¹ Oa Tômpo, amiazo reo andevo zay marigny ndraiky rariny. Hainareo fao areo koa managna tômpo araiky akagny an- dagnitry. ² Maharaita lalandava amin'ny fivavahagna. Mivognôsa amin'ny zany amin'ny fagnomiazagna fisaoragna. ³ Miaraha mivavaka ho zahay koa, mbô hanokafan-Jagnahary varavaragna ho an'ny teny, mbô hagnambaragna ny fahamariagnagna mivônin'i Kristy.Nohon'ny amin'ny zany, dia voafehy zaho. ⁴ Mivavaha mbô hahavitanareo magnazava zany,raha tôkony hivôlagna zaho. ⁵ Mandiana am-pahendriagna akagny amin'ny reo lehy akagny vailany, avakeo araraoto ny fotoagna. Ny koragnanareo tôkony hiaraka amin'ny fahasoavagna fôgna. ⁶ Aoka reo ho vônton-tsira, mbô hahavitanareo mahay ny fomba tôkony hamalianareo ny ôlogno tsiaraikiaraiky. ⁷ Raha reo momba zaho,dia i Tykyko no hagnambara regny aminareo. Izy dia rahalahy tiako, mpanômpo mahatoky, avakeo mpiara-manômpo akao amin'ny Tômpo. ⁸ Nalaifako akagny aminareo izy noho zao, mbô hahavitanareo mahay ny raha mahakasiky zahay, ary mbô ahavitany mampahery ny fônareo. [Fagnamariahagna akagny ambanin'ny pejy: reo dikan-tsôratra sasany talôha magnan-jao: "nalaifako akagny aminareo izy noho zao, mbô hahavitany mahay reo raha mikasiky areo, avakeo mbô hahafahany mampahery ny fônareo".] ⁹ Nalaifako izy niaraka tamin'i Onesimosy, lehy rahalahy matoky salakady tiako, lehy araiky aminareo. Zareo no hagnambara aminareo ny raha jiaby lehy afa niboaka tatô. ¹⁰ Aristarko, lehy miaraka migadra aminaha, dia miarahaba areo, karaha zany koa i Marka, havan'i Barnabasy (zay nazahoanareo baiko; izy koa mandaiha akagny aminareo izy, dia alaivo), ¹¹ ary Jesôsy koa zay nantsôvigny hoe Josto. Reo avy amin'ny voafôra reo fôgna no mpiara-miasa aminaha ho an'ny fanjakan-Jagnahary. Fampaheraizagna zareo. ¹² Epafra dia miarahaba areo. Araiky aminareo izy ary mpanompon'i Kristy Jesôsy. Mitôlogno am-bavaka areo fôgna izy, mbô hahatantairaka areo avakeo hahazo antoko tantairaka akao amin'ny sitrapôn-Jagnahary jiaby. ¹³ Fa mitsangana tomoa ho azy zaho, fa miasa mafy ho anareo izy, avakeo ho an'ny reeo akagny Laodika, ary ho an'ny reo zay akagny Hierapolia. ¹⁴ Lioka lehy mpitsabo olo tiako ndraiky Demasy dia miarahaba areo. ¹⁵ Arahaba reo rahalahy akagny Laodika, ndraiky Nymfa, ary fiangonagna lehy akao an-tragnony. ¹⁶ Koafa vokavaky akeo agnivonareo tô taratasy tô, dia atôvo vakigny akao amin'ny fiangonan'ny Laodikina koa, avakeo atôvo voavakinareo koa ny taratasy avy akagny Laodika. ¹⁷ Ambarao i Arikipo hoe: "Tandremo ny asa fanompoagna zay nalainao tao amin'ny Tômpo, fao tôkony ho hatanareo zany." ¹⁸ Tô fanaovam-beloma tô dia atan'ny tagnako manôkagna-Paoly. Tsaroavo ny fifihaizako. Ho aminareo anie ny fahasoavana.