¹ Oa Galatianina laifaka! Azovy moa mamosavy areo? Tankilanareo lasiteny no nagnaboahagna an'i Jesôsy Kristy voahombo. ² Tô foagna no raha tiàko ianaragna aminareo: Nalaka ny Fagnahy tamin'ny asan'ny lalagna sa tamin'ny finoagna zay regninareo areo? ³ Laifaka tatôbe moa areo? Nantomboko tamin'ny Fagnahy areo, dia hifaragna amin'ny nôfotro koa avaïzo? ⁴ Moa niaritry raha maro tamin'ny tsisy dikany moa areo fao raha taigna zava-poagna tatôbe ary zany? ⁵ Izio moa izy zay magnamia ny Fagnahy areo ndraiky magnano asa mahagaga taminareo dia magnano zany amin'ny asan'ny lalagna, sa amin'ny fitandrignaisagna amin'ny finoagna? ⁶ Tôrotro an'i Abrahama "nankatô an-Jagnahary ndraiky nandiniky ho fahamarignany zany," ⁷ dia tôrotro zany, haiky, fao zareo zay amin'ny finoagna dia zanak'i Abrahama. ⁸ Ny Soratra Masigny, nahita talôha fao Zagnahary hagnamarigny zareo jentilisa amin'ny finoagna, dia nitôry ny vàvà maharavoravo talôha tamin'i Abrahama, nivolagna hoe: "Avy aminao no hitahiagna ny firenena jiaby." ⁹ Koa, zareo zay amin'ny finoagna dia vôtahy miaraka amin'ny Abrahama, lay olognon,ny finoagana. ¹⁰ Zareo zay miankigny amin'ny asan'ny lalagna dia eo ambanin'ny ozogno; fao voasoratra hoe: "Voahozogno zay jiaby tsy magneky ny raha jiaby voasoratra ao agnatin'ny bokin'ny lalagna, ndraiky magnano regny." ¹¹ Avaïzo dia mazava fao tsisy ologno zay hamarignigny akeo agnatraihan-Jagnahary amin'ny alalan'ny lalagna, satria ny marigny dia ho velogno amin'ny finoagna. ¹² Fao ny lalagna dia tsy araka ny finoagna, fao naifa, " Ny ologno zay magnano ny asan'ny lalagna dia tsy maintsy velogno amin-jareo." ¹³ Kristy nagnavotro atsika tamin'ny ozognon'ny lalàgna tamin'nynatongavany ho ozogno ho nihintsika- fao voasoratra hoe: "Vohozogno zay jiaby mihantogno amin'ny kakazo"- ¹⁴ mba ho homby amin'ny jentilisa ny fitahian'i Abrahama ao amin'ny Kristy Jesôsy, mbo ho amin'ny finoagna no ahazahoantsika lay fampanantenagnan'ny Fagnahy. ¹⁵ Oa rahalahiky, ambilao zaho hivolagna araka ny fatan'ologno. Akao amin'ny fifagnarahagna atan'ny ologno, tsisy afaka magnafoagna na magnampy zay akao, koafa tafapaitraky ny lalagna zany. ¹⁶ Ary reo fampanantenagna dia nambara tamin'i Abrahama ndraiky tamin-jareo taminganazy. Tsy nagnambara zany hoe: "ho an'ny taminga," manôndro ologno maro, fao naifa ologno araiky foagna, "ho an'ny taminganao," dia i Kristy. ¹⁷ Ary zao no tiàko hambara: "Ny lalagna, zay tonga telo-polo sy efa-jato tagno tato afara, dia tsy hahafoagna ny fagnikiagna zay afa napaitra-Jagnahay talôhaka. ¹⁸ Fao raha avy amin'ny lalagna ny lôva, dia tsy avy amin'ny fampanantenagna eky zany. Fao Zagnahary magnamia zany an'i Abrahama tamin'ny alalan'ny fampanantenagna. ¹⁹ Ino, ary, ny tanjon'ny lalagna? Nasiagna zany noho reo fandikian-dalagna, mandra-pahavian'ny tamingan'i Abrahama akeo amin'ny zay nanaovagna ny ny fampanantenagna. Ny lalagna dia natan'ny mpagnano lalagna araiky ho manan-kery tamin'ny alalan'ny anjely. ²⁰ Fao ny mpagnano lalagna dia midika ologno mihoatra ny araiky, kanaifa Zagnahary dia araiky. ²¹ Izio moa ny lalagna manohitry reo fampanantenagnan-Jagnahary? Sagnatria zany! Fao koa nisy lalagna namegny zay afaka magnamia fiainagana, dia avy tamin'ny lalagna tatôbe ny fahamarinagna. ²² Fao ny Soratra Masigny nangadra ny raha jiaby ambanin'ny fahotgna. Nagnano zany Zagnahary mbo hagnomiazagna ho an-jareo mankatô ny fampanantenagna ny hagnavotagna atsika amin'ny alalan'ny finoagna an'i Jesôsy Kristy. ²³ Ary talôhakan'ny ny nahavian'ny finoagna, atsika dia nitanagna ho andevo tao ambanin'ny lalagna, nigadragna mandra-pisehon'ny finoagna. ²⁴ Koa avy eo ny lalagna dia manjary mpiambigny atsika nandr-piavin'i Kristy, mbo ho voamarigny amin'ny finoagna atsika. ²⁵ Fao zao dia homby zany finoagna zany, kay tsy akeo ambanin'ny mpiambigny eky atsika. ²⁶ Fao areo jiaby dia zana-Jagnahary akao amin'ny finoagna an'i Kristy Jesôsy. ²⁷ Fao maro aminareo zay natao batisa tao amin'i Kristy, no nangala an'i Kristy. ²⁸ Ary tsisy eky na Jiosy na Grika, na andevo na ologno afaka, na lalahy na vaïavy, fao araiky fogna areo ao amin'ny Kristy. ²⁹ Koa raha an'i Kristy areo, dia tamingan'i Abrahama, ndraiky mpandôva araka ny fampanantenagna areo.