny fahafahagna tonga lafatra, ndraiky manohy magnano zany, fao tsy hoe mpitandregny foagna zay magnadigno, dia hitahigny amin-jareo asany zany ologno zany. ²⁶ Koa misy mihevi-taigna ho mpivavaka, naifa tsy mifehy ny lailany, dia mavandy amin'ny fôny izy, ary tsisy vidiny ny fivavahany. ²⁷ Ny fivavahagna madio ndraiky tsisy pentigny ake alohan-Jagnaharintsika ndriky ny Babantsika dia zao: hagnampy reo kamboty ndraiky reo mpitondrataigna amin'ny jalin-jareo, ary miaro ny aigny mbo tsy hisy pentigny avy amin'izao tontolo izao.