¹ Paoly, mpanompon'i Jesosy kristy, voakaiky ho apostoly, ary nataoka ho mpitory filazan-tsaran-dragnahary. ² Io i filazan-tsara efa nampagnatenainy taloha, baka tamin'ny iro mpaminany tagnatiny soratra masigny. ³ Zegny mikasiky zanany lahy, avy mbaka tamin'ny taranaka Davida. ⁴ Tamin'ny fitsanganany tamin'ny maty, nambara fa zanaka maherin'i zagnahary tamin'heriny fanahy masina Izy_dia Jesosy tompontsika. ⁵ Mbaka tamin'ny nangala tsika fahasoavagna draiky maha-apostoly fagnikiagna finoagna amin'ny firenena jiaby nohon'ny agnarany. ⁶ Amindro firenena iro, anao ho voakaiky nohon'i Jesosy Kristy. ⁷ Taratasy ity ho olo jiaby ao Roma, izay mahay zagnahary, izy voakaiky ho olo masigny. Hoaminaro agny fahasoavagna draiky fiadagnany dragnahary baban-tsika sy Jesosy Kristy tompo. ⁸ Voalohany, hisaorako zagnahary mbaka amin'i Jesosy Kristy aminaro jiaby. Fotony finoagna naro fa nambara amin'izao tontonlo izao. ⁹ Fa Dragnahary vavolombeloko tompoko ao amin'ny fagnahiko ao amin'ny filazan-tsara ny zanany, fa tsy mijanogno mivolagna aminaro za. ¹⁰ Mangataka fo za amin'ny vavaka ataoko mba ahombiazako amin'ny fomba jiaby amin'ny sitrapon-dragnahary hoavy aminaro. ¹¹ Fa za mba magniry ahita anaro, mba ahafako magnamia anaro fagnamezan-panahy sasantsany ho anaro, mba ampahery anaro. ¹² Zegny, magniry za hifankaherezan-tsika eto agnivontsika. Mbaka amin'ny finoagna tsika tsirairay, ny naro avio ninaka. ¹³ Niany, sty tiako anaro tsy ahay, ry rahalahy, matekiky zaho managna fikasagna agnatogno anaro, (nefa za voasakana ka hatramin'ny zio), mba hahazoagna vokatra aminaro, kara nazahoako ambiny iro Jentilisa koa. ¹⁴ Za mpitrosa amin-dro Grika sy iro vahiny, amin'ny misy jery draiky adala. ¹⁵ Nohony zegny, aminaka, vognono koa za hitory filanzan-tsara ho anaro agny Roma. ¹⁶ Fa za tsy megnatra amin'ny filazan-tsara, zegny herin-dragnahary indesigny amonjy iro jiaby mino, ho an'ny Jiosy aloha avio ho an'ny Grika. ¹⁷ Fa zegny agnambaragna famarignan-dragnahary, mbaka amin'ny finoana ho an'ny finoana, araka ny voasoratra hoe : "Ny marigny dia ho velogno amin'ny finoana." ¹⁸ Fa heloko dragnahary namboakany mbaka tan-dagitry manohitra haratsiam-pagnahy, draiky tsy fahamarignan'olo, izay manakana ny fahamarignana amin'ny tsy fahamarignana. ¹⁹ Zay raha hay momba dragnahary hitan-dro maso. Fa nazavain-Dragnahary tamin-dro. ²⁰ o endriny tsy hita maso, zegny heriny tsisy fetrany, maha Dragnahary Izy, Hita nazava tsara, nanomboko namorogno izao tontonlo izao, tamin'ny raha jiaby niforogniny. Nohon'ny zegny dia tsy managna fialan-tsigny iro. ²¹ Fotony na fa nahay momba Dragnahary iro, fa tsy nagnamia voninahitry maha Dragnahary Izy, na koa nankasitraka Izy. Loso adala tao saigny dro, avio nahay nahiziky fo dro. ²² Iro mivolagna iro misy jery, nefa nahay adala. ²³ Voninahitry Dragnahary tsy mety motraka natakalo dro sarintsary nolobelogno mety motraka, vorona, biby managna vity efatra draiky raha mikisaka. ²⁴ Zegny namian-Dragnahary iro, nohon'ny fahalotoany fo dro. mba ho voa baraka amin'ny aigny dro iro. ²⁵ Iro nanakalo fahamarignan-Dragnahary amin'ny vandy, ary iro midaira manompo zava-boary fa tsy Dragnahary, deraina mandraikizay. Amen. ²⁶ Nohon'ny zegny nalefa Dragnahary agny amin'ny filan-dratsy iro, fa viavy dro nanakalo fifandraisagna voajanahary tamin'iro tsy voajanahary. ²⁷ Kara zegny iro lelahy nagambela fifandresan-dro voajanahry miaraka amin'ny viavy ka niheritreritry filàgna ara-nofo amin-dro samy iro. Zegny iro lelahy nagnano fehitsiky mahametraka miaraka amidro samy iro Ary navoa iro, ny sazy mifagnaraka aminy fahavetavetagna nataon-dro. ²⁸ Fotony tsy nagneky hanagna Dragnary mifagnaraka amin'ny heritreritry dro, ka namiany saigny tsy mendriky iro, mba anaovan-dro raha tsy mety. ²⁹ Iro feno tsy fahamarignana, faharatsiagna, fanafo, draiky lolompo jiaby. Iro feno famamogna, fanafo, fifanoheragna, fitaka, draiky fikasagna ratsy. ³⁰ Iro mpitsiko, mpagnedrikendriky, ary mpankahala Dragnahary. Iro io mahery andra, miavogno, draiky mirehareha, iro mpamoro raha ratsy ary tsy magnaja ray aman-dreny. ³¹ Iro tsisy raha hay ary tsy azo hatokisagna, tsisy fitiavagna voajanahary, tsy mamindra fo. ³² Aidro lalàgnan-dragnahary, fa iro magnano rah kara zegny, mendriky fahafatesagna. Fa tsy zegny fo raha ataony fa mbola magneky iro magnano zegny koa.