¹ Ho amin'ny fahafahagna no nagnafahan'i Kristy atsika. Mioraigna tsara, noho zany, aza mety ho ambanin'ny zogan'ny fagnandevozagna ndraiky. ² Tô, zaho, Paoly, mivolagna aminareo fao raha magnambaila ny taignanareo ho foràgna areo, dia tsy hahatsara areo amin'ny fomba jiaby Kristy. ³ Mijoroa vavolombelogno amin'ny ôlogno tseraikiraiky zay magnambela ny taignany ho voafaora ndraiky zaho fao voatery hagnaraka ny lalàgna jiaby izy. ⁴ Tafisaraka tamin'i Kristy areo, zay te-hohamarignigny amin'ny lalàgna; avy eo tsy miaigny amin'ny fahasoavagna eky areo. ⁵ Fao amin'ny alalan'ny Fagnahy, amin'ny finoagna, no handigniasantsik fatatra ny fanantenagna ny fahamarinagna. ⁶ Ao amin'ny Kisty Jesôsy dia tsy midika na ino na ino na voafaora na tsy voafaora, fao ny finoagna miasa amin'ny fitiavagna faogna. ⁷ Fao nihazakazaka tsara areo. Zôvy no nanakagna areo amin'ny fankatoavagna ny marigny? ⁸ Zany fandresian-dahatra zany dia tsy avy aminy lehy nagnantso areo. ⁹ Levira hely no mampitômbo ny koba jiaby. ¹⁰ Fao matoky ny Tompo zaho fao tsy handray vilagna areo. Fao ny araiky zay mampikorontagna areo no hagnaifa ny sazy, na zôvy izy na zôvy. ¹¹ ô rahalahy, raha mbala mitory ny amin,ny famoragna zaho, nagnino zaho no mbala hinjehigny? Amin'ny zany dia tegna hoafaka ny fahatafintohinan'ny hazo fijaliagna. ¹² Fao ho an'ny regny zay magnakorontagna areo, tagniniako mbô hanapaka ny taignanazy zareo! ¹³ Fao nantsovigny ho amin'ny fahafahagna areo, ry rahalahy. Naifa aza ampisaigny ho iraka amin'ny filagnan'ny nôfotro ny fahafahagnareo; fao naifa, amin'ny alalan'ny fitiavagna dia mifanompoà. ¹⁴ Fao ny lalàgna jiaby dia tantairaka amin'ny didy araiky; akao amin'ny hoe: " Tsy maintsy mitià ny namanao tôrotro ny taignanao anao." ¹⁵ Fao raha mifagnekitry ndraiky mifampihinagna areo, dia mitandraima tsaha hifamono. ¹⁶ Fao hoy zaho, mandihiana araka ny Fagnahy dia tsy hahatantairaka zay filagnan'ny nôfotro areo. ¹⁷ Fao manohitry ny Fagnahy ny filagnan'ny nofotro, ary manohitry ny filagnan'ny nôfotro ny fagniriagnan'ny Fagnahy. Fao mifanohitry zareo, mbô tsy hahafahanareo magnano zay raha tiànareo. ¹⁸ Fao raha tarihin'ny Fagnahy areo dia tsy ho ambanin'ny lalàgna. ¹⁹ Avaïzo dia mihiarihiary ny asan'ny filagnan'ny nôfotro: fijangajangagna, fahalotoagna, fitiratiragna, ²⁰ fanompoan- tsampy, famosaviagna, fankahalagna, fifandiragna, faraha, fiboahan'ny fahavigniragna, fifandrafiagna, fisaraham-bazagna, fisaratsarahagna, ²¹ fialaognagna, fahamamoagna, fagnakorontagnagna, ary ny raha mitôvy amin'ny zany. Mampitandrigny areo zaho, karaha ny afa nampitandraimako areo taloha, fao tsy handaova ny fanjakagnan-Jagnahary reo zay mampihiatra reo raha reo. ²² Fao ny vokatry ny Fagnahy dia fitiavagna, firavoagna, fiadanagna, faharaitagna, fahatsaram-pagnahy, fanaovagna raha tsara, finoagna, ²³ fahalemiam-pagnahy, ary fahafehezan-taigna; tsisy lalàgna manohitry raha tôrotro zany. ²⁴ Reo zay nihin'ny Kristy Jesôsy dia afa nagnombo ny toaitra feno fahotagna niaraka tamin'ny fahafinaretany ndraiky ny filagnany. ²⁵ Raha miaigny amin'ny Fagnahy atsika, aoka handaiha amin'ny Fagnahy faogna koa. ²⁶ Aoka atsika tsy hanjary mpipoairapoaira. mifandrangitry, ary mifampialogno.