¹ Koa raha Zagnahary no nanangagna areo niaraka tamin'i Kristy, tadiavo reo raha agny ambony, zay idaohan'i Kristy eo an-tagnankavanan-Jagnahary. ² Dinoho reo raha agny ambony, fao tsy reo raha eto an-tany. ³ Fao afa maty areo, ary ny fiainagna areo dia mivôny miaraka amin'ny Kristy ao amin-Jagnahary. ⁴ Koafa miboaka i Kristy, fiainagnareo, dia areo koa hiaraka hiboaka aminy ao aminy ao amim-bogninahitry. [Fagnamarihagna eny ambanin'ny pejy: Reo dikan-teny taloha sasany mivolagna hoe: "Koafa miboka Kristy, izay fiainagnareo, dia areo fogna koa dia hiaraka hiboaka miaraka aminy am-bogninahitry.] ⁵ Vonoy, aveo, reo mpikambagna zay aketo an-tany ny filagna ratsy, fahalotoagna, firihaitany filagna, fagniriagna ratsy, aveo fahalanian-kanigny, zay fanompon-tsampy. ⁶ Noho zany regny raha jiaby regny no hahatongavan'ny fahatezairan-Jagnahary amin'reo zanaky ny tsy fankatoavagna. [Fagnamarihagna eny amin'ny pejy: Ny dikan-teny taloha sasany mivaky hoe: "Noho regny raha regny no mahatonga ny fahatezairan-Jagnahary."] ⁷ Tao amin'regny raha zay nadihiananareo regny taloha fogna koa raha mbôla niaigny tao amin'n regny areo. ⁸ Fa avaizo areo dia tsy maintsy magnary regny jiaby regny- fahatezairagna, fahavigniragna, reo fikasagna ratsy, reo fagnaivataivagna, aveo volagna fahavaitavaitagna avy amin'ny vavanareo. ⁹ Aza mifampavandy, fa afa narianareo ny toetra taloha miaraka amin'reo fampiharagna zany, ¹⁰ ary nisikinanareo ny toetra vaovao zay navaozigny ao amin'ny fahalalagna araka ny bikan'zay namôrogno zany. ¹¹ Ao amin'ny zany dia tsy misy Grika sy Jiosy, voafora sy tsy voafora, barbariana, Skytiana, andevo, ôlogno hafaka, fa i Kristy no jiaby, ary ao amin'ny jiaby. ¹² Koa, misikína, araka ny maha ôlomboafidin-Jagnahary, masigny ary tiagna, famindram-pô, hatsaram-pagnahy, fanitrian-tegna, fahalemem-pagnahy, ary faharaitagna. ¹³ Mifampitodrà tsara. Mifamelà. Raha misy ôlogno araiky managna fitaraignagna momba ny ôlogno hafa, mamelà hotry zay namelan'ny Tompo areo. ¹⁴ Ambon'regny jiaby regny, manàgna fitiavagna, zay mamatotro atsika amin'ny fahatanterahagna. ¹⁵ Aoka ny fiadagnan'i kristy hanapaka ao amin'ny fônareo. Fao ho an'zany fiadanagna zany no nagnantsaovagna areo ho haigny araiky. Ary misaora. ¹⁶ Aoka ny volagnan'i Kristy hitoetra maro ao aminareo. Amin'ny fahendriagna jiaby mifampianara aveo mifagnanara amin'reo salamo ndraiky fihiragna ary hira ara-pagnahy. Mihirà amin'ny fisaoragna ao amponareo ho an-Jagnahary. ¹⁷ Na ino na ino tsabonareo, na amin'ny volagna na amin'ny asa, ataovy amin'ny agnaran'ny Tompo Jesôsy jiaby. Magnamiaza fisaoragna ho an-Jagnahary lehy Baba amin'ny alalany. ¹⁸ Areo vaiavy, magnikaiha ny vadinareo, fao zany no manjary ao amin'ny Tompo. ¹⁹ Areo lalahy, tiavo ny vadinareo, ary aza masiaka amin-jareo. ²⁰ Areo zanaka, magnikaiha ny ray aman-dreninareo amin'ny raha jiaby, fao zany no ankasitrahigny ao amin'ny Tompo. ²¹ Areo baba, aza magnano zay mampalahelo reo zanakareo, mbô tsy ho kivy zareo. ²² Areo andevo, magnikaiha ny tomponareo araka ny nôfotro amin'reo raha jiaby, tsy amin'ny asa akeo imaso hotra mpila sitraka, fa amin'ny fô tsotra. Matahaora ny Tompo. ²³ Na ino na ino tsabonareo, miasà avy amin'ny fagnahinareo hotry ny ho an'ny Tompo fao tsy ho an'ny ôlogno. ²⁴ Hainareo fao areo dia hangala ny valisoan'ny laova avy amin'ny Tompo. Izy no Tompo Kristy zay Tomponareo. ²⁵ Fa zay magnano ny tsy fahamarinagana dia hangala ny sazy ho an'ny tsy fahamarinagna zay nitsabony, ary tsisy fizahavan-tsaora.