¹ Navy nagnantogno Izy tiô zegny irô fariseo ndraiky irô mpahay làlagna sasany sady nagnodidigny Izy tiô. ² Kai itandrô tiô zegny sasany tamin-drô mpianatranany nihinagna tamin' ny tagnana maloto sady tsy nisasa. ³ ( Kai tsy afaka mihinagna zegny iro Fariseo ndraky Jiosy, izikoa tsendriky boaka nanasa tagnana , fotony iro zegny magnaraka fombafomban-drô loholono.) ⁴ Koa nimpody boaka tamin' ny tsena tagny zegny iro Fariseo, tsendriky mihinagna izikoa tsy efa boaka niseky) sady iro koa zegny mitandrigny fomba mare, karaha fanasagna kapoaka draiky latabatra varagna, avio kidôro hinanandrô.) ⁵ Nagnontany Jesosy amizay irô Fariseo draik irô mpahay lalàgna: "Nagnino mba mpianatranao tsy mandaiha karaha fombafombandrô loholona aby io, fa mihinagna mofondrô amin' ny tàgnana tsy voasasa?" ⁶ Kanefa nivolagna tamindrô Izy fa: "Isaia tegna naminany tsara taminaro jiaby mpihatsaravelatihy. Ity raha nisoratany: "Ity vahoak ity magnaja Izy amin' ny vava, fa fô nany draiky lavitry Izy." ⁷ Foagna ny fivavahagna atolotro-drô Izy, izikoa mampianatra lalàgna ny olombelogno fampianaragna irô. ⁸ Ambelanarô didin-Jagnahary fa ny olombelogno draiky tananaro maresaka". ⁹ Sady nivolgna koa Izy tamindrô hoe: "fomba karakôry ma agnarianarô didy dragnahary kai hitananarô fomba-dRazagna narô!" ¹⁰ Kai nivolagnin' i Mosesy: "magnajaha babanao draiky mamanao; aviô koa, ho faty aby izay olo magnamia volan-dratsy mamany draiky babany." ¹² kay aza ambelanarô agnano ndray ino ndray ino amin' ny babany draiky mamany foeky izy. ¹³ Tsy magnisy fotony volagna Jagnahary anaro amin' ny fomban-dRazagna narô io. tsy vitany zegny koa fa bala maro koa raha itanarô iragna amzegny. ¹⁴ Nimpody namory vahoaka draiky Izy nivolagna hoe: "Tandrignesa za, ataova hay fa anaro fo jiaby io. ¹⁵ Tsisy raha boaka ivelan' ny vatagnan' olo nihidriky aminany ao kai nahatoga izy naloto. Fa araiky boaka agnatiny ao igny fo mandoto izy." ¹⁶ [Ny fandikagna tegna tsara zegny tsy magnisy andininy faha 16: Izikoa misy ny manan-tsofigny hitandrignesany, mba hitandregny izy.] ¹⁷ Izikoa fa niala tamindrô vahoaka aby tio zegny i Jesosy kai nihidiky tagnaty tragno, nagnontany izy zegny iro mpianatra nany mikasiky iro fagnoaragna aby igny. ¹⁸ Volagnin' ny Jesosy tamindrô: "mbala tsy hainaro koa ma zegny? Tsy itanaro fa raha jiaby boaka ivelan' ny vatagna kay nihidriky agnatiny ao tsy mandoto izy, ¹⁹ fôtony tsy tafidriky agnaty fô ao zegny, fa agnaty kibo ao fo izy sady miboaka amizay tany tokony iboany agny? Tamin' ny zegny. Tamin' ny zegny fagnambaragna zegny natonga hanigny jiaby madio i Jesosy. ²⁰ Nivolagn Izy fa: "Zaigny miboaka boaka amn' olo ao fo mandoto izy." ²¹ Fa boaka agnatin' olo ao, boaka agnaty nany, iboany jery ratsy, fagnasahagna, fangalaragna, famoniagna olo, ²² mandranto, fagniriagna, haratsiam-pagnahy, fitaka, mafana fô, vandivandy, fihavognana, hadlagna. ²³ Jiaby igny zegny raha ratsy boaka agnatin' olo, aviô irô io koa mandoto izy. ²⁴ Niala tio zegy Izy nandeha tamin' ny faritry Tyro draiky Sidona. Nidriky tagnaty tragno araiky zegny Izy kai tsy tiany hain' olo zegny Izy tao, sady tsy afaka nivolagna. ²⁵ Niaraka tamin' ny zigny nisy vihavy araiky, managnanaka magnangy ely misy fagnahy maloto, nandeha taminany tio. Koa fa navy tio izy, diraikity niôdriky sady nandohaliky tamin' ny vitiny tao. ²⁶ Grika zegny vihavy io, Syro-foinika tany fihaviany. Nanambitamby Izy zegny vihavy io mba agnadoso setoany mikotragna zanany hely io. ²⁷ Nivolagna taminany amzay izy: "Hamiha hanigny akendriky tsaiky io. Fôtony tsy mety mangala mokary ny tsaiky kai andeha hatsipy amin' ny amboha." ²⁸ Kai namaly izy nivolagna hoe: " Ia, Tompo, na amboha ambany latabatra ao koa ane mba mihinagna mokary ny tsaiky io." ²⁹ Kai navaliny boaka tao: "Boaka amin' ny raha volagninao zegny, fa afaka mandeha anao. Efa niboaka amin' ny zanakanao ao i setany zegny. ³⁰ Izikoa fa nimpody tan-tragnonany tagny viavy igny, nahita zanany mandry amin' ny fandriagna sady fa tsisy setoany. ³¹ boaka niala tao draiky koa Jesosy, nandeha nitsaka tagny sidona jisaka tamin' ny ranomasigny ny Galelia sady nanonga tagny Dekapolisy. ³² Kai nindesindrô taminany olo araiky maregniny sady sahiragna mivolagna, kai nangataka taminany irô mba hamitrahany tagnana amnany. ³³ Nandesiny niala tankilandro tio zegny i lelahy igny, kai nitanany sofigny nany, koa fa boaka nandrôra izy, nikasiky lelany izy. ³⁴ Kai niandrahandra lagnitry zegny Izy, nihaimbe sady nivolgna taminy hoe: "Efeta", midika zegny fa: "Aretigny" ³⁵ betibety tiô zegny i sofigny igny naharegny, potipotiky tagny zegny raha namehy leleny tiô igny sady afaka nivolagna tsara zegny izy. ³⁶ Tsy nimboany Jesosy zegny irô andeha ikoragna raha nandalo tiô, na am-jôvy na am-jôvy. Kara vomaika nagniraka irô draiky zgny i volagna nataony igny. ³⁷ Kai gaga zegny olo jiaby tio koa fa naharegny irô nivolagna zigny sady nivolagna hoe: "Nataony tsara aby kony raha jiaby ai". nataony maharegny ny maharegniny ary ny moa koa nampivolagniny.