¹ Niala tamin'ny toeragna io, nandeha ta tanindrazagnanany, niaraka tamin' ny mpianatranany. ² Izy koa fa Navy Andra sabata nampianatra tio amin'ny Synagoga Izy. Maro olo naharegny Izy sady gaga. Nambara-dro : baka ahia nazahoany fampianaragna jiaby iô ? Irô fisiagna Jery namezagna Izy ty ? Irô aby fahagagagna nataony tamin'ny tanàna ty ? ³ Tsy draiky mpandrafitry igny io, i zanaka Maria draiky rahalahin'i Jakoba draiky Josesy draiky Jodasy bakô Simona ? Tsy miaraka amintsika eto mba i anabaviny ? Neloko tamin'i Jesosy irô ⁴ Sady ho Jesosy tamin-drô: "Tsisy mpaminany tsy amezagna haja, izy koa tsy ao amin'ny tananindrazagnanany draiky ao amin'ny havany mariny bako olo miaraka mipetraka aminany fo". ⁵ Tsy afaka magnano asa mahagaga Izy, izy koa tsy fametrahagna tagnana amin'ny marary vitsivitsy bakô magnajanga irô. ⁶ Gaga tamin'ny tsy finoan-dro Izy. Bako nandeha nagnodidigny tanana Izy hampianatra. ⁷ Bakô nikaiky irô aroe ambin'ny folo lahy Izy, nanomboko aniraka irô nandeha tsiaroeroe, bako namezany fahefagna tio amin'ny fagnahy maloto irô, ⁸ bako tsy hitonga na ino na ino amin'ny diany, na mofo, na saka, na vola amin'ny sentiry irô. Izy koa tsy tongozo fo. ⁹ Tsy hagnano kiraro, bakô tsy hagnano akanjo aroe. ¹⁰ Nivolagna Izy tamin-dro hoe : "Na ombiagna na ombiagna anarô mindriky tragno araiky, mimpitra ao mandra-pialanaro agny. ¹¹ Rahoatra ka misy tagnana tsy mandray anarô na tsy mitandregny anarô, izy koa miala amin'ny toeragna io anarô adosoa ny fotaka amin'ny vitinaro mba sady vavolombelogno amin-dro". ¹² Nadeha directe iro bakô nitory fa olo jiaby tokony hibaboko amin'ny andalagnany. ¹³ Nandroaka setoany maro irô, bakô nagnôsotro delohily tamin'ny marary maro nampanjanga irô zegny. ¹⁴ Regnin'i Heroda mpanjaka zegny, fotony loso nalaza be agnaran'i Jesosy. Iry sasany nivolagna fa "Nitsangana tamin'ny maty Jaona mpagnano batisa ka zegny, mahatongany hery mahagaga ao agnatiny miasa. ¹⁵ Fa iny sasany koa magnambara fa "i Elia Izy". Mbola nivolagna koa iry sasany fa "Mpaminany Izy, kara araiky tamin-drô mpaminany taloha. ¹⁶ Izy koa naregny zegny eroda nagnambara izy fa "Jaona, araiky nitapahako loha igny kony nitsangana tamin'ny maty". ¹⁷ Heroda nagniraka olo nanambotro i Jaona bako nagnadefaizy tagny agnaty prisn avy amin'ny raharahaHerodiasy (vadin'i Filipo ralahiny), fotony nalainy vady i viavy io. ¹⁸ Jaona nivolagna i Heroda fa " tsy magnaraka lalàgna hanambadiananao vadin'ny rahalahinao". ¹⁹ Neloko taminany Herodiasy nitady fomba hamonoagna izy, nefa tsy afaka, ²⁰ boka amin'ny fahavozoan'i Heroda i Jaona, hany fa olo marigny draiky feno fahamasignana izy, bako niarovany izy. naifa nitandrignesany tan-karavoagna fo izy. ²¹ Bakô nisy iraka tamin'ny anniversairen' i Heroda nagnano fagnambaragna amin-dro olo bebe, draiky irô mpifehiny, bako iro mpitariky Galilia Izy. ²² Nidriky directe tao amin'ny chambre vahiny i zanaka vvavin'i Herodiasy direct nitsinjaka irô, bakô naharavoravo i Heroda draiky vahiny nikahiagna tamin'ny finanagna izy. Nagnabara mpanjaka tamin'ny tsaiky viavy io : Angataha aminaka izay raha tianaofa amiako anao". ²³ Bako nifanta taminazy izy agnano : "Na ino na ino angatahinao aminaka, amiako anao, na antsasaky fanjakako". ²⁴ Direct niboaka bako nivolagna tamin'ny namany : "Ino tokony angatako aminazy ?" Nagnambara mamany : "Ny lohan'i Jaona mpanjaka Batisa". ²⁵ Tio tio nipody tagny amin'ny mpanjaka izy, nangataka, nagnano hoe :"Tiako amezanao zaho, zioty, io agnabony vilagny lohan'i Jaona mpagnano batisa. ²⁶ Na zegny draiky nampahinakinaka mpanjaka zegny, tsy afaka tsy nagnano fangatahany zegny izy fotony efa nifanta bako nisy vahiny nikahiny tamin'ny fiananagna tio. ²⁷ Nohon'izegny nagniraka miaramila araiky baka amin'ny mpiambigny mpanjaka mba hitongá lohan'i Jaona amin'azy io. Loso i mpiambigny io bako nanapaka lohany tao agnatiny prison. ²⁸ Nidesiny tio agnabo vilagny lohany bako namezany tsaiky viavy io, bako i tsaiky viavy io nagnamia zegny i mamany. ²⁹ Izy koa naregny zegny irô mpianatra nany, direct navy irô nangala fatiny nandeha nadevigny. ³⁰ Nimpody tagny amin'i Jesosy irô apostoly bako nitantara tamin'azy raha jiaby vitan-dro. ³¹ Bakô nambarany tamin-dro : "Alo atsika andeha agnaty chambre. Hangala kajo hely". Maro olo nandalodalo na tsy nanagna lera hinana-kanigny aby irô. ³² Nandeha ambilo irô mba antany fo. ³³ Irô nahita nadehana-dro bako maro tamin-drô nahay izy, niaraka nilomoay baka tgny an-tanana irô jiaby, nandeha tio alohan-dro. Izy koa navy tamin'ny sisiny tio irô, nahatazagna vahoaka maro. ³⁴ Izy bako nahinakinaka irô Izy fotony kara ondrikondriky tsy managna tsy magnaja irô. Ka nanmboko nampianatra raha maro irô Izy. ³⁵ Izy koa fa hariva andra, nagnatogno iz mpianatranany nagnabara : "Toeragna tsisy raha ity bakô andra efa ho hariva. ³⁶ Alifasa irô mba handeha agny amin-drô bongo draiky tanàna magnodidgny hivanga hanigny ho anin-drô : "Amezanarô raha ho anin-drô". ³⁷ Namaly Izy nagnambara tamin-drô: "Amezanarô raha hoanigny irô". Nagnambara irô tamin'ny: "Afaka mandeha draiky mivanga mofo azon'ny denaria roanjato va izahay hagnamezagna irô hoanigny ?" ³⁸ Nagnambara tamin-dro : "Firy mofo anagnarô ? Mandiana bako zahava" Izy koa hitany, nagnabara irô: "Mofo dimy draiky laoko aroe". ³⁹ Nagniraka olo jiaby mba hipetraka mitokotokogno tio amin'ny ahitry mahitso izy. ⁴⁰ Nipetraka nitokotoko irô, nisy tokony zato dimampolo tio. ⁴¹ Nangala irô mofo dimy draiky laoko aroe izy, niandrahandra langitry nankasitraka izy bakô nandrasadrsa mofo bako nagnamia zegny tamin-drô mpianatra mba hamezagna iro olo io alohan-drô. Nirasaigny tamin'olo jiaby koa loako aroe. ⁴² Samby nihinagna draiky irô voky. ⁴³ Nalain-drô sombitsombiny mofo, nahafeno roambinifolo tôgnotôgno nilongolongo, bako koa lambiny laoko. ⁴⁴ Nisy dimy arivo irô lelahy nihinagna mofo. ⁴⁵ Tio tio nirahiny nanoga tao ambilo irô mpianatranany mba andeha alohany hitsaka andeha agny Betsaida, raha nandefa ny vahoaka Izy. ⁴⁶ Izy koa loso irô, nanonga tagny agnambon'ny bongo Izy mba hivavaka. ⁴⁷ Navy hariva, efa tio agnivon-dranomasigny koa ny lalana, fa nitokana tagny agnambon'ny bango Izy. ⁴⁸ Bakô hitany sahiragna mare irô nintondra lakana, fotony nikontira mare tsiko. Tio tio amin'ny efatra magnenakoho nandeha tamin-dro izy, nandalo agnambony ranomasigny, bako tia handalo tio amin-dro Izy. ⁴⁹ Izy koa nahita Izy nandeha agnabony ranomasigny Irô, nambar-drô lolo izy nihiafatrafatra irô, ⁵⁰ fotony nahita izy irô navozo. Tio tio nivolagna tamin-drô izy agnambara : " Matokisa! za fo ty! Aza mavozo!" ⁵¹ Bakô nidriky tao agnaty lakana niaraka tamin-dro Izy, nijanogno tsy nare tsiko. Tegna gaga irô. ⁵² Bakô tsy takatra saigni-drô dikany mofo. Nefa draiky nahay mafy fô fo iro. ⁵³ Izy koa tody irô, navy tao Genesareta nikahiagna irô amin'ny lakana irô, ⁵⁴ Bako izy koa nijotso baka tao amin'ny lakana irô, direct hain'olo tao Izy, ⁵⁵ nilomoay nagneragna faritry jiaby irô bako nanomboko nitonga marary tamin'ny tany fandriany iregny irô. ⁵⁶ Na tahia na tahia nandiahanany na an-tanàna na tanàna mavety, na tagny amin'ny bongo hely, napetraka drô tio amin'ny banja marary. Ningavy Izy irô mba hagnambela irô hikasiky tapaka ankanjony, bako olo nikasiky Izy Janga.